Feykir - 22.11.2012, Blaðsíða 8

8 Feykir 44/2012
Hvernig hefurðu það? Takk, ég hef
það fínt.
Hvernig nemandi varstu? -Nokkuð
baldinn.
Hvað er eftirminnilegast frá ferm-
ingardeginum? -Þegar ég fór í bíó
um kvöldið á fyrstu myndina sem
ég komst inná bannaða 14 ára
og veislugestir leituðu um allt af
fermingarbarninu til að kveðja það.
Hvað ætlaðir þú að verða þegar þú
yrðir stór? -Kúreki.
Hvað hræðistu mest? -Að verða
svangur, eiturslöngur og lítið dýr
í útrýmingarhættu sem heitir
Górilluhamar.
ABBA eða Rolling Stones? -ABBA.
Hver var fyrsta platan sem þú
keyptir (eða besta)? -Dansað á
dekki með Fjörefni.
Hvaða lag er líklegast að þú takir
í Kareókí? -Prumpulagið með Dr.
Gunna.
Hverju missirðu helst ekki af í
sjónvarpinu (fyrir utan fréttir)?
-Matreiðsluþáttum, sakamálaþátt-
um og náttúrulífsþáttum.
Besta bíómyndin? -Little Shop of
Horror (Litla hryllings-búðin) tónlistin
er svo góð.
Hvað gerir þú betur en allir aðrir á
þínu heimili? -Að pissa standandi.
Hvert er snilldarverkið þitt í eld-
húsinu? -Er góður í flestu, t.d. eru
fáir sem toppa kjötsúpuna hjá mér
eða steikta fiskinn.
Hvað fer helst í innkaupakörfuna
sem ekki er skrifað á tossamið-
ann? -Majónes.
Hvað er í morgunmatinn? -Hafra-
grautur með súru slátri og dass af
kanilhunangi.
Hvernig er eggið best? -Spælt
báðu megin.
Uppáhalds málsháttur? -Kemst þó
hægt fari.
Hvaða teiknimyndapersóna höfðar
mest til þín? -Viggó Viðutan.
Hver er uppáhalds bókin
þín? -Allar matreiðslubækur, núna
er það Nigella með hraði.
Ef þú gætir hoppað upp í flugvél og
réðir hvert hún færi, þá færirðu...
...til Jamaíka.
Hvað fer mest í taugarnar á þér í
fari þínu? -Hvað ég borða mikið.
Hvað fer mest í taugarnar á þér í
fari annarra? -Óstundvísi og tillits-
leysi.
Enski boltinn - hvaða lið og af
hverju? -Huddersfield FC, ég vor-
kenndi þeim, því það hélt enginn
með þeim.
Hvaða íþróttamanni hefurðu mest-
ar mætur á? -Magga Bess og svo er
golfarinn Örn Sölvi alltaf góður.
( RABB-A-BABB ) oli@feykir.is
Þorgeir Gunnars
NAFN: Þorgeir Gunnarsson.
ÁRGANGUR: Sá albesti, 1964.
FJÖLSKYLDUHAGIR: Bý með sambýliskonu,
tengdamóður og stjúpdóttur. Átti fyrir
soninn Sigurð Helga með Ingu á Fitjum.
BÚSETA: Hef búið á Grímsstöðum í
Mývatnssveit í 22 ár.
HVERRA MANNA ERTU: Sonur Lillu Nikk og
Gunna Helga.
STARF / NÁM: Áhugahænsnabóndi og
lífskúnstner.
BIFREIÐ: Toyota Hilux.
HESTÖFL: Já.
HVAÐ ER Í DEIGLUNNI: Að verða betri maður
m.a. með því að leiða og skapa en ekki
skapa leiða.
Hvaða fræga manneskja mundir
þú helst vilja vera og af hverju?
-Einhver mikilsvirtur ráðamaður. Því
þá yrði heimurinn betri.
Hver var mikilvægasta persóna
síðustu 100 ára að þínu
mati? -Foreldrar mínir.
Ef þú ættir að dvelja alein/n á
eyðieyju, hvaða þrjá hluti tækirðu
með þér? -Eldspýtur, hana og
hænu.
Hver væri titillinn á ævisögu þinni?
-Nú er ég léttur.
Ég hef undanfarin ár unnið
að bæjarmálum á Akranesi,
sú reynsla er dýrmæt og hefur
opnað augu mín fyrir því að
breytinga er þörf og við
getum breytt.
Það tók mig þó töluverðan
tíma að taka ákvörðun um
hvort ég ætti að gefa kost á mér
í 3. sæti á lista Framsóknar-
flokksins fyrir komandi Alþing-
iskosningar.
Stjórnmálin þurfa fólk sem
er virkilega búið að berjast fyrir
sínu og hefur reynt það á eigin
skinni hversu erfitt það er að
láta hlutina ganga á Íslandi í
dag. Ég fann fyrir miklum
stuðningi úr ýmsum áttum sem
hvatti mig til að taka þessa
ákvörðun.
