Norðurslóð - 27.11.1996, Blaðsíða 6
Svarfdælsk byggð & bær
TímamóT
Skírnir
26. október var Hafþór skírður í Tjarnarkirkju. Foreldrar hans eru
Hulda Þórsdóttir og Júlíus Viðarsson (Jónssonar), Dalbraut 5, Dal-
vík.
30. október var Arnar Snær skírður að Ásvegi 4, Dalvík. Foreldrar
hans eru Jósefína Harpa Hrönn Zophoníasdóttir og Páll Sigurþór
Jónsson (Finnssonar), Helgamagrastræti 19, Akureyri.
16. nóvember var Skúli Lórenz skírður í Dalvíkurkirkju. Foreldrar
hans eru Hólmfríður Guðrún Skúladóttir (Lórenzsonar) og Tryggvi
Kristjánsson (Olafssonar), Skíðabraut 15, Dalvík.
Afmæli
Þann 21. nóv-
ember varð Anna
Jóhannesdóttir,
Hóli, Upsaströnd,
75 ára.
Þann 30. nóv-
ember verður 85
ára Pálmi
Jóhannsson, Norðurslóð árnar
Odda, Dalvík. heilla.
Andlát
3. nóvember lést á Dalbæ, heimili aldraðra á
Dalvík, Rósa Laufey Kristinsdóttir frá
Árhóli.
Rósa fæddist 2. ágúst árið 1921 í Árhóli á
Upsaströnd, elst af þremur dætrum Kristins
Jónassonar frá Árhóli og Maríu Sigfúsdóttur
sem ættuð var innan af Árskógsströnd. Yngri
Rósu voru tvíburasysturnar Kristín Soffía sem
býr á Hofsósi og Karítas Snjólaug sem lést
fyrir þremur árum. Fósturbróðir þeirra er Njáll Skarphéðinsson frá
Siglufirði.
Rósa átti heimili í Árhóli allt þar til hún flutti á Dalbæ fyrir
þremur árum. Bjó hún þar með Karítas systur sinni. Á yngri árum
vann hún við ráðskonustörf nokkuð víða, einnig við fiskvinnslu en
síðast vann hún í Kaupfélaginu á Dalvík. Hún var alls staðar vel
liðin, glaðlynd og hress í bragði og kostaði einnig kapps um að gera
gott úr öllu andstreymi og mótbyr.
Rósa var jarðsungin frá Dalvíkurkirkju 16. nóvember og jarðsett
í Upsakirkjugarði.
Þann 21. nóvember lést á Dalbæ, heimili aldraðra á Dalvík, Kristín
Jóhannsdóttir, áður til heimilis að Bjarkarbraut 15, Dalvík. Henn-
ar verður minnst síðar.
Messur og aðventusamkomur
1. desember, fyrsta sunnudag í aðventu, verður fjölskyldumessa í
Dalvíkurkirkju kl. 11. Stund fyrir bömin verður í safnaðarheim-
ilinu síðari hluta messunnar.
8. desember verður barnamessa í Dalvíkurkirkju kl. 11. Aðventu-
kvöld verður í Dalvíkurkirkju kl. 20.30.
13. desember verður aðventukvöld í Urðakirkju kl. 21.
15. desember verður barnamessa í Dalvíkurkirkju kl. 11. Jóla-
söngvar við kertaljós. Aðventustund verður að Dalbæ síðar
sama dag.
Bliki hf. kaupir bát
- Liður í fjárfestingaráformum fyrirtækisins
Bliki hf. hefur keypt skipið
Trausta ÁR 313 sem er 150 brl
að stærð. Trausti ÁR var smíð-
aður á Akureyri 1971. Kaupin á
skipinu eru liður í fjárfestingar-
áformum fyrirtækisins sem sagt
var frá í síðasta blaði Norður-
slóðar. Bliki hefur gert samning
um kaup á frystitogara frá Græn-
landi og hyggjast þeir selja Blika
EA úr landi en þar sem nýja
skipið er talsvert stærra en Bliki
þurfa þeir að úrelda tleiri skip
en hann og er Trausti ÁR ætl-
aður til þess.
Talsverðar líkur eru á að Bliki
EA verði seldur til Noregs og hafa
menn komið þaðan til að skoða
skipið. Með Trausta ÁR fylgir 315
þorskígildistonna kvóti sem flyst
ásamt kvóta Blika EA á nýja skip-
ið ef allt gengur eftir.
Eins og sagt hefur verið frá
áður hafa staðið yfir þreifingar á
milli Blika hf. og G. Ben sf. á Ár-
skógssandi um sameiningu þessara
fyrirtækja. Að sögn forsvarsmanna
fyrirtækjanna hefur ekki enn verið
gengið frá þessum málum. Það
virðast hins vegar flestir ganga út
frá því sem vísu að af sameining-
unni verði og segja forsvarsmenn
fyrirtækjanna að niðurstaða muni
liggja fyrir ekki síðar en um ára-
mót.
J.A.
