Breiðfirðingur - 01.04.1982, Page 113

BREIÐFIRÐINGUR
111
Að 25 árum liðnum frá síðasta samsöng með Carli Billich 1977.
þó eignast slíkt tæki en það var Helgi Einarsson
húsgagnasmiður, frá Hróðnýjarstöðum í Dölum. Hann sýndi
okkur þá vinsemd að mæta á nokkrum æfíngum með okkur og
tók nokkur lög á hljómband, sem síðan kom okkur að góðum
notum. Kynni okkar af Helga voru okkur mjög ánægjuleg og
gagnleg en hann er mikill tónlistarunnandi og lét sér mjög annt
um félagsskap okkar og söng.
Ekki grunaði neinn okkar, eftir að hópurinn tvístraðist 1955,
að söngur okkar Leikbræðra yrði nokkurn tíma endurvakinn.
Og nú liðu árin eitt af öðru og eftir sat minningin ein um söng og
sólskinsstundir. Einstaka sinnum kom þó fyrir að fundum okkar
bar saman og gátum við þá ógjarnan setið á okkur að taka lagið
því lengi lifír í glæðum góðra stunda.
U.þ.b. 25 árum eftir að við hættum að syngja samann kom
einn þjóðkunnur tónlistarmaður að máli við okkur, Svavar
Gests, og leitaði eftir lögum okkar til útgáfu á hljómplötu.
Töldum við að þetta væri tæplega framkvæmanlegt þar sem svo
fá lög væru til í upptöku og við sjálfir ekki lengur í því formi að