Tíðindi Prestafélags hins forna Hólastiftis - 01.01.1984, Blaðsíða 2

Biskupsvígsla á Hólum
Hinn 27. júní árið 1982 vígði biskup Islands, Herra Pétur
Sigurgeirsson, nýkjörinn vígslubiskup hins forna Hólastiftis
séra Sigurð Guðmundsson prófast á Grenjaðarstað, biskups-
vígslu. Var mikið fjölmenni á Hólum þennan dag. Veður var
hið fegursta eins og jafnan er hátíðir eru haldnar á Hólum.
Rúmaðist aðeins hluti hátíðargesta í kirkjunni en hinir stóðu
fyrir utan kirkjuna og fylgdust með athöfninni þaðan eða í
íþróttasal Bændaskólans þangað sem sjónvarpað var úr
kirkjunni.
Biskupar og prestar gengu skrúðgöngu frá skólahúsinu til
kirkju og á meðan ómaði Hjaltadalur af samhringingu
kirkjuklukkna Hólastaðar. Kór Grenjaðarstaðarkirkju söng
við biskupsvígsluna við undirleik organista síns, Friðriks
Jónssonar, og stjórn Hauks Guðlaugssonar söngmálastjóra.
Séra Örn Friðriksson á Skútustöðum lýsti vígslu og flutti
æviágrip vígslubiskups.
Vígsluvottar voru prófastar Hólastiftis, séra Stefán Snæv-
arr, sr. Gunnar Gíslason og sr. Róbert Jack og fyrrverandi
prófastur Húnavatnsprófastsdæmis séra Pétur Þ. Ingjaldsson.
Við vígsluna aðstoðuðu auk þeirra sóknarpresturinn, sr. Sig-
hvatur B. Emilsson, og biskuparnir Sigurbjörn Einarsson og
Sigurður Pálsson. Biskupsþjónar (famuli) voru séra Ólafur
Þór Hallgrímsson, sóknarprestur á Bólstað og séra Oddur
Einarsson, sóknarprestur á Skagaströnd.
Um kvöldið bauð kirkjumálaráðherra, Friðjón Þórðarson,
og frú til samkvæmis í Félagsheimilinu Bifröst á Sauðárkróki.
Þar flutti séra Bjartmar Kristjánsson minni séra Sigurðar og
séra Bolli Gústavsson minni frú Aðalbjargar. Voru það eftir-
minnilegar og fagrar ræður. Þakkaði séra Sigurður vígslu-
biskup daginn með snjallri ræðu og bað mönnum blessunar
Guðs. H. J.