Skólavarðan - 01.12.2008, Blaðsíða 12

12
SKÓLAVARÐAN 7.TBL. 8. ÁRG. 2008
FRéTTIR OG TILKYNNINGAR
Hvers vegna ekki að
taka góðar skóla-
myndir á leigunni
í jólafríinu? Nick
Nolte og Judd
Hirsch léku fyrir
tuttugu árum í
myndinni Teachers
sem hefur staðist
tímans tönn og er
enn gaman að horfa á. Nýlega stóð Teach-
ers TV í Bretlandi fyrir könnun á því meðal
kennara um tíu bestu skólamyndir allra tíma.
Kennararnir tilnefndu um hundrað myndir
og úrslitin voru birt í desemberbyrjun ... en
því miður bara í kennarasjónvarpinu breska
og það sendir ekki hingað.
Eftir að könnuninni lauk formlega héldu
kennarar hins vegar áfram að tilnefna
myndir og gefa þeim einkunn. American
history X fær fullt hús stiga (fimm stjörnur)
og Kes (Kenneth Loach, 1979) fær fjórar
stjörnur ásamt mörgum öðrum, þeirra
á meðal Breakfast club (John Hughes,
1985), Clockwork mice (Vadim Jean,
1995) og Les quatre cents coup (Francois
Truffaut, 1959). Sjá á www.teachers.tv/
movies?order=added&page=0
Í greininni Sex, violence and classroom
action er hægt að forvitnast um upphaflegu
fjörutíu bíómyndirnar sem kennararnir
gátu valið úr og skoða bút úr þeim: www.
guardian.co.uk/education/2008/sep/09/
schools.movies
Bestu skólamyndir
allra tíma
Ástæða er til að minna á eftirfarandi á vef menntamálaráðuneytisins: Samantekt
um möguleg úrræði í sálrænum stuðningi www.menntamalaraduneyti.is/frettir/
Forsidugreinar/nr/4737
Samantektin var unnin af Jóhanni Thordarsyni sálfræðingi fyrir ráðuneytið í
samstarfi við samráðshóp sem settur var á laggirnar vegna efnahagsástandsins.
Í þeim hópi sitja fulltrúar frá Sambandi íslenskra sveitarfélaga, Félagi íslenskra
framhaldsskóla, Skólameistarafélagi Íslands, Kennarasambandi Íslands, Félagi
náms- og starfsráðgjafa, Menntasviði Reykjavíkurborgar og Heimili og skóla. Í
samantektinni eru upplýsingar um þau úrræði sem í boði eru og ýmis fræðsla og
ábendingar að auki. Á einum stað segir Jóhann: „Þegar á móti blæs er það staðreynd
að fólk hugsar meira neikvætt en jákvætt. Fólk hugsar meira um hvað það hefur
misst en það sem er eftir; meira um hvað það getur ekki gert heldur en hvað það
getur; meira um mistök sín en hvað því hefur tekist. Stór hluti þess að ná aftur fyrri
krafti og þeirri stöðu sem fyrir var er að snúa á þennan neikvæða og miður hjálplega
hugsunarhátt.
- Muna eftir styrkleikum sínum og nýta þá.
- Skoða og nýta styrkleika sem fyrir eru.
- Skoða hvað við höfum þrátt fyrir mögulega mikið tap.
- Taka þátt í því sem við kunnum og höfum ánægju af.
- Að sinna náminu, vinnunni og tómstundunum.“
Þann 1. des. sl. var greidd annaruppbót/
persónuuppbót til félagsmanna KÍ sem hér
segir:
FG, Félag grunnskólakennara:
Annaruppbót 1. desember 2008 kr. 63.000
FF, Félag framhaldsskólakennara:
Persónuuppbót 1. desember 2008 kr.
44.100
FL, Félag leikskólakennara:
Persónuuppbót 1. desember 2008 kr.
67.418
(ATH! Upphæð m.v. launatöflu sem gildir til
30. nóv. 2008. Hver endanleg desemberuppbót
verður kemur í ljós þegar gengið hefur verið frá
kjarasamningi FL.)
FT, Félag tónlistarskólakennara:
Annaruppbót 1. desember 2008 kr. 59.137
(ATH! Upphæð m.v. launatöflu sem gildir frá
1. jan. 2008. Hver endanleg desemberuppbót
verður kemur í ljós þegar gengið hefur verið frá
kjarasamningi FT.)
SÍ, Skólastjórafélag Íslands:
Annaruppbót 1. desember 2008 kr. 63.000
FS, Félag stjórnenda í framhaldsskólum:
Persónuuppbót 1. desember 2008 kr.
44.100
Stjórn Slökkviliðs höfuðborgarsvæðisins (SHS), skipuð framkvæmdastjórum
sveitarfélaganna á höfuðborgarsvæðinu, fól SHS að útbúa, í samvinnu við
fræðsluyfirvöld allra sveitarfélaganna, reglur fyrir foreldra og skólayfirvöld um
röskun á skólastarfi vegna óveðurs. Jafnframt var ákveðið að fylgjast með veðri og
veðurspám og senda út tilkynningar í samræmi við þessar reglur, eftir atvikum í
samráði við slökkvilið, lögreglu, fræðsluyfirvöld og aðra. Sjá reglur á www.ki.is/
lisalib/getfile.aspx?itemid=5631
Þar segir meðal annars:
„Mikilvægt er að foreldrar sjálfir fylgist með veðri og veðurspám og hagi sér í
samræmi við aðstæður hverju sinni, enda getur veður þróast með ófyrirséðum hætti
og aðstæður verið mjög mismunandi eftir svæðum. Foreldrar leggja sjálfir mat á
hvort fylgja þarf barni í skóla þótt engin tilkynning hafi borist frá yfirvöldum. Meti
foreldrar aðstæður svo að ekki sé óhætt að börn þeirra sæki skóla þá skulu þeir
tilkynna skólanum um það og lítur skólinn á slík tilvik sem eðlileg forföll. Hið sama
gildir ef foreldrar lenda í vandræðum á leið sinni til skóla og verða frá að hverfa.
Mikilvægt er að fólk fari ekki af stað til skóla eða vinnu ef það treystir sér ekki eða er
vanbúið til farar, svo sem vegna þess að bifreið er vanbúin til vetraraksturs.‟
Í reglunum er gert ráð fyrir tveimur viðbúnaðarstigum, hið fyrra er þegar veður
veldur röskun á skólastarfi vegna erfiðleika starfsfólks og nemenda við að komast
til skóla (foreldrar fylgi börnum í skólann) en hið síðara taki við er skólahald fellur
niður.
Röskun á skólastarfi vegna
óveðurs - tilmæli um viðbrögð
foreldra og forráðamanna
Sálrænn stuðningur –
samantekt um úrræðiAnnaruppbót