Helgarpósturinn - 24.03.1988, Blaðsíða 25

UNGLINGAHLJOM-
SVEITIR í KÓPAVOGI
/ tilefni þess ad Kópavogsbœr tók í notkun nýjan sal fyrir félagsstarfsemi
bœjarins I febrúar sl. voru þar haldnar margar samkomur afýmsu tagi. M.a.
voru haldnir popptónleikar þ. 22. febrúar og komu eftirtaldar hljómsveitir
fram: Tríó Jóns Leifssonar, Axlabandid, Moryarty, Lóa Finnboga og Hyskid.
Þessar hljómsveitir nema sú sídastnefnda eru óþekktar unglingahljómsveit-
ir, en margar slíkar eru í Kópavogi og má auk ofantalinna nefna t.d. Vini
vors og blóma.
Þad hefur verid erfidleikum bundið fyrir flestar hljómsveitirnar að halda
áfram starfsemi vegna m.a. fjárskorts, en þœr reyna þó ad þrauka. Nýlega
tókum við viðtöl við meðlimi tveggja þeirra.
eftir Kristin H. Schram, 15 ára nemanda í Digranesskóla, i starfskynningu á HP.
Moryarty
— Hvað er hljómsveitin gömul?
„4 mánaða."
— Hvað eru margir og hvað heita
þeir?
4. Þeir heita: Valur Bogi Einarsson
gítar, Finnur Björnsson hljómborð,
Helgi Sigurðsson bassagítar, Arnar
Omarsson trommur."
— Hvernig tónlist spilið þið?
„Melódísk rokktónlist hefur hún
víst verið kölluð."
— Er unglingahljómsveitum sinnt
nógu mikið í dag?
,,Nei.“
— Hvað finnst ykkur að þurfi að
bæta?
,,í fyrsta lagi hjálpa hljómsveitum
með æfingapláss, og í öðru lagi gefa
fleirum tækifæri til þess að spila.“
— Hvert stefnið þið?
„Langt."
— Hvernig eru aðstæður til tón-
leikahalds í Kópavogi?
„Þær hafa verið nokkuð slappar
en stórbættust þegar félagsheimilið
kom.“
— Er þetta dýrt?
„Mjög dýrt, alltof dýrt fyrir skóla-
fólk.“
— Hvað takið þið fyrir að spila í
skólum?
„Það fer eftir aðstæðum."
— Eruð þið ávallt reiðubúnir til að
spila á skólaböllum?
„Nei, það er ekki hægt að segja
það.“
Axlabandið
— Hvað er hljómsveitin gömul?
„U.þ.b. 7 mánaða gömul.“
— Hvað eru margir í hljómsveit-
inni og hvað heita þeir?
„5. Jóhannes Hjaltason söngur,
Baldvin A. Baldvinsson trommur,
Kristinn H. Schram hljómborð,
Þröstur E. Óskarsson gítar og fngólf-
ur Ólafsson bassagítar."
— Hvernig tónlist spilið þið?
„Ýmislegt, bæði frumsamið og eft-
ir aðra, en mest gamalt rokk.“
— Er unglingahljómsveitum sinnt
nógu mikið í Kópavogi?
„Nei, ekki nógu mikið, en það fer
batnandi."
— Hvað finnst ykkur að þurfi að
bæta?
„Æfingaaðstöðu."
— Hvert stefnið þið?
„Eins langt og við komumst."
— Hvernig eru aðstæður til tón-
leikahalds í Kópavogi?
„Bara góðar eftir komu félags-
heimilisins."
— Er dýrt að vera í hljómsveit?
„Já, mjög dýrt, en maður er til í að
fórna rnörgu."
— Hvað takið þið fyrir að spila í
skólum?
„Það fer eftir aðstæðum."
— Eruð þið ávallt reiðubúnir til að
spila?
„Já.“
Disneyrímnalög í Tjarnarbíói
rœtt við Árna Harðarson, stjórnanda Háskólakórsins.
Háskólakórinn flytur Disney-rimur þeirra Árna og Þórarins Eldjárn. Um það hvernig Disney varð til, Mikki mús og
Andrés önd og Disney-landið fræga. Halldór Björnsson leikari fer meö aðalhlutverkið og sést hér ásamt nokkrum
kórfélögum.
Þegar Disney-rímur Þórarins Eld-
járn komu út fyrir u.þ.b. 10 árum
vöktu þœr gríðarlega athygli. Ekki
síst fyrir að ungur maður skyldi
yrkja rímur, nota sér œvaforna
bragarhœtti og form til að koma nú-
tímalegu yrkisefninu á framfœri. E/
minniö brestur ekki þá seldist bókin
einhver reiðinnar býsn, í það
minnsta miðað við aðrar Ijóðabœk-
ur. Enda var hið hefðbundna Ijóð-
form aldeilis ekki dautt. Árni Harð-
arson, tónskáld og kórstjóri Há-
skólakórsins, hefur gert lög við rím-
urnar og á föstudagskvöldið kl.
