Dagblaðið Vísir - DV - 01.06.2018, Blaðsíða 78

78 1. júní 2018
11. desember, 2007, komu fangaverðir fangelsis í Mexíkóborg að José Luis Calva Zepeda hengdum í fangaklefa hans. Zepeda var í varð-haldi grunaður um að hafa orðið að minnsta kosti þremur mann-
eskjum að bana á árunum 2004–2007. Fórnarlömb sín hafði hann sundurlimað
og jafnvel lagt einhver þeirra sér til munns.Sakamál
M
arty Theer og Michelle
Forcier voru að mati
flestra sem til þeirra
þekktu hið fullkomna
par. Þau voru bæði úr hermanns-
fjölskyldu, voru metnaðarfull og
opinn persónuleiki Michelle og
rósemd Martys virtust skapa full-
komið jafnvægi.
Þau höfðu kynnst í mennta-
skóla og að námi loknu sneru þau
sér að eigin hugðarefnum; Marty
skráði sig í flugher Bandaríkjanna
og Michelle gekk til liðs við varalið
flughersins.
Næstu árin viðhéldu þau fjar-
sambandi enda tíðum flutt á milli
herstöðva. Síðan skall Flóa-stríð-
ið á, árið 1991, og þau ákváðu
að ganga í það heilaga. En þessi
blanda af herstöðvalífi og fjarsam-
bandi var enginn dans á rósum
og þá sjaldan sem þau hittust fór
mikill tími í hnútukast. Michelle
var einmana og eitthvað þurfti
að breytast, sem það og gerði.
Breytingin fólst í John Mikael
Diamond, kvæntum liðþjálfa, sem
Michelle kynntist á spjallsvæði á
Netinu.
Eldheitt samband
Árið 1998 tókust kynni með
Michelle og John. Þegar þar var
komið sögu var John í sínu öðru
hjónabandi sem þá þegar riðaði
til falls, að sögn vegna eilífrar
ótryggðar hans.
John var, líkt og Theers-hjón-
in, upprunninn úr hermannsfjöl-
skyldu. Höfðu hann og Michelle
um margt að tala og brátt tók dað-
ur við af meinlausum samskipt-
um. Skilaboð þeirra í netheimi
urðu sífellt heitari og að lokum
ákváðu þau að hittast í raunheimi.
Þegar þau loks tylltu sér nið-
ur á kaffihúsi small allt saman hjá
þeim. Síðar hafði John á orði að
það hefði verið ást við fyrstu sýn og
Michelle sagði að hann hefði verið
„einstaklega heillandi“.
Hjónabandsráðgjöf
Þaðan í frá vörðu þau öllum sínum
lausa tíma saman, stunduðu
nætur klúbba Fayetteville og síðar
sving-klúbba og þá sem hjón
væru. Bæði nutu þau út í ystu æsar
þessari þróun sambands þeirra og
samband þeirra varð heitara en
nokkru sinni fyrr.
Þá kom Marty heim. Hann
hafði verið á sex vikna námskeiði
í Arkansas og skynjaði samstund-
is að mikil vandræði steðjuðu að
hjónabandi hans. Það varð úr að
þau hjónin leituðu til hjónabands-
ráðgjafa sem megnið af tímanum
hlustaði á þau kvarta hvort yfir
hinu.
Marty hafði á orði að Michelle
mætti sjá betur um heimilið og
hún svaraði því til að hann þjáðist
af áráttu- og þráhyggjuröskun.
Michelle sagði að hún vildi fara
oftar út en Marty, sem var löngum
að heiman, vildi frekar vera heima
í rólegheitunum.
Haltu mér, slepptu mér
Á endanum, sumarið 2000, fór
Michelle frá Marty og bjó með
John í íbúð utan herstöðvarinnar.
Þau fóru í frí til Antilla-eyja og til
tals kom að þau settust þar að.
Michelle sótti meira að segja um
inngöngu í læknaskóla þar, og
skráði John sem eiginmann sinn á
umsóknareyðublaðinu.
Grasið er ekki alltaf grænna
hinum megin við girðinguna og
brátt rann upp fyrir Michelle að
samband hennar og Johns átti
enga framtíð. Var í raun ekkert
skárra en hjónaband hennar og
Martys, en engu að síður fór hún
heim til hans.
Sambandi Michelle og Johns
var þó engan veginn lokið en varð
„haltu mér, slepptu mér“-sam-
band.
John sendi tölvupóst og smá-
skilaboð þar sem hann tjáði
Michelle ást sína og spurði í mörg-
um tilfellum hvernig hún gæti
verið manni sem hún sjálf segði
að hún elskaði ekki lengur og ylli
henni hugarangri og eymd.
Skot úr skugga
Þann 17. desember, 2000, hlaut
þessi ástarþríhyrningur sviplegan
endi. Að kvöldi þess dags voru
Marty og Michelle á leið heim
úr jólahófi. Michelle bað eigin-
mann sinn að koma við á vinnu-
stað hennar, hún hefði gleymt þar
nokkrum bókum sem hún þyrfti
að glugga í.
Þangað komin fór Michelle inn
í skrifstofubygginguna en Marty
sat og beið í bílnum. Að nokkrum
mínútum liðnum var Marty óþol-
inmóður og ákvað að kanna hvað
tefði eiginkonu sína.
Þegar hann gekk upp úti-
tröppurnar að vinnustað Michelle
var hann skotinn fjórum sinnum
af einhverjum sem beðið hafði
komu hans í skugga. Marty féll
niður tröppurnar og var skotinn
fimmta skotinu þar sem hann lá
neðst við tröppurnar. Síðar var úr-
skurðað að þetta fimmta skot hefði
verið banaskotið.
Símtal síðla kvölds
Síðar bar Michelle því við að hún
hefði hraðað sér af skrifstofu sinni
Michelle, John og Marty
n tíminn var fjarsambandi theer-hjónanna ekki hliðhollur n Michelle fann nýjan sálufélaga
„Skilaboð
þeirra í
netheimi urðu
sífellt heitari og
að lokum ákváðu
þau að hittast í
raunheimi
Einmana eiginkona
Að lokum leitaði Michelle
á spjallsvæði á Netinu.