Tíminn - 30.11.1983, Blaðsíða 5
5
MIÐVIKUDAGl R30. NÖVEMBER 1983
fréttir
Framkvæmdastjóri BUR arídvígur því ad leggja eigi togurum
á stærstu þéttbýlissvæðunum fyrst:
„FINNST ÞETTA FRALEIT LINA”
■ „Mér finnst þessi lína alveg fráleit,
og bendi m.a. á í því sambandi að
varðandi uppbyggingu togaranna á
undanförnum árum og áratugum, þá
hefur uppbygging á togaraflotanum orð-
ið miklu hægari á þéttbýlissvæðunum,
og þá einkum hér í Reykjavík," sagði
Björgvin Guðmundsson, framkvæmda-
stjóri Bæjarútgerðar Reykjavíkur, m.a.
er Tíminn spurði hann í gær hver skoðun
hans væri á því að togurum á mestu
þéttbýlissvæðunum verður lagt fyrst, ef
nauðsynlegt reynist að leggja einhverj-
um, eins og Halldór Ásgrímsson, sjávar-
útvegsráðherra, greindi frá í Tímanum
nú fyrir helgi.
Björgvin benti á að í byrjun seinni
heimsstyrjaldarinnar hefði Reykjavík
haft yfir um tveim þriðju togaraflota
landsmánna að ráða, en það hlutfall væri
allt annað í dag. „Mér finnst því alveg
fráleitt," sagði Björgvin, „ef það á að
fara að hegna þéttbýlinu fyrir það, að
hafa ekki farið jafnört út í togarakaup
og strjálbýlið hefur gert". Ég tel að
svona aðgerðir myndu ekki leiða til
neins nema atvinnuleysis."
Björgvin sagði að nokkuð væri til í
þeirri röksemd sjávarútvegsráðherra að
léttara væri að koma upp mannaflafrek-
um iðnaði þar sem þéttbýli væri mikið,
en það mætti alls ekki líta framhjá þeirri
staðreynd að uppbygging slíks iðnaðar
tæki alltaf nokkur ár. Ef leggja ætti
togurum á mestu þéttbýlissvæðunum
þegar á næsta ári, myndi slíkt óumflýjan-
lega leiða til atvinnuleysis, því uppbygg-
ing nýrra atvinnutækifæra á sviði orku-
freks iðnaðar myndi taka mörg ár.
Björgvin benti einnig á að togararnir
sem gerðir eru út frá Reykjavík og
Hafnarfiiði hefðu að undanförnu fyrst
og fremst sótt í karfa og ufsa, þannig að
þorskstofninum yrði ekki bjargað með
því að leggja togurum af þessu svæði.
- AB.
Valin til að halda
sýningu við Listaaka
demíuna í Munchen
■ Ung íslensk stúlka, Guðrún
Tryggvadóttir fékk nýverið þann heiður
að vera valin annar af tveim útskriftar-
nemendum við Listaakademíuna í
Múnchen, sem fá að halda sýningu við
akademínuna að námi loknu. í frétt frá
professor Rudolf Seitz, við akademíuna
í Múnchen, sem blaðinu hefur verið
send, segir að þetta sé í fyrsta skipti sem
akademían veiti útlendingi þennan heið-
ur.
í fréttinni er lokið miklu lofsorði á
Guðrúnu og segir professor Seitz að það
sé honum mikil ánægja að greina íslensk-
um fjölmiðlum frá þessum heiðri sem
íslenskri listakonu hafi fallið í skaut.
Sýning hennar við akademíuna stendur
frá 12:16. desember n.k.
Verkalýðsfélag Borgarness:
Þriðja námskeið-
ið fyrir trúnaðar-
menn á þessu ári
■ Dagana 21.-25. nóvember sl. var
haldið í Borgamesi námskeið fyrir
trúnaðarmenn á vinnustöðum en að
því stóðu MFA, Verkalýðsfélag Borg-
amess, Vcrslunarmannafélag Borg-
arness og Iðnsveinafélag Mýrarsýslu
og vom þátttakendur 18 talsins. hetta
er þriðja námskeiðið á þessu ári sem
Verkalýðsfélag Borgarness stendur að.