20.30 mun kórinn frumflytja þau I
Tjarnarbíói. Þetta eru þó ekki eigin-
legir kórtónleikar því rimurnar hafa
verið sviösettar og kalla mœtti upp-
fœrsluna músíkleikhús eða eitthvað
í þá áttina.
„Eg hef passað mig á að kalla
þetta ekki söngleik. Það mætti
kannski kalla þetta músíkleikhús en
ég vil helst kalla þetta bara rímur.
Rímur sem fluttar eru á nýjan hátt.
Annars er óþarfi að skilgreina verk-
ið sérstaklega, aðrir hafa reyndar
verið dulegir við það. Nefnt allt frá
kabarettum til ópera. Ég hef alltaf
haft mikinn áhuga á leikhúsinu og
þá einkum tónlistarhliðinni. Að
brjóta niður múrana milli leikhúss-
ins og tónlistarinnar. Samt er ég
ekki að segja að það eigi að vera
tónlist í öllum leikritum, síður en
svo. Stundum er hún bara fyrir. Hins
vegar er það mjög spennandi þegar
tónlistin nær að styrkja textann og
það er það sem fyrir mér vakir með
þessari sýningu."
— Af hverju urðu Disney-rímur
fyrir valinu?
„Háskólakórinn setti upp Sóleyj-
arkvæði fyrir fjórum árum og við
það jókst áhugi minn á þessu formi
mjög. I upphafi ætlaði ég að hafa
þetta alvarlegt verk og hafði leitað
mér að efniviði víða. Svo var mér
bent á Disney-rímur sem ég hafði
lesið tveimur árum áður og fannst
það vel við hæfi. Hins vegar kom
mér alls ekki til hugar að gera lög
við rímurnar fyrst þegar ég las þær
enda eru þær í raun sjálfum sér nóg-
ar. En það sem heillaði mig síðar
voru andstæðurnar í efni og formi
sem mér fannst gefa mikla mögu-
leika á leikrænni útfærslu. Þessar
andstæður gefa sömuleiðis mögu-
leika á fjölbreytilegri tónlist; annars
vegar hið þjóðlega sem felst í form-
inu og hins vegar það sem efnið gef-
ur möguleika á. Ég hef lengi verið
spenntur fyrir svona blöndu þó ég
geri mér grein fyrir að hún er vand-
meðfarin."
— Þú minntist á Sóleyjarkvæði.
Er þessi uppfærsla mjög frábrugðin
henni?
„Við göngum út frá svipuðu formi.
Kór og leikari eða lesari. En Disney-
rímurnar eru fyrst og fremst
skemmtiverk og við leyfum okkur
meiri leikræna túlkun en við gerð-
um í Sóleyjarkvæði. Leikarinn er
ekki einungis lesari heldur bregður
hann sér líka í ýmissa persóna líki.
Að auki er það stór munur að nú
sem ég tónlistina sjálfur og það gef-
ur mér möguleika á meiri dramatík
í tónlistinni. Annars geng ég mest út
frá rímnatónlist og reyni að kalla
fram þá stemmningu sem mér finnst
ríkja í hverri rímu fyrir sig, hvort
sem það er með laglínu eða hreinni
leikhústónlist. Eins og ég sagði áðan
er aðalatriðið að tónlistin styðji við
textann."
Það er Halldór Björnsson leikari
sem fer með stærsta hlutverkið í
sýningunni en að auki syngja
nokkrir kórfélagar smærri hlut-
verk, m.a. stúlka sem hefur svokall-
aðan kólóratúr-sópran sem liggur
ofan við venjulegan sópran og er
næsta einstæð rödd. Kári Halldór
hefur séð um að leikstýra sýning-
unni en þeir Árni hafa unnið mikið
saman áður, t.d. að leikriti Þórarins
Eldjárn, Ómunatíð, sem Nemenda-
leikhúsið setti upp hér í eina tíð.
Eins og áður sagði er frumsýning
á Disney-rímum á föstudagskvöldið
og rétt er að vekja athygli á því að
einungis verða fimm sýningar á
verkinu. Auk föstudagsins verða
þær á sunnudag kl. 17.00, mánudag
20.30, þriðjudag 23.00 og miðviku-
dag 20.30.
KK
TÍMANNA TÁKN
Grjótaþorp — fyrr og nú
Bráðlega ætla ég að yfirgefa
íbúðina þar sem ég hef búið í 13
ár undir verndarvaeng Morgun-
blaðshallarinnar. Ég flyst 80
metra í burtu og verð áfram í
Grjótaþorpinu. Þetta er ekki rétti
staðurinn til að rekja ævisögu
mína, jafnvel þó greinin gæti
þannig orðið meira spennandi.
