Helgarpósturinn - 14.04.1988, Blaðsíða 17

eru sælkerar
og unnendur flautuleiks!
sorphaugum borgarinnar fyrir
nokkrum árum og eru þeir undir
ströngu eftirliti. Árið 1975 var byrj-
að að eitra í holræsabrunna. Nú er
eitrað í 5—6.000 brunna á hverju
sumri og þykir það skila góðum
árangri. Sem dæmi um svæði þar
sem oft má finna rottur er þar sem
Lækurinn eini og sanni fellur til
sjávar úr Tjörninni. Undir Lækjar-
götu, þar sem Lækurinn rennur, er
allt sundurgrafið og töluvert um
rottur, enda nóg æti að fá, brauð og
fleira sem fer framhjá öndunum. Þó
er nú hvergi hægt að ganga að því
vísu að finna meindýrin, eins og áð-
ur var hægt.
Það þykir ákaflega ógeðfellt þeg-
ar rottur komast inn í hús gegnum
niðurföll. Ásmundur sagði að þá
væri oftast um að ræða niðurföll
sem lítið væru notuð, s.s. í bílskúr-
um og þvottahúsum, annað væri
mjög óalgengt.
Þegar vart verður við rottur eða
mýs er annaðhvort beitt eitri eða
notaðar gildrur. Það getur því tekið
nokkra daga að leysa vandamálið. í
íbúðarhúsnæði eru gildrurnar oftast
reyndar fyrst, m.a. vegna þess að
meindýrin geta skriðið á annarlega
staði til þess að drepast af eitrinu og
byrjað að rotna án þess að vitað sé
um þær, t.d. í milliveggjum húsa.
Það er ekkert spaug að þurfa að
brjóta niður hús sitt í leit að dauðri
rottu. Rotturnar eru sælkerar og
best er að nota döðlur, rúsínur eða
jafnvel súkkulaði sem agn í gildr-
urnar. Eitrið, aftur á móti, er ,,mat-
reitt" fyrir rotturnar í litlum, rauð-
um, girnilegum kögglum. í því eru
efni sem koma í veg fyrir storknun
blóðsins og deyr dýrið því vegna
blæðinga. Meindýraeyðarnir í
Reykjavík blanda allt sitt eitur sjálfir
og má ætla að það séu um 5 tonn af
eitri á ári. Það mun ekki vera þekkt
hér á landi að rotturnar hafi orðið
ónæmar fyrir ákveðinni eiturteg-
und, enda myndi það þá fljótt sýna
sig með örri fjölgun þeirra.
Viss árstíðabundin sveifla er í
fjölda þessara dýra. Þegar hlýna
tekur á vorin eykst rottugangur.
Hins vegar er mest af músum á
haustin og þá sérstaklega í nýju
hverfunum sem ekki eru fullfrá-
gengin. Ámundi sagði að í raun væri
erfiðara við mýsnar að eiga. Þær
væru minni og kæmust víðar. Einn-
ig væru þær ómarkvissari í hegðun,
óútreiknanlegar.
ROTTUSÖGUR
Rottur hafa löngum verið vanda-
mál, og sögur af skemmdarstarf-
semi þeirra og svo hvernig menn
hafa ráðið niðurlögum þeirra eru
aldagamlar. Sem dæmi má nefna
söguna um rottuveiðarann frá borg-
inni Hameln í Þýskalandi, en hún á
að gerast á 13. öld. Þar segir frá
manni, undarlega horuðum manni
með gult andlit, sem með skerandi
flautuleik lokkaði rottuskara út í ána
Weser þannig að þær drukknuðu
allar og losaði borgina þannig und-
an ægilegri rottuplágu.
Gárungarnir segja að það hafi
reyndar verið eftir þessa útreið sem
rotturnar fóru að leggja meira upp
úr því að læra sundtökin, en það er
önnur saga.
Einu sinni var Ægisíðan „rómuð"
fyrir rottugang. Þegar náungi sem
ólst þar upp var spurður um rott-
urnar sagði hann að það hefðu aðal-
lega verið þeir sem bjuggu einhvers
staðar allt annars staðar í bænum
sem mest þóttust vita um rottugang-
inn þar. „Það var mikið af rottum
hér fyrir allmörgum árum en nú er
þetta að mestu horfið," sagði hann.
Er hann var inntur eftir rottusögum
sagðist hann fáar kunna. „Það er þá
ekki nema þegar það komst rotta í
bílskúrinn heima og við sendum
heimilisköttinn á hana. Kötturinn
kom síðan hlaupandi út úr skúrnum
alveg logandi af hræðslu. Þetta var
7 kg flykki, þ.e. kötturinn. Svo þegar
ég var einu sinni að hjóla niðri í
fjöru hljóp rotta í teinana á hjólinu
mínu. Eg var korter að þvo það á
bensínstöð."
Electrolux
BW 310 uppþvottavélin
náði ekki bara prófinu... hún
„DÚXAÐI” !
A kröfuharðasta neytcndamarkaðinum, fékk hún
eftirfarandi ummæli frá Svenska Konsumentverket:
* Hæsta einkunn (5) fyrir uppþvott og þurrkun
* Hæsta einkunn (5) fyrir að vera hljóðlát
* Hæsta einkunn (5) fyrir sparneytni
Eigum einnig fyrirliggjandi 4—6 manna
uppþvottavélar á aðeins kr. 28.900,- stgr.
Láttu ekki uppþvottinn angra þig lengur-
,,KÝLDU” Á ELECTROLUX !
StjOrnubær
EIÐISTORGI SÍMI 611120
Sulurit yfir rottu- og músagang 1951 —1987. Ætla má að álíka mikið sé af kvört-
unum vegna músa og rotta á hverju ári.
HELGARPÓSTURINN 17