Á námskeiðinu var fjallað um ýms
réttindamál launþega sem trúnaðar-
menn þurfa að kunna skil á. Meðai
þcss má nefna réttindi samkv. lögum,
svo sem í veikinda- og slysatiifellum, í
uppsagnartilfeilum, í atvinnuleysi, til
orflofs. Pá vom kjarasamningar ræddir
og útskýrðir. Rætt var um heilbrigðis-
og öryggismál vinnustaða, helstu rétt-
indi er varða almannatryggingar. Veitt
var fræðsla um lífeyrissjóði og réttindi
sjóðfélaga. Einnig um opinber gjöld af
launum og álagningu. Loks ræddu
fulltrúar vinnuvcitenda um viðhorf sitt
til trúnaðarmanna og svömðu fyrir-
spurnum.
■ Svipmynd frá námskeiðinu í Borgamesi
Atvinnuástand og horf ur
í byggingariðnadinum:
Samdrátturinn ekki
meiri en venjulega
■ Nýlega lauk ársfjórðungslegri
könnun Landssambands iðnaðarmanna
á atvinnuástandi og horfum í byggingar-
iðnaði og náði könnunin um land allt til
58 aðila með um 1300 starfsmenn, eða
um 17% aiis mannafla i byggingarstarf-
semi.
Niðurstöður könnunarinnar benda til
þess að starfsmenn í byggingariðnaði á
vegum einkaaðila hafi verið samtals
7675 í byrjun október en í júlíbyrjun var
samsvarandi fjöldi 8100 manns. Hefur
starfsmönnum því fækkað um 425 frá
miðju sumri,en miðað við fyrri kannanir
sem Landsambandið hefur gert er sam-
dráttur í starfsmannahaldi á landinu öllu
nú ekki meiri en jafnan hefur orðið á
sama árstíma undanfarin ár.
Þannig voru starfsmenn alls 7.575 í
byrjun október í fyrra, samkvæmt
könnun, sem þá var gerð, eða 100 færri
en á sama tíma í ár, og núverandi
starfsmannafjöldi er um 200 starfs-
mönnum yfir meðaltali þess sem verið
hefur á sama árstíma undanfarin 5 ár.
Þrátt fyrir að starfsmannafjöldi og
atvinna í byggingariðnaði virðist hafa
verið í góðu meðallagi, þegar könnunin
var gerð í byrjun október sl., var greini-
lega um að ræða svæðisbundinn samdrátt
og verkefnaskort, einkanlega á Eyja-
fjarðarsvæðinu, en einnig nokkuð á
fáeinum stöðum annars staðar á landinu,
s.s. á Akranesi.
■ Kona með bikar eftir Ásmund
Sveinsson
Sala á afsteypum
af verki Ásmundar
■ Stjórn Ásmundarsafns hefur sam-
þykkt að hefja gerð og sölu á afsteypum
af verkum eftir Ásmund Sveinsson og
fjármagna þannig gerð bronsafsteypa af
stærri verkum listamannsins. Hafa verið
gerðar 200,tölusettar afsteypur af verk-
inu „Kona með bikar“, brenndar í leir, og
eru þær til sýnis í safni Ásmundar
þriðjudaga, fimmtudaga, laugardaga og
sunnudaga kl. 14-17. Pantanireru teknar
daglega kl. 9-17 í síma 32155. Reynt
verður að afgreiða pantanir fyrir jól en
verðafsteypunnarverður 12.500 krónur.
Mörg af stórum verkum Ásmundar
voru steypt í sement, en draumur hans
var að.koma þeim í varanlegt efni, þ.e.
brons. Er það nú orðið mjög aðkallandi,
því að verkin hafa staðist tímans tönn
misjafnlega, auk þess sem Ásmundur
hugsaði verk sín sem bronsverk og bera
þau höfundi sínum því ekki rctt vitni fyrr
en þau hafa verið steypt í það efni.
- JGK
Rauði kross íslands sendir
bitafisk til Nígeríu
■ Nýlega gaf Fiskverkun Bóasar
Emilssonar á Selfossi Rauða Krossi
íslands um tvö þúsund pakka af bitafiski
eins og þeim sem seldur hefur verið á
markað í Nigeríu.
Að höfðu samráði við Alþjóðarauða-
krossinn í Genf ákvað RKÍ að senda
þennan fisk til Rauðakrossins í Nigeriu
sem mun sjá um að dreifa honum.
Skipafélagið Víkur h.f. tók að sér að
sjá um sendinguna Rauða Krossi íslands
alveg að kostnaðarlausu. Heildarverð-
mæti þessarar sendingar er um eitt
hundrað og þréttán þúsund krónur.
Mökum bænda tryggður
aðild að lifeyrissjóði
■ Frumvarp um lífeyrissjóð bænda er
komið til umræðu á Alþingi og hefur Jón
Helgason, landbúnaðarráðherra, mælt
fyrir því. Hér er um að ræða endur-
skoðun á lögum um lífeyrissjóð bænda,
og eru aðalbreytingar þær að mökum
bænda er tryggð sjálfstæð aðild að
sjóðnum, þannig að lífeyrisréttur hjóna
verðijafn.
Einnig eru í frumvarpinu ákvæði um
sjóðsaðild launþega í landbúnaði og um
lækkað aldurmark til töku lífeyris úr
sjóðnum.
Gerska ævintýr-
ið komið út í
annarri útgáfu:
Hefur verið
í rúm
f jörutiu ár
■ Gerska ævintýrið, sú bók Halldórs
Laxness sem hvað mestum deilum
hcfur valdið.er nú komin á markað
endurútgefin. Þessi bók lýsir ferðalagi
höfundarins um Ráðstjórnarríkin árið
1937 og kom út 1938. Þar greinir hann
m.a. frá Moskvuréttarhöldunum eins
og þau komu honum fyrir sjónir og þær
skoðanir sé þar koma fram hafa
löngum verið æði eldfimar í umræðum
manna hcrlendis, en sjálfur gerði Lax-
ness upp við þær síðar á ævinni, nt.a.
í Skáldatíma og ýmsurn grcinum og
ritgcrðum. Gerska ævintýrið hefur ver-
ið ófáanlegt á bókamarkaði undanfarin
40 ár og rúmlega það.
Höfundurinn skrifar inngang að
hinni nýju útgáfu og segir þar í
niðurlagi: „Því má ekki glcyma að
tíminn stendur aldrei kyr ogég hef sem
betur fer ekki komist undan því
lögmáli; og hér er bókin með um-
merkjum, nema þrætubókarstíll kynni
að vera meira tempraður á þessari en
hinni fyrri, og mærð dregin út eins og
kostur var í vitund þess að við lifum í
heimi sem hcfur aðrar Ijóðrænar við-
miðanir en þá; og aðra heiðursmenn
eins og nú er farið að segja.“ - JGK.
Háskólatónleikar
í dag
■ Á fjórðu Háskólatónleikunum scm
haldnir eru á þessu misscri koma fram
þeir Hafstcinn Guömundsson, fagott-
leikari, og Jónas Ingimundarson, pí-
anóleikari. Þeir flytja verk eftir Frakk-
ana Gabriel Pierné og Camille Saint
Saéns og ísraelska nútímatónskáldið
Poul Ben-Haim.
Tónleikarnir verða í Norræna hús-
inu í dag kl. 12.30 og standa í um
hálftíma. Tvennir Háskólatónleikar
eru eftir fyrir jól. -JGK.
Landvernd:
Stækka þarf
Þjóðgarðinn
■ Brýnt er að þjóðgarðurinn á Þing-
völlum verði stækkaður og sett vcrði
löggjöf um vcrndun þingvallasvæðis-
ins“ segir á ályktun frá aðalfundi
Landverndar og bent er á hliðstæð lög
um verndun Mývatns og Laxár. Þá
telur fundurinn sjálfsagt að þjóðgarð-
urinn falli undir náttúruverndarlög og
verði undir sömu stjórn og aðrir þjóð-
garðar landsins, undir stjóm Náttúru-
vcrndarráðs. Þá telur aðalfundurinn
að vinna verði að alhliða verndun
landnáms Ingólfs, tryggja víðfeðm úti-
vistarsvæði, halda göngulciðum
opnum, koma í veg fyrir skipulagslítið
efnisnám og akstur utan vega, stöðva
gróðurcyðingu, skipuleggja hóflega
nýtingu og huga vel að þróun byggðar
á svæðinu. - BK.