Hamar - 04.10.1953, Blaðsíða 1
Forseti Islands og frú hans
í opinberri heimsókn í
Hafnarfirði
Sunnudaginn 27. sept. s. 1. koinu forseti íslands hr. Asgeir
Ásgeirsson og forsetafrú Dóra Þórhallsdóttir í opinbera heimsókn
til Hafnarfjarðar. Fór bæjarstjórn Hafnarfjarðar á móti forseta-
lijónunum inn að Álftanesvegamótum og fylgdu þeim til bæjarins.
Forsetahjónin í Hellisgerði.
Bæjarútgerð Haínarfjarðar kaupir
togarann Elliðaey. - Kaupverðið
er 5,3 milljónir krðna.
Á aukafundi bæjarstjórnar Hafnarfjarðar, sem
haldinn var kl. 1.30 s. 1. föstudag, voru samþykkt-
ir bráðabirgðasamningar þeir, sem gerðir voru
fyrir nokkru um kaup á togaranum Elliðaey.
Kaupverðið er kr. 5,5 milljónir, en frá því dragast
kr. 200 þúsund, sem Bæjarútgerð Vestmannaeyja
tekur þátt í standsetningu skipsins.
Raunverulegt kaupverð skipsins, í því ástandi,
sem það nú er í, er því kr. 5,3 millj.
Móttakan í Hellisgerði.
Hellisgerði var valið til að
taka á móti forsetahjónunum og
fór fólk að safnast þar saman
nokkru fyrir kl. 3. Veður var
lúð ákjósanlegasta. Laust eftir
kí. 3 komu forsetahjónin í fylgd
með bæjarstjórn Hafnarfjarðar,
bæjarfógeta og móttökunefnd.
Skátar og íþróttafélögin stóðu
heiðursvörð með íslenzka fána
og félagsfána við Hellisgötuna
og í Hellisgerði, þar sem forseta-
hjónin fóru um. Þegar þau
gengu í Gerðið, færði lítil telpa
forforsetafrúnni blóm og Lúðra-
sveit Hafnarfjarðar lék: „Þú
hýri Hafnarfjörður“. Þá flutti
bæjarstjórinn, Helgi Hannes-
son, ræðu og bauð forsetahjón-
in velkomin. Lúðrasveit Hafnar-
fjarðar lék. Forseti Islands, hr.
Ásgeir Ásgeirsson, flutti ræðu
og minntis Hafnarfjarðar og
hafnfirzks athafnalífs, að því
loknu söng karlakórinn Þrestir
nokkur lög undir stjórn séra
Garðars Þorsteinssonar.
Gerðið skoðað.
Eftir móttökuathöfnina skoð-
uðu forsetahjónin Hellisgerði
undir leiðsögn Ingvars Gunnars-
sonar garðvarðar og Kristins
J Magnússonar form. Magna.
Að því loknu ávarpaði form.
Magna, Kristinn J. Magnússon,
rorstahjónin og færði þeim að
giöf litaða ljósmynd úr Hellis-
gerði. Forseti þakkaði gjöfina og
minntist Magna með nokkrum
orðum. Á meðan forsetahjónin
dvöldu í Gerðinu, lék Lúðrasveit
Hafnarfjarðar undir stjórn
Albert Klahn, ættjarðarlög og
að lokum lék hún þjóðsönginn.
Stofnanir skoðaðar.
Eftir athöfnina í Hellisgerði
heimsóttu forsetahjónin vistfólk
á Elliheimilinu síðan skoðuðu
þau Raftækjaverksmiðjuna h.f.,
heimsóttu Flensborgarskólann
og skoðuðu fiskimjölsverksmiðj-
una Lýsi & Mjöl h.f. Voru
sömu aðilar og áður í fylgd með
forsetahjónunum.
Móttaka í Alþýðuhúsinu.
Að síðustu var móttaka í Al-
þýðuhúsinu og dvöldust forseta-
hjónin þar um hríð. Kom þar all
margt manna og þá veitingar í
boði bæjarstjórnar. Þar hélt for-
seti ræðu og þakkaði góðar mót-
tökur, en forseti bæjarstjórnar
þakkaði forsetahjónunum fyrir
komuna. Síðan héldu forseta-
hjónin heimleiðis og fylgdi bæj-
arstjórn, og fleira fólk, þeim út
fyrir bæjarmörk Hafnarfjarðar.
Eins og áður er sagt var veður
hið bezta og var margt fólk við-
statt móttökuna í Hellisgerði.
Haustmarkaður
Sjálfstæðisiél.
Eins og að undanförnu
efna Sjálfstæðisfélögin til
haustmarkaðar og verður
hann sunnudaginn 11. októ-
ber n. k.
Markað þennan halda Sjálf
stæðisfélögin til fjáröflunar
fyrir starfsemi sína, því eins
og gefur að skilja þarf nokk-
urt fé til að halda uppi öflugu
og þróttmiklu flokksstarfi.
Þetta er Sjálfstæðisfólki ljóst,
enda hefur þátttaka þess ver-
ið vaxandi í því að efla sem
mest hinn árlega Haustmark-
að Sjálfstæðisfélaganna.
Allt Sjálfstæðisfólk er því
beðið að leggja eitthvað af
mörkum á einn eða annan
hátt til þess, að markaðurinn
á sunnudaginn kemur megi
verða sem öflugastur.
Innið að endurbótum
á vatnsveitunni
Rörin til að framlengja vatns-
veituleiðsluna frá stíflunni að
uppsprettulindunum komu fyrir
nokkru og hefur að undanförnu
verið unnið að því að grafa fyr-
ir þeim og leggja þau. Var
byggð þró um aðaluppsprettu-
æðina og mun nú vera lokið að
tengja rörin. Vegna þessarar
vinnu hefur vatnið í vatnsveit-
unni stundum verið mjög
óhreint undanfarna daga.
Með þeirri endurbót, sem nú
hefur verið gerð á vatnsveitunni
á það að vera tryggt, að vatnið
verði ávallt hreint og gott þó
að regn og hvassviðri geri.
Sundhöllin tokuð
Sundhöll Hafnarfjarðar verð-
ui- lokuð frá hádegi sunnudag-
inn 4. þ. m. og verður ekki opn-
uð aftur fyrr en á föstudaginn
9. þ. m. Lokun þessi stafar af
því að verið er að hreinsa laug-
ina.
Unnið að samningum.
Að undanförnu hafa staðið yf-
ir Samningar á milli Bæjarút-
gerðar Hafnarfjarðar og Bæjar-
útgerðar Vestmannaeyja, um
sölu á togaranum Elliðaey til
Bæjarútgerðar Hafnarfjarðar.
Var gengið frá bráðabirgða-
samningi í því efni 20. sept. s. 1.
í Vestmannaeyjum og mættu þar
fyrir hönd Bæjarútgerðar Hafn-
arfjarðar þeir Stefán Jónsson,
Ásgeir G. Stefánsson og Gunn-
laugur Guðmundsson, einnig
var Guðmundur Gissurarson
með í förinni.
Vestmannaeyingar höfðu for-
kaupsrétt.
Vestmannaeyingar höfðu rétt
til að ganga inn á samninga
þá, sem gerðfc- voru til 1. okt.,
en skipið var flutt til Reykja-
víkur til botnskoðunar.
"Þar sem Vestmannaeyