Feykir - 22.11.2012, Blaðsíða 2

2 Feykir 44/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
Forsetahjónin á ferð um Norðurland
Heimsóttu sauðfjár-
bændur og skóla
Forseti Íslands Ólafur Ragnar
og frú Dorrit heimsóttu
Norðurland í upphafi viku og
ræddu við sauðfjárbændur í
Þingeyjarsýslu, Skagafirði og
Húnaþingi sem glímt hafa við
afleiðingar veðuráhlaupsins í
vetrarbyrjun og háð hafa
harða baráttu við að ná fé úr
fönn. Tilgangurinn var að sýna
þeim samstöðu vegna
hamfaranna og hófst ferðin á
að sækja styrktartónleika á
Akureyri á sunnudag.
Þaðan var farið til Húsavíkur
og í Þingeyjarsýslur þar sem
fundað var með stjórnendum
björgunaraðgerða en þau hjón
áttu einnig stund með þing-
eyskum bændum. Á þriðju-
daginn var haldið í Skagafjörð-
inn og bændur á Brúnastöðum í
Fljótunum heimsóttir áður en
farið var í Grunnskólann á
Sólgörðum. Þar fengu gestirnir
fræðslu um starfið í hinum litla
sveitarskóla, ræddu við nem-
endur og kennara og hlýddu á
dagskrá um sögu skólans.
Þá var haldið á Sauðárkrók
og heilsað upp á nemendur og
starfsfólk Fjölbrautaskólans
áður en haldið var í Húnaþing
þar sem bændur á Stóru-Giljá í
Húnaþingi voru sóttir heim en
þeir misstu á annað hundrað
Miðstjórnarfundur Framsóknarflokksins haldinn á Sauðárkróki
Hlakkar til kosningabaráttunnar
Um síðustu helgi fór fram á
Sauðárkróki miðstjórnar-
fundur Framsóknarflokksins
og var vel mætt þrátt fyrir
slæmt veður og ófærð.
Sigmundur Davíð Gunnlaugs-
son formaður flokksins
ávarpaði samkomuna og
gagnrýndi ríkisstjórnina
harðlega og sagði að henni
hefði ekki tekist að nýta þá
einstöku möguleika sem
Íslendingar höfðu til að vinna
á skuldavandanum og eyða
kreppunni við upphaf
kjörtímabilsins.
Sagði formaðurinn m.a. að
þótt tillögur framsóknarmanna
til úrbóta á undanförnum árum
hafi ekki hlotið brautargengi hjá
ríkisstjórninni hafi þær engu að
síður smátt og smátt sannað
gildi sitt eftir því sem tíminn liði
og menn fái betri mynd af
raunveruleikanum.
Þá minnti Sigmundur á að
Íslendingar mættu ekki gleyma
að þótt efnahagsástandið sé
erfitt um þessar mundir þá sé
Ísland ríkt af auðlindum og
tækifærum, ríkt af þekkingu og
mannauði og ríkt af fólki sem er
LEIÐARI
Forsetinn og ESB
Forseti Íslands var á ferð um Norðurland í vikunni, eins og
greint er frá annars staðar á síðunni, og staldraði m.a. við í
FNV á Sauðárkróki. Þar fór hann orðum um hve Fjöl-
brautaskólanum hefði tekist vel til í mörgum málum og m.a.
með sóknarfæri á nýju námsframboði og nefndi plast-
bátasmíðina sem dæmi. Hann talaði um nauðsyn þess að
styðja við og byggja upp góða skóla úti á landi og hefur
greinilega áhuga á landsbyggðarmálum og byggðaþróun
enda forseti alls Íslands. Hann var spurður út í afstöðu sína til
ESB og svaraði því til, ef ég get dregið svarið í stutta setningu
og túlkað rétt, að Ísland hefði ekkert þar inn að gera. Hann
hefði ekkert á móti sambandinu sem slíku og myndi vilja þar
inn ef hann væri forseti Lettlands eða Litháens svo dæmi væri
tekið af löndum sem hugsanlega hagnast á inngöngu. Þetta er
svo sem ekki ný afstaða hjá forsetanum en mér finnst það
samt umhugsunarvert að enn skulu íslensk stjórnvöld vera á
blússandi ferð að hliði ESB þegar allt virðist leika á reiðiskjálfi
innan þess.
Helstu nágrannar okkar Íslendinga hafa ekki gerst aðilar
að ESB og nú berast fréttir af nágrönnum okkar í Bretaveldi að
meirihluti þeirra telja hag sínum betur borgið utan ESB og
vilja segja sig úr því. Líklega er það meira mál en svo að dugi
eitt uppsagnarbréf. En Íslendingar eru forvitnir að eðlisfari og
sjálfsagt vilja flestir sjá samningana þótt fæstir sjái inngöngu
Íslands fyrir sér í náinni framtíð.
Páll Friðriksson
ritstjóri
Töfrakonur hanna og selja lopapeysur
Jólagjöf laxveiði-
mannsins
Ef einhver er að velta fyrir sér
jólagjöf laxveiðimannsins þá
er hún fundin því á markað
eru komnar skemmtilegar
lopapeysur sem ættu að falla
að smekk hans því munstrið
er lógó Laxasetursins á
Blönduósi.
Það eru Töfrakonur/Magic
Women ehf. sem hanna og selja
peysurnar.
Það er Jóhanna Helga töfra-
kona á Brandsstöðum sem
útfærði munstrið á lopann og
prjónar peysurnar og sér hún
um allan þann þátt í fyrirtækinu,
segir Birgitta Halldórsdóttir
töfrakona. -Þetta er býsna
skemmtilegt verkefni og
vonandi verða veiðimenn og
aðrir landsmenn áhugasamir
um þetta nýja munstur. /PF
Ingileif Oddsdóttir skólameistari FNV, Dorrit og Ólafur Ragnar
fjár í kjölfar óveðursins í sept-
ember. Rætt var um vanda
bænda í Húnaþingi, lærdóma
sem draga má af viðbrögðum
við veðurofsanum og fann-
ferginu ásamt nauðsyn þess að
gera ítarlegar áætlanir um sam-
stillingu hinna ýmsu aðila sem
þurfa að koma að slíkum björg-
unar- og hjálparverkefnum í
framtíðinni.
-Þessi ferð sem hófst á
sunnudaginn er að stórum hluta
helguð heimsóknum til sauð-
fjárbænda og glímu þeirra við
vetrarhörkurnar en höfum
einnig notað tækifærið til þess
að heimsækja nokkra skóla
bæði grunnskóla til sveita, litla
sveitaskóla sem kannski eru
ekki oft heimsóttir og svo
Fjölbrautaskólann á Laugum og
svo þennan hér á Sauðárkróki,
sagði Ólafur er blaðamaður
náði tali af honum eftir að þau
hjón höfðu átt ágæta stund með
nemendum FNV.
-Okkur hefur gefist tækifæri
til að hitta og ræða við ungt fólk
bæði um framtíðina og þeirra
nám. Svo má segja að vetur
konungur hafi fylgt okkur í
þessari ferð, fannferginu og
snjókomunni á Norðurlandi, og
má segja kannski í léttum dúr
fyrir gamlan Vestfirðing að þá sé
það á vissan hátt gaman að
koma aftur í vetrarríkið sem er
frekar sjaldgæft fyrir sunnan. /PF
tilbúið að gefa vinnu sína og
tíma til að vinna saman að því
að bæta samfélagið.
Umfram allt sagðist Sig-
mundur Davíð hlakka til að fá
tækifæri til að fylgjast með
áhrifum þess þegar skynsemis-
stefna framsóknarmanna færi
að setja mark sitt á þróun
samfélagsins m.a. þegar byrjað
yrði á að leggja vegina, byggja
brýrnar, bora göngin, reisa virkj-
anirnar, gera við skipin, rækta
upp gömlu túnin, stofna nýju
sprotafyrirtækin, bæta hafnirnar
og bora eftir olíunni. /PF
Blönduósingur í BOXINU
Arnar Helgi stóð sig vel
BOXIÐ – framkvæmdakeppni
framhaldsskólanna fór fram í
Háskólanum í Reykjavík fyrir
skömmu þar sem átta skólar
tóku þátt í æsispennandi
keppni sem lauk með sigri
Menntaskólans í Reykjavík.
Blönduósingurinn Arnar
Helgi Ágústsson var í liði
Tækniskólans sem varð í
öðru sæti.
Keppnin fólst í þrautabraut
með sjö stöðvum og fóru liðin,
sem hvert voru skipuð fimm
einstaklingum, á milli brauta og
leystu ólíkar þrautir á hverjum
stað. Þrautirnar reyndu bæði á
hugvit og verklag en þær voru
útbúnar af fyrirtækjum úr
ólíkum greinum iðnaðarins í
samstarfi við fræðimenn Há-
skólans í Reykjavík.
Á vef Samtaka Iðnaðarins
segir að keppnin hafi tekist vel
í alla staði og bæði þátttakendur
og áhorfendur skemmtu sér
vel.
Eins og áður sagði var
Blönduósingurinn Arnar Helgi
Ágústsson í liði Tækniskólans
en foreldrar hans eru Guðrún
Benediktsdóttir sem vinnur í
Blönduskóla og Ágúst Þór
Bragason yfirmaður tækni-
deildar Blönduósbæjar og for-
seti bæjarstjórnar. /PF