Litli Bergþór - 01.12.2015, Blaðsíða 25
Litli-Bergþór 25
Veðurannáll. Eftir kalt vor hlýnaði loks seinni part
júní og náði hiti að deginum 15-20°C, en næturhiti var
áfram lágur, oft 4-6°C og oft vætusamt í allt sumar.
Í júlí var meinleysis skúraveður og lélegt
heyskaparveður en stöku þurrkdagar komu þó um
miðjan mánuð og aftur um mánaðarmótin júlí-ágúst.
Í lok ágúst gerði hlýja og þurra daga sem nýttust til
heyskapar. Sérstakt veðurfyrirbæri var 28. júlí, en
þá gerði mikið þrumuveður og haglél þannig að
haglskaflar mynduðust við húsveggi. Einnig má
geta þess að 28. ágúst voru einhver stórkostlegustu
norðurljós sem sést hafa, í hlýju og heiðskíru veðri.
Í fjallvikunni 5. – 12. september var þokkalegt
veður, úrkomulítið flesta daga og hlýtt, en hvasst.
Réttadagurinn var hlýr og fallegur. Var hiti yfir
frostmarki í september og nokkuð gott veður þó einhver
úrkoma væri flesta daga. Í byrjun október kólnaði
niður undir frostmark og herti úrkomuna, sem gerði
garðyrkjubændum og kornbændum erfitt fyrir. Voru
aldrei samhangandi tveir þurrkdagar allan mánuðinn
með tilheyrandi ófærð á ökrum og leiðindum. Loksins
um miðjan nóvember gerði nokkra þurrkdaga í röð í
hörkugaddi þannig að kornbændur komust um akra
sína og náðu margir ásættanlegri uppskeru eftir allt
saman.
Vetur heilsaði svo með snjókomu á fullveldisdaginn 1.
desember og gengu stórviðri yfir landið í framhaldinu
með miklum vindi, snjókomu og frosti fyrstu daga
desember.
Ingimar Einarsson bauð til afmælishófs í félags-
heimilinu á Flúðum þann 8. ágúst sl. Afmælishófið
hélt hann ásamt dóttur sinni, Guðrúnu, en samtals
urðu þau 130 ára.
Í Bláskógabyggð er að finna fjórar fjárréttir:
Réttað var í Tungnaréttum laugardaginn 12. sept-
ember hátt í 5000 fjár. Fjallferð gekk vel og smalaðist
þokkalega. Nýr fjallkóngur Tungnamanna er Guðrún
Magnúsdóttir í Bræðratungu, en hún tók við af frænda
sínum Lofti Jónassyni í Myrkholti, sem verið hefur
fjallkóngur á Tungnaafrétti undanfarinn áratug.
Í eftirsafn var farið 24. september og heimtust samtals
214 kindur innan Hvítár og af framafrétti. Síðan hafa
heimst um 20 kindur. Úthlíðarmenn hafa einnig farið
margar ferðir inn á Úthlíðarhraun, Brekkur og Sandfell
til fjárleita.
Þann 13. september, var réttað í Laugarvatnsrétt og
helgina eftir, laugardaginn 19. sept., var nýuppgerð
Hvað segirðu til?
Heiðarbæjarrétt vígð. Nýbúið er að endurbyggja
réttina og var það alfarið gert í sjálfboðavinnu. Var
réttin færð til og stendur hún nú fyrir ofan bæjarstæðið
á Heiðarbæ.
Að lokum var réttað í Brúsastaðarétt sunnudaginn
20. september.
Samkvæmt Magnúsi Kristinssyni refaskyttu í
Austuhlíð, náðust alls 69 hausar í vor og sumar, þar
af voru fjögur dýr sem unnust í landi Brúar af annarri
grenjaskyttu. Ekkert greni fannst á afréttinum innan
Hólahaga, en eitt greni fannst í Úthlíðarhrauni. Í
byggð unnust 13 greni, að meðtöldu Brúargreninu, þar
af fjögur ný. Fullorðin dýr voru 23 og yrðlingar 46.
Got var almennt mánuði á eftir áætlun í vor vegna
kulda og þurfti því að leita oftar en einu sinni í mörgum
grenjum, sem kostaði tíma og akstur.
Regína Rós Harðar-
dóttir var ráðin leik-
skólastjóri að leikskól-
anum Álfaborg í sumar
eftir að Elfa Birkisdóttir
flutti sig um set er hún
var ráðin skólastjóri
Bláskógaskóla á Laug-
arvatni.
Skálholtsstaður og Skálholtsskóli stóðu fyrir málþingi
um umhverfismál í Skálholti þann 10. nóvember s.l.
Yfirskriftin var „Af jörðu ertu kominn...“ Tilefnið
var loftslagsráðstefna Sameinuðu þjóðanna sem haldin
var í París nú í desember.
Minningardagskrá var haldin um Jón Arason biskup
í Skálholti þann 7. nóvember í tilefni þess að liðin eru
465 ár frá aftöku hans og sona hans.
Karl Hallgrímsson, kennari í Bláskógaskóla, gaf á
dögunum út hljómplötuna, „Draumur um koss“ sem
er önnur hljómplata hans. Hélt hann útgáfutónleika
að því tilefni í Aratungu þ. 5. desember og var góður
rómur gerður að flutningi hans og hljómsveitarinnar.
Kvenfélögin í uppsveitum Árnessýslu hafa
tekið sig saman um gerð kvikmyndar í tilefni
100 ára kosningaréttar kvenna. Myndin, sem ber
vinnuheitið „Svipmyndir fyrir framtíðina um for-
tíðina í nútímanum“ fékk 200.000 króna styrk
frá Bláskógabyggð auk 100.000 króna styrks frá