Skólavarðan - 01.04.2007, Blaðsíða 11

11
SKÓLAVARÐAN 3.TBL. 7. ÁRG. 2007
öllum þeim spurningum sem upp geta
komið. Síðan skoðum við heimskortið
okkar og finnum landið sem barnið er að
koma frá. Þá förum við á bókasafnið og
finnum bækur með myndum og textum til
að skoða. Okkur hefur þótt mjög gaman
að æfa okkur að telja og/eða syngja lög
frá upprunalöndum nemenda okkar.
Ögrandi til að byrja með
Markviss málörvun er sterkur þáttur í
leikskólastarfinu og leggjum við þar
áherslu á litla hópa. Tvítyngdu börnin
okkar eru ýmist með samlöndum sínum
eða ein. Í vetur höfum við einnig boðið
upp á móðurmálskennslu þeirra tvítyngdu
barna sem eru í Lyngholti. Það hefur
mælst mjög vel fyrir og væntum við mikils
af því starfi.
Fjölmenningarleg kennsla er ögrandi
til að byrja með en markmiðið er að
hún verði eðlilegur þáttur í öllu okkar
starfi. Kennarar þurfa að sjálfsögðu að fá
þjálfun, það þarf að fara fram umræða
innan starfsmannahópsins til þess að
starfið verði sem árangursríkast. Hlutverk
kennarans er að auka færni nemandans og
það gerir hann með því að efla sjálfstraust
hans og hjálpa honum að öðlast færni
og/eða þekkingu. Stuttar, skýrar setningar
og miklar endurtekningar er það sem þarf
til að hjálpa nemandanum að koma sér af
stað. Efniviður og kennsluaðferðir miðast
svolítið við nýja nemandann. Hreyfileikir,
vísur og þulur sem eru endurtekning eru
auðlærðar og því gagnlegar fyrir tvítyngd
börn sem og við alla málörvun.
Í heildina séð er skemmtilegt og
krefjandi að vinna með nemendum,
foreldrum og kennurum frá hinum ýmsu
þjóðlöndum. Það auðgar starf okkar og
samfélagið og hér í Lyngholti tökum við
því fagnandi og viljum halda áfram á
sömu braut.
Lísa Lotta Geirsdóttir
Höfundur er aðstoðarskólastjóri Lyngholts.
Vísindasjóður Félags framhaldsskóla-
kennara hefur nú starfað um árabil.
Smávægilegar breytingar hafa verið
gerðar á vinnureglum B-deildar í
gegnum tíðina. Tilefni þessarar fréttar
er að nú hafa reglur B-deildar verið
endurskoðaðar sérstaklega og hefur
tvennt verið gert í aðalatriðum. Annars
vegar hafa styrkir verið rýmkaðir
nokkuð og hins vegar hafa reglur verið
gerðar skýrari. Breytingarnar má sjá á
heimasíðu KÍ og fyrir skemmstu fengu
trúnaðarmenn sent sama skjal með
ósk um að senda það áfram til allra
félagsmanna í FF og FS. Allar þessar
upplýsingar, sem og annað sem varðar
sjóðinn, munu koma fram í Fréttabréf-
inu í haust þegar komið er að því að
greiða styrki úr A-deildinni.
Í fyrsta lagi er mikilvægt að taka fram að
styrkfé má aldrei nota til að greiða kostn-
að sem félagsmanni ber að fá greiddan
af vinnuveitanda eða öðrum aðila sam-
kvæmt kjarasamningi, hefð, lögum eða
reglugerðum. (Úr úthlutunarreglum B-
deildar).
Rétt er að ítreka nokkur atriði í við-
bót: Háskólanám, sem ekki telst hluti
af réttindanámi, getur verið styrkhæft,
einnig þó að réttindanámi sé ekki lokið.
Sjóðstjórn metur hvort námið sé styrkhæft
eða jafngilt háskólanámi.
Réttindanám, þ.e. nám sem þarf til
að ljúka lágmarks prófgráðu sem gefur
kennsluréttindi, telst ekki endur- eða
viðbótarmenntun og er því ekki styrkhæft.
Um slíkt er hægt að sækja í A-deild.
Til þess að sjóðfélagi verði styrkhæfur
þarf að hafa verið greitt fyrir hann í sjóðinn
í a.m.k. 6 mánuði. (Úr úthlutunarreglum).
Í vinnureglum fyrir B-deild vill sjóð-
stjórn vekja sérstaka athygli á styrki vegna
náms samhliða starfi. Um er að ræða nám
þar sem félagsmaður sækir háskólanám,
viðbótarnám, eða annað sem stjórn metur
styrkhæft. Styrkurinn er 10.000 krónur á
hverja háskólaeiningu allt að 30 einingum.
Heimilt er að ljúka því námi á tveimur
árum án þess að endurnýja umsóknina og
er styrkur greiddur út gegn staðfestingu á
námsferli frá viðkomandi skóla.
Styrkur vegna námsorlofa hefur verið
hækkaður í 300.000 krónur ef styrkþegi er
við nám hér á landi en 400.000 krónur ef
hann er við nám erlendis. Átt er við heilt ár
en sjóðstjórn er heimilt að reikna styrkinn
hlutfallslega miðað við lengd orlofs og
samspil námstíma hérlendis og erlendis.
Þá hafa reglur verið gerðar skýrari
um skólaheimsóknir erlendis og sett upp
eins konar þrepskipting eftir því hversu
löng dvölin er. Einnig er búið að setja
fastari reglur um hvaða gögnum þarf og
má skila. Styrkir vegna námskeiðs- eða
ráðstefnuferða erlendis (3-5 dagar) hafa
einnig verið hækkaðir.
Hámarksúthlutun er 400 þúsund krónur
á hverju fjögurra ára tímabili. Sjóðfélagi,
sem hefur náð hámarki í úthlutun á fjög-
urra ára tímabili, getur samt sem áður sótt
um styrk allt að 100 þúsund krónum fyrir
hvert heilt ár sem líður frá því hámarki er
náð. Umsóknin stangist ekki á við mörk
sem sett eru svo sem um hámarksstyrki til
námskeiða, háskólanáms eða annars sem
kann að eiga við.
Almennt gildir sú regla að allt nám,
sem ekki telst hluti af réttindanámi, getur
verið styrkhæft. Þó er það vinnuregla að
miða eingöngu við viðurkennda skóla og
ekki við nám á framhaldsskólastigi.
Vísindasjóðurinn hefur fyrir löngu sýnt
gildi sitt og gagn fyrir fjölda kennara og
stjórnenda. Þeir hafa átt auðveldara með
að afla sér viðbótar- og endurmenntunar
sem oft hafa leitt af sér ómetanleg tengsl
við erlenda starfsfálaga og skóla. Hins
vegar skiptir öllu að þau gögn sem send
eru til sjóðsins séu góð og gild því að
öðrum kosti verður erfiðara að verja
það fyrir skattyfirvöldum hvernig þessu
fjármagni er varið.
F. h. stjórnar,
Sigríður J. Hannesdóttir.

Vísindasjóður Félaga framhaldsskólakennara
og stjórnenda í framhaldsskólum
Nýjungar vorið 2007
LEIKSKÓLINN LYNGHOLT, VÍSINDASJÓÐUR