Dagblaðið Vísir - DV - 24.03.2015, Side 6

Vikublað 24.–26. mars 20156 Fréttir
Neyttu eitur-
lyfja í bifreið
Lögreglan á höfuðborgarsvæðinu
fékk tilkynningu um ungmenni
að neyta fíkniefna í bifreið.
Lögreglan á höfuðborgar-
svæðinu fékk tilkynningu um hálf
ellefu leytið á sunnudagskvöld
um ungmenni sem voru að neyta
fíkniefna í bifreið við Kauptún í
Garðabæ.
Þegar lögreglumenn mættu
á staðinn kom í ljós að ökumað-
urinn var aðeins sautján ára en
hann er grunaður um akstur
undir áhrifum fíkniefna.
Með þessum unga ökumanni
var enn yngri farþegi, aðeins
fimmtán ára gamall. Mál hans var
afgreitt með aðkomu foreldra og
tilkynningu til Barnaverndar.
Ölvaður og
undir áhrifum
kannabis
Ökumaður, karlmaður á fertugs-
aldri, sem lögreglan á Suðurnesj-
um hafði afskipti af á sunnudags-
morgun, reyndist vera ölvaður
undir stýri. Hann var handtek-
inn og færður á lögreglustöð. Þar
staðfestu sýnatökur neyslu hans
á kannabis. Auk þessa hafði hann
aldrei öðlast ökuréttindi. Annar
ökumaður, rúmlega þrítug kona,
viðurkenndi í viðræðum við lög-
reglu að hafa neytt örvandi fíkni-
efna fyrir aksturinn. Einnig fram-
vísaði hún amfetamíni sem hún
hafði í fórum sínum. Hún var
handtekin og færð á lögreglustöð.
Vilja kaupa Vatn
af Hafnfirðingum
Kanadíska fyrirtækið Amel Group vill reisa vatnsverksmiðju í Hafnarfirði
E
igendur kanadíska fyrir-
tækisins Amel Group vilja
reisa átöppunarverksmiðju
í Hafnarfirði og kaupa vatn
úr dreifikerfi bæjarbúa. Þeir
hafa óskað eftir fundi með Haraldi
L. Haraldssyni, bæjarstjóra Hafnar-
fjarðar, og eru væntanlegir hingað
til lands í byrjun júní. Bæjaryfirvöld
hafa að undanförnu fengið nokkr-
ar fyrirspurnir frá fyrirtækjum sem
hafa áhuga á vatnslindum Hafnar-
fjarðar. Írska fyrirtækið Aqua Cout-
ure Ltd. er eitt þeirra en rússneski
auðjöfurinn Alexander Titomirov er
meðal stærstu eigenda þess.
Vita lítið um Amel Group
„Þeir eru að leita að drykkjarvatni og
hafa áhuga á miklu magni af vatni.
Við erum búin að eiga í miklum sam-
skiptum við þá og senda þeim upp-
lýsingar um efnasamsetningu vatns-
ins og fleira,“ segir Dagur Jónsson,
vatnsveitustjóri Hafnarfjarðar, um
fyrirspurnir kanadíska fyrirtækisins.
Amel Group er skráð í Ontario-
fylki í miðausturhluta Kanda. Sam-
kvæmt vefsíðu fyrirtækisins hefur
það komið að fjárfestingarverkefn-
um sem tengjast endurnýjanlegum
orkugjöfum, landbúnaði, öryggis-
og varnarmálum, byggingarfram-
kvæmdum og fjarskiptum. Ekki er
gefið upp hverjir eigendur Amel
Group eru en forstjóri fyrirtækisins
og stjórnarmaður heitir Salah Saleh.
Hann og Mohamed El Hadidy, ann-
ar stjórnarmaður fyrirtækisins, eru
einu starfsmenn Amel Group sam-
kvæmt vefsíðunni.
„Við höfum bent þessum aðilum
á að við erum með nóg af lóðum og
tvær hafnir en þeir hafa hins vegar
lítið látið uppi um sín áform og við
vitum svo sem lítið um þetta fyrir-
tæki. Það er vatnsskortur víða í heim-
inum og verð á vatni er á leiðinni
upp og því er eðlilegt að menn sýni
þessu áhuga,“ segir Dagur.