Hugmyndin er eins og alltaf að
þefa ögn af anda tímans og hafa
augun opin fyrir breytingum.
Þegar ég kom var Grjótaþorp-
ið ennþá rónahverfi. Rónarnir
söfnuðust saman hjá Ing-
ólfs Apóteki við Fischersund fyr-
ir opnun. Ef þeim tókst ekki að
ná sér í kogara létu þeir sér
nægja vanillu- eða rommdropa
hjá Silla og Valda í Aðalstræti.
Litlar sprittflöskur uxu í görðun-
um. Portúgalaamatörar þinguðu
bakvið öskutunnur núverandi
Fógeta. Unglingar brutu kók-
flöskur á föstudagskvöldum og
glerbrot glóðu í Bröttugötu eins
og jafnmargar stjörnur. Rónarnir
eru horfnir. Hvar eru þeir? Ungl-
ingarnir líka. Unglingaréttirnar í
dag í Austurstræti eru svipur hjá
sjón hjá því sem Hallærisplanið
var. Unglingarnir vita ekki af
hverju þeir missa.
í lok sjöunda áratugarins ætl-
aði Sjálfstæðisflokkurinn að rífa
niður öll hús í Grjótaþorpinu
nema þrjú: Unuhús, „Fógetann"
og norska bakaríið. Hugmyndin
var að byggja hræðilegt skrif-
stofuhverfi. Húsverndunarmenn
sameinuðust og héldu útifund á
Hallærisplaninu í 10 stiga frosti í
janúar 1978. Ég hitaði kakóið
heima hjá mér. Laufey, „amma
Grjótaþorpsins", safnaði pening-
um fyrir auglýsingum í útvarpið.
íbúar Grjótaþorpsins — næstum
þvi allir leigjendur á þessum
tíma — voru tilbúnir að gefa
peningana sína og tíma til að
lagfæra umhverfið. Valdimar
gamli (Silli og Valdi) lánaði okkur
lóðina bak við Fjalaköttinn. Við
byggðum fallegan garð. Um leið
og Valdimar skipti eigum sínum
milli barna sinna lét Þorkell son-
ur hans eyðileggja garðinn með
jarðýtu. Við reyndum að stoppa
hann en það var of seint.
Vinstri flokkarnir sigruðu í
borgarstjórnarkosningunum
1978. Grjótaþorpinu, hugsuðum
við, var borgið. Hjörleifi Stefáns-
syni var falið að undirbúa deili-
skipulag fyrir hverfið. Aldrei
sýndi hann áhuga fyrir því sem
íbúar Grjótaþorpsins höfðu að
segja. Þegar hann sá okkur hljóp
hann yfir götuna.
Vinstristjórnin bjargaði
Grjótaþorpinu frá niðurrifi en var
ófær um að takast á við tvö mik-
ilvæg mál: Fjalaköttinn og Aðal-
stræti, sem Hjörleifur fórnaði á
altari braskaranna.
Þegar Sjálfstæðisflokkurinn
komst til valda á ný kom fjögurra
ára aðgerðaleysi varðandi
Grjótaþorpið. Engar fréttir =
góðar fréttir. Síðan kom kvosar-
skipulagið sem stelur aðgangi
Grjótaþorpsins að Aðalstræti.
Samkvæmt skipulaginu verða
fyrirhuguð hús við Aðalstræti
(Fógetinn undanskilinn) að taka
mið af Morgunblaðshöllinni.
Timburhúsin koma til með að
standa bak við rimla nýrra stein-
steypubygginga, firrt allri aust-
ursól. Síðar hafa komið fram enn
nýjar tillögur. Það Ijótasta þarf
hins vegar ekki alltaf að sigra að
lokum. Vonum það besta.
Flestir hinir gömlu íbúar
Grjótaþorpsins eru fluttir burt og
ég býst við að ég sé orðinn sá
þriðji elsti. Fyrst véku utangarðs-
mennirnir, sem stóðu ekki í skil-
um, fyrir ungum hippalegum
hugsjónamönnum. Þessi ung-
menni, sem síðar urðu hvorki
ung, hippaleg né hugsjóna-
menn, hafa sjálf vikið fyrir smá-
borgurum úr menntamanna-
stétt. Núverandi húseigandi
minn er nýbúinn að hækka leig-
una um 150%. Það er ekki beint
löglegt en annaðhvort verður að
halda húsnæðinu eða sleppa.
Vonandi les hann Helgarpóstinn
því ég hef ekki tilkynnt honum
að ég sé á förum.
Gerard Lemarquis
HELGARPÓSTURINN 25