Skólavarðan - 01.10.2007, Blaðsíða 10

10
NÁMSGÖGN, MÁLÞING
SKÓLAVARÐAN 7.TBL. 7. ÁRG. 2007
Sigurður Svavarsson útgáfustjóri Eddu og Ingólfur Helgason
forstjóri Kaupþings undirrita samninginn í húsakynnum
Menntaskólans í Reykjavík í september sl.
Nú er ekki hjá því komist að hrósa
svolítið þótt það sé okkur Íslendingum
lítt tamt … og allra síst að hrósa vell-
ríkum stórfyrirtækjum. Það leikur nefni-
lega enginn vafi á því að Kaupþing á
hól skilið fyrir að borga aðgang allra
grunnskóla, framhaldsskóla og háskóla
á landinu að vefnum Vefbækur.is
Þessi aðgangur nýtist allt að 80 þúsundum
nemendum sem er ekkert smáræði.
Nem-endur fá aðgang að ritunum á
staðarneti viðkomandi skóla. Bækurnar
sem um ræðir eru heldur ekki af verri
endanum, þarna eru íslensk, dansk-íslensk,
spænsk-íslensk, íslensk-ensk og frönsk-
íslensk orðabók auk fleiri orðabóka,
orðstöðulyklar Íslendingasagna og verka
Halldórs Laxness, tveggja binda verkið
Samtíðarmenn, Kortabók Íslands og Nöfn
Íslendinga. Unnið hefur verið í fjögur
ár að þróun orðabóka og uppflettirita á
vef hjá Eddu útgáfu undir stjórn Marinós
Njálssonar vefbókaritstjóra . Fyrsta verkið
sem var aðgengilegt á vefnum var Íslensk
orðabók en síðan þá hefur orðabókum
og uppflettiritum á vefnum fjölgað jafnt
og þétt, enda miðast öll útgáfuvinna við
bækur af þessu tagi við útgáfu á prenti og
á vef samhliða.
„Þessi samstarfssamningur var undir-
ritaður í byrjun september að viðstöddum
menntamálaráðherra Þorgerði Katrínu
Gunnarsdóttur sem tók formlega við
aðganginum fyrir hönd skólakerfisins,“
segir Snorri Ingason sölustjóri. „Við höfum
fengið góðar viðtökur frá kennurum og
skólastjórnendum og þetta er gríðarlega
mikið notað en betur má ef duga skal. Við
höfum orðið vör við að margir kennarar
vita ekki enn af þessum aðgangi og okkur
er auðvitað í mun að koma upplýsingunum
áleiðis til þeirra.“ Þar sem um vefbækur er
að ræða fylgja ýmsir möguleikar í tengslum
við leit, gerð orðalista í svokallaða
glósubók o.fl.
Þess má geta að almenningur getur
fengið aðgang að vefnum Vefbækur.is
gegn greiðslu. Verði er að sögn Snorra stillt
mjög í hóf en það er kr. 485 á mánuði.
Snorri Ingason veitir fúslega allar nánari
upplýsingar, netfang hans er snorri@
forlagid.is.
Slóð vefsins Vefbækur.is er vefbaekur.is
Frábær stuðningur við skólastarfVefbækur.is
Málþingið Hátt til lofts og vítt til veggja
verður haldið þann 23. nóvember nk. kl.
12:30 – 16:00 á Grand Hotel við Sigtún í
Reykjavík. Málþingið er haldið á vegum
Félags leikskólakennara í samvinnu við
Félag leikskólafulltrúa. Málþingsstjóri
er Guja Dögg Hauksdóttir arkitekt og
deildarstjóri byggingarlistadeildar Lista-
safns Reykjavíkur. Óhætt er að segja
að þarna er mjög spennandi málþing á
ferðinni um mikilvægt málefni sem lítið
hefur verið til umræðu.
Ólíkir heimar – hönnun bygginga
og leiksvæða með þátttöku
nemenda og kennara
Aðalfyrirlesari á ráðstefnunni er Alison
Clark kennari í menntunarfræði ungra
barna. Clark kennir við Froebel college
sem er menntavísindaskóli Roehampton
háskólans í London. Sem fræðimaður
hefur hún meðal annars sérstakan áhuga
á þróun þátttökuaðferðarinnar, hlustun á
viðhorf og sjónarmið barna og upplifun
barna af stöðum. Ásamt Peter Moss
þróaði hún sk. mósaíknálgun, margþátta
aðferð í starfi með ungum börnum þar
sem börnin taka ljósmyndir, teikna kort
og skipuleggja ferðir. Markmiðið er að
auðga skilning á viðhorfum barna til
þeirra staða sem þau dvelja á og nálgunin
hefur leitt til fjölda tengdra rann-
sóknaverkefna, m.a. um þátttöku barna
í endurskipulagningu útileiksvæða. Þá
leiddi Alison rannsóknarverkefnið Living
spaces study sem stóð yfir í þrjú ár og
snerist um þátttöku barna á þessu sviði,
þ.e. í hönnun og endurmati á hlutbundnu
umhverfi sínu. Í fyrirlestrinum fjallar
hún um aðferðir sem vænlegar eru til
að auðvelda árangursrík skoðanaskipti
barna, arkítekta og þeirra sem starfa með
ungum börnum. Hún ræðir möguleika og
hindranir í hönnunarvinnu með ungum
börnum og notar dæmi frá Lving spaces
verkefninu.
Aðrir fyrirlesarar eru 1) Kristín Karls-
dóttir með erindið Leikskólaumhverfi á
21. öld - frá módern til póstmódern, 2)
Anna Margrét og Fanney Hauksdætur
með erindið Börn og rými - hönnun
leikskólans Hólmasólar á Akureyri, 3)
Ágústa Guðmarsdóttir með erindið Hefur
vinnuumhverfi áhrif á líðan barna og
starfsmanna í leikskólum? og 4) Anna
Kristín Sigurðardóttir með erindið Dæmi
um nýjung, „Design down process“ - frá
áherslum í innra starfi til hönnunar
húsnæðis.
Málþingið er öllum opið og þátttöku-
gjald er kr. 4.500. Skráning fer fram á
www.congress.is til 20. Nóvember.
Börn og byggingarHátt til lofts og vítt til veggja?
Alison Clark
Ljósmynd frá höfundi
Lj
ó
sm
y
n
d
f
rá
h
ö
fu
n
d
i
Lj
ó
sm
y
n
d
f
rá
F
o
rl
a
g
in
u