Almennar aðgerðir
í skuldamálum
Ég vil sjá fram á aðgerðir á
skuldavanda heimilanna og það
eru til leiðir í þeim málum. Við
verðum að ráðast í almennar
aðgerðir í skuldamálum, líkt og
Framsóknarflokkurinn hefur
lagt til. Það er réttlætismál að
Af hverju ég?
leiðrétta íbúðarlán einstaklinga
eða færa höfuðstól lána aftur
um ákveðinn tíma, fyrir þann
tíma áður en verðbólgan át upp
stóran hluta af eignum
landsmanna. Líklega hugsar
einhver, hvar á að fá peninga til
að framkvæma þessa hluti? Við
verðum að forgangsraða
málum aðeins öðruvísi en gert
er í dag. Við verðum að horfast
í augu við það að þetta ástand
gengur ekki lengur. Það bætist
stöðugt í þann hóp sem þarf
fjárhagsaðstoð frá sveitarfél-
ögum, og það kostar þjóðfélagið
gríðarlegar fjárhæðir.
Blásum lífi í atvinnumálin
Atvinnumál eru eitt mikil-
vægasta mál þjóðarinnar, og ég
vil leggja mitt af mörkum við að
efla atvinnuuppbyggingu í
landinu. Það verður að koma
stórum verkefnum af stað í t.d.
byggingariðnaði og koma
þannig lífi í iðnaðinn á Íslandi á
ný. Það þarf að bæta umgjörð
lítilla og meðalstórra fyrirtækja,
og síðan þurfum við að nýta
auðlindir okkar til atvinnu-
uppbyggingar. Við höfum þurft
að horfa á eftir alltof mörgu
góðu fólki fara úr landi því það
eru ekki næg atvinnutækifæri á
Íslandi. Alþingi þarf að vinna
með atvinnulífinu, en ekki á
móti því. Erum við ekki öll
sammála um að við viljum fá
fólkið okkar heim, þar sem það
skilar ýmsum tekjum af launum
sínum inn í þjóðarbúið á ný.
Stöndum vörð um þá sem
eiga í vök að verjast
Það verður að standa vörð um
þá sem standa ekki jafnfætis
almenningi í þjóðfélaginu og
tryggja stöðu þeirra. Það á
félagslega kerfið að gera en þar
er víða pottur brotinn. Það eru
alltof margir sem lenda á milli í
kerfinu. Það eru margir sem
hafa ágætar tekjur en ná engan
veginn endum saman, en eru
komnir yfir öll viðmiðunar-
mörk sem snúa að félagsaðstoð.
Tekjur þeirra duga hinsvegar
rétt fyrir því að borga af
stökkbreyttum lánum og varla
það. Þetta sama fólk á ekki rétt á
fjárhagsaðstoð því kerfið eins
og það virkar núna, skoðar
tekjuhliðina, en tekur ekki mið
af skuldastöðu. Félagslega
kerfið þarf að vera hvetjandi
þannig að fólk sjái hag sinn í að
vinna í stað þess að gefast upp.
Málefni lánsmanna – LÍN
Menntun er langtímafjárfesting,
og því verður að tryggja stöðu
námsmanna með almennum
aðgerðum.
Af hverju er kerfið eins og
það er? Af hverju skerðast
námslán ef fólk reynir að vinna
á fullu yfir sumarið eða reynir
að vinna með skóla yfir
veturinn til að reyna bjarga sér?
Það eru margir sem taka
námslán sem ná ekki endum
saman á lánunum og reyna því
að bjarga sér með vinnu með
skóla, en það kemur í hausinn á
þeim með skertum námslánum.
Við verðum að gera okkur
grein fyrir því að það eiga ekki
allir fjárhagslegt bakland og
þurfa því eingöngu að treysta á
sig sjálf, og sumir treysta sér
ekki í nám vegna þessa. Viljum
við ekki hvetja fólk til að
mennta sig, óháð stétt og stöðu?
Gerum okkur grein fyrir því að
Lánasjóðurinn er ekki styrktar-
sjóður, fólk borgar lánin til
baka.
Þessi mál eru mér ofarlega í
huga auk fjölda annarra. Ísland
er land tækifæranna, og ég er
tilbúin í að leggja mikla vinnu í
að finna lausnir á þessum og
svo mörgum öðrum málum.
Það geri ég ekki ein. Það gerist
með samvinnu við það góða
fólk sem ég mun vinna með í
aðdraganda Alþingiskosninga,
og síðan með samstarfi við þá
aðila sem vilja sjá breytingar á
íslensku samfélagi.
Elsa Lára Arnardóttir,
grunnskólakennari við
Brekkubæjarskóla á Akranesi.
Gefur kost á sér í 3. sæti á
framboðslista
Framsóknarflokksins í
Norðvesturkjördæmi.
AÐSENT ELSA LÁRA ARNARDÓTTIR SKRIFAR