Ein fyrirspurn á mánuði
Umhverfis- og framkvæmdaráð
Hafnarfjarðar samþykkti í október
í fyrra viljayfirlýsingu um viðræð-
ur við írska fyrirtækið Aqua Cout-
ure. Í yfirlýsingunni er kveðið á um
að fyrirtækið fái aðgang að vatni úr
vatnsbóli bæjarins í Kaldárbotnum
til næstu 25 ára.
„Við heyrum í þeim af og til en
það er um mánuður síðan við heyrð-
um síðast í þeim. Formlegar viðræð-
ur eru því ekki hafnar en þetta fyr-
irtæki var að hugsa um stóra lóð
hér í bænum. Við fáum um eina
fyrirspurn á mánuði vegna vatns-
lindanna hér í bænum. Ástæðan
er líklegast sú að við höfum sent út
aðgengilegt upplýsingarit um hafn-
firska vatnið og það hefur ábyggi-
lega farið víða,“ segir Dagur.
Aqua Couture var stofnað í nóv-
ember 2013 í Dublin á Írlandi. For-
stjóri fyrirtækisins, Alexander Titom-
irov, er rússneskur auðmaður sem
hefur meðal annars fjárfest í líftækni-
iðnaði í Bandaríkjunum. Í haust
greindi Hafnarfjörður Vikublað frá
því að Titomirov hefði komið hingað
til lands árið 2005 í fylgd með Boris
Spassky til að koma á fundi með rúss-
neska skákmeistaranum og Bobby
Fischer. Davíð Stefánsson, ráðgjafi
bandaríska fyrirtækisins Silicor Ma-
terials, sem vill reisa sólarkísilverk-
smiðju á Grundartanga, er einnig
hluthafi í Aqua Couture. Ekki náðist í
Davíð við vinnslu fréttarinnar. n
Margir vilja
selja vatnið
Mikill áhugi virðist vera fyrir útflutningi á
íslensku vatni. Brúarfoss hf. hyggst reisa
vatnsverksmiðju í Helguvík en fyrirtækið
hefur gert sölusamning við góðgerðar-
félag í Kanada sem vill dreifa vatninu
til flóttamannabúða Sameinuðu þjóð-
anna. Forsvarsmenn Icelandic Water
Line hafa kynnt áform um smíði 105
þúsund tonna vatnsverksmiðjuskips.
Þeir vilja hefja útflutning á íslensku vatni
en verkefnið var meðal annars kynnt á
lokuðum fundi fagfjárfesta og nýsköp-
unarfyrirtækja sem Kauphöllin (Nasdaq
á Íslandi) hélt í Hörpu í maí í fyrra.
Árin 2008 og 2009 áttu bæjaryfirvöld
í Hafnarfirði í viðræðum við fulltrúa
Glacier World ehf. sem vildu leggja vatns-
leiðslu frá Kaldárbotnum og niður á höfn.
Félagið var í eigu fjárfesta frá Dúbaí,
Kúveit og Sádí-Arabíu. Nokkru áður hafði
hollenski athafnamaðurinn Otto Spork,
aðaleigandi Iceland Glacier Products,
kynnt áform um umfangsmikinn
vatnsútflutning frá Rifi á Snæfellsnesi.
Um 8.000 fermetra hús var reist undir
átöppunarverksmiðju en Spork var síðar
dæmdur í Kanada fyrir verðbréfasvik.
Haraldur Guðmundsson
haraldur@dv.is
Kemur í júní
Salah Saleh er
forstjóri kanadíska
fyrirtækisins Amel
Group. Hann kem-
ur hingað til lands
í júní til að kynna
sér vatnslindir
Hafnarfjarðarbæj-
ar í Kaldárbotnum.
Hollenskur
athafnamaður
Otto Spork
„Þeir eru að leita að
drykkjarvatni og hafa
áhuga á miklu magni af vatni
H E I L S U R Ú M
Síðustu
Drottningadagarnir!
EKKI MISSA AF ÞESSU!
Verð frá 98.173. kr.