Andvari - 01.01.2012, Side 184

182
ÁRNI BJÖRNSSON
ANDVARI
næst hafði heilsu hans á hinn bóginn hrakað svo mjög að hann treysti sér ekki
til að ræða við okkur. Þótt tvö ár séu liðin er ekki um seinan að koma þessum
leiðréttingum á framfæri meðan þeir sem málið snertir eru sjálfir viðræðuhæfir
svo að þær séu einhverstaðar til. Þeim sem málið er ekki skylt getur fundist
sumt af þessu sparðatíningur, en annað kann að gilda um þá sem fyrir því verða.
Eg tók þetta verk að mér bæði vegna gamallar vináttu við Jón og ekki síður
sakir þess að um mig sjálfan er sáralitlar rangfærslur að finna í bókinni og
engar særandi. Ur því á annað borð var farið að rekast í lagfæringum þótti rétt
að láta nokkrar aðrar sögulegar leiðréttingar fylgja þótt þær snerti ekki núlif-
andi fólk. Til einföldunar er farið eftir blaðsíðutali.
11. Það var Nikolai Frederik Severin Grundtvig (1783-1872) sem kom á fót
lýðháskólum í Danmörku en ekki sonur hans Svend Grundtvig þjóðvísna-
fræðingur (1824-1883).
Christian Welding, f. 1761, gat ómögulega komið hingað til lands að undir-
lagi Skúla Magnússonar landfógeta, sem var hrakinn frá Innréttingunum um
1764.
17. Fyrri kona Ragnars í Smára hét Ásfríður en ekki Áslaug. Þau áttu tvær
dætur en ekki eina, Eddu og Völvu.
21. Fyrsta ljóðabók Guðmundar Böðvarssonar hét Kyssti mig sól en hin þriðja
Alfar kvöldsins.
25. Albert múrari (1904-1938) var Ólafsson en ekki Tómasson.
29. Einar Laxness er ekki afkomandi Jóns Guðmundssonar ritstjóra.
39. Um Sigurð Ingimundarson föður Jóhönnu forsætisráðherra segir að hann
hafi líklega aldrei skipt sér af pólitík. Það fær ekki staðist þar eð hann var í
miðstjórn Alþýðuflokksins 1956-1974 og sat á Alþingi fyrir hann 1959-1971.
63. Jón Múli Árnason talaði ekki í gjallarhorn í jeppa á Austurvelli 30. mars
1949 heldur Stefán Ögmundsson einsog lesa má í hæstaréttardómi.
76. Jónas Haralz stundaði nám í Stokkhólmi frá hausti 1938 og lauk þar
hagfræðiprófi 1944 svo útilokað er að hann hafi ‘tekið þátt í kappræðu-
fundum fyrir Æskulýðsfylkinguna’ fyrir þann tíma. Hún var ekki einusinni
stofnuð fyrr en í byrjun nóvember 1938. Jónas fór hinsvegar til starfa hjá
Alþjóðabankanum í Washington 1950.
77. Lýsing á húsaskipan í Tjarnargötu 20 er á þann veg að Jón, sem starfaði
um tíma talsvert í húsinu, hefur naumast getað lesið hana yfir sjálfur með
fullum sönsum. Umræddur fundarsalur var til dæmis á 1. hæð hússins en
skrifstofa ÆF á 2. hæð.