FréttahorN
Atvinnuástand á Dalvílc er með
besta móti um þessar nrundir
enda mikið að gera bæði í fisk-
vinnslu og byggingariðnaðinum. I
frystihúsinu er unnið á vöktum
allan sólarhringinn. Það sama er að
segja um Sæplast og í öðrum fyrir-
tækjum er sömuleiðis rífandi at-
vinna. 8 manns voru á atvinnuleys-
isskrá í október en voru 15 á sama
tíma í fyrra. Að meðaltali hafa 6
verið á atvinnuleysisskrá fyrstu 10
mánuði ársins en voru 22 að með-
altali í fyrra.
Nýja Sæplasthúsið er að klárast
og hefst starfsemi þar um
mánaðamót eins og áætlað var.
Aftur á móti gengur hægar með
skrifstofuhúsnæðið þar sem hörku-
frost og kuldatíð hefur komið í veg
fyrir steypuvinnu.
Byggingarnefnd skóla hefur
staðið í viðræðum við Hauk
Haraldsson og Fanneyju Hauks-
dóttur um hönnun á fyrirhuguðum
skólamannvirkjum. Ljóst er að
endurskoða þarf þær byggingar-
áætlanir sem fyrir hendi eru. Þær
þykja of kostnaðarsamar og er nú
verið að skoða hvernig nýta megi
gamla skólann sem best og hvern-
ig hátta skuli nýbyggingum. Hönn-
unarvinna fer líklega fljólega af
stað og má vænta þess að hafist
verði handa næsta sumar.
En þrátt fyrir uppgangstíma til
lands og sjávar og mikla upp-
sveiflu í byggingariðnaði vill nú
svo til að ekki hefur verið byrjað á
einu einasta fbúðarhúsi á Dalvík á
þessu ári.
Skíðavertíðin er hafin fyrir
nokkru. Lyftur í Böggvisstaða-
fjalli fóru í gang þegar skammt var
liðið á nóvembermánuð. Þar er nú
kominn ágætis skíðasnjór og hafa
margir tekið fram skíði sín og
skroppið í fjallið undanfamar helg-
ar.
Dagur íslenskrar tungu var
haldinn um land allt á fæðing-
ardegi Jónasar Hallgrímssonar þann
16. nóvember. I bókasafni Dalvík-
ur var flutt dagskrá í tilefni dagsins
í samvinnu bókasafnsins og Dal-
víkurskóla. Nemendur 6. bekkjar
undir stjóm Heimis Kristinssonar
lásu úr verkum Jónasar, Halldór
Blöndal flutti hugleiðingu og
Tjamarkvartettinn söng lög við
ljóð skáldsins, m.a. nýtt lag sem
Atli Heimir Sveinsson samdi af
þessu tilefni. Fjölmenni var við
samkomuna og var mál manna að
einstaklega vel hefði til tekist. Eink-
um var þáttur bamanna fallegur og
vel af hendi leystur. Á myndinni
hér að ofan má sjá frá vinstri
Bjama Þórisson, Baldvin Ólafs-
son, Ingibjörgu Haraldsdóttur, Ivar
Pétursson og Katrínu Sif Ingvars-
dóttur að leiklesa söguna „Grasa-
ferð“ eftir Jónas.
Á næstunni verður hafist handa við endurbætur á Sunnuhvoli og er ábyggilegt að niargur gleðst yfir því.
Sunnuhvoll seldur
Afkomandi hyggst gera
húsið í stand hið fvrsta
- Húsið ekki eins illa farið og menn óttuðust
Júlíus Baldursson málara-
meistari í Keflavík hefur gert
kaupsamning um húsið Sunnu-
hvol (Hafnarbraut 18) á Dal-
vík. Sunnuhvoll er eitt elsta hús
í bænum, byggt 1911 af Júlíusi
Björnssyni útgerðarmanni sem
lengst af bjó þar.
Húsið er tvílyft reisulegt timb-
urhús en hefur staðið autt að und-
anfömu og legið undir skemntd-
um. Munu eflaust margir bæjar-
búar fagna þvf að nú eigi að fara
lappa upp þennan öldung rneðal
bygginga í bænum.
Kaupandi hússins, Júlíus Bald-
ursson, er raunar sonarsonur Júlí-
usar þess sem byggði húsið.
Sagði hann í samtali við blaðið
að alla tíð hefði einhver dýrðar-
ljómi verið tengdur nafni Sunnu-
hvols í sfnum huga. Sumarbú-
staður foreldra hans var til að
mynda skírður Sunnuhvoll eftir
gamla húsinu.
Hann er því afskaplega lukku-
legur mað það að hafa eignast
þetta nafntogaða hús og hyggst
hefjast handa fljótlega við að
koma því í stand. Hann segir það
illa farið en þó ekki eins slæmt
og hann hefði óttast.
Reyndar er Júlíus enginn ný-
græðingur í endurbyggingu gam-
alla húsa. Að sögn hefur hann
fengist töluvert við það um dag-
ana og starfaði m.a. í 10 ár í
Bandaríkjunum sem verkstjóri
hjá fyrirtæki á þessu sviði. Hann
sagðist reikna með að þau hjónin
kæmu norður einhvern tíma eftir
áramót og hyggðust þau vera um
kyrrt í það minnsta nreðan á
framkvæmdum stæði. Hvort þau
kæmu til þess að setjast að til
frambúðar væri enn ekki ráðið en
vissulega kærni það til greina.
hjhj