Breiðfirðingur - 01.04.1994, Blaðsíða 82

80
BREIÐFIRÐINGUR
íslands og útlanda og líka á hafnir kringum land. Þetta var um
mánaðamótin september og október. Veðrið var gott daginn
þann, en vetranótt og slæmt í sjóinn, og svo hvessti með
kvöldinu. „Vesta“ fór ekki fyrr en kl. 9-10 um kvöldið, og var
margt manna með skipinu. Fáa þekktum við systurnar af því
fólki nema Teódóru Daðadóttur frá Setbergi á Skógarströnd og
Kristínu Jóhannesdóttur, frændkonu okkar, héðan úr Hólmin-
um. Hún var að fara í vetrarvist til Reykjavíkur, eins og Ingi-
björg systir mín - ætlaði að verða hjá Bjarna Jónssyni - síðar
dómkirkjupresti og frú Aslaugu konu hans. Kristín giftist síð-
an Filippusi Guðmundssyni múrarameistara og bjó alla tíð í
Reykjavík.
Við vorum 6 eða 8 í herbergi á öðru farrými á „Vestu“ og
varð þar því' bæði þröngt og loftlítið, enda urðum við allar sjó-
veikar. Þegar skipið var - líklega - suður í miðjum Faxaflóa,
sagði Imba systir mín: „Það veit guð, að ég verð fegin þegar
ég kemst á þurrt land.“ - Og við vorum víst allar sammála
henni.
Klukkan 10 næsta morgun komum við til Reykjavíkur -
vorum þá búnar að vera rúmar 12 klukkustundir á leiðinni.
Ekki lagðist skipið að bryggju, heldur komu bátar frá landi og
fluttu fólk og farangur. Mikil þröng var við uppgöngustigann
og sömuleiðis lestaropin að ná í töskur og koffort, því að allir
vildu sem fyrst komast í land. Það voru nú samt engin vand-
ræði að fá far, því að þarna við skipshliðina biðu stórir og
smáir bátar, sem allir vildu fá farþega. Mig minnir að farið í
land kostaði 20 eða 25 aura fyrir manninn. Kannski eitthvað
meira fyrir farangurinn.
Þegar kom að bryggjunni var þar fyrir fjöldi fólks, sem tók
á móti vinum og kunningjum. Við náðum á karl sem var þama
með hest og vagn og tók hann farangur okkar og kom honum
heim þangað sem við ætluðum að vera. Við systurnar spurðum
svo til vegar því að við rötuðum ekki, enda höfðum við ekki
komið til Reykjavíkur fyrr. Ég átti að komast í Barnaskóla
Reykjavíkur, því að þar átti Hólmfríður heima. Þá var Mið-
bæjarbarnaskólinn eini barnaskóli bæjarins. Imba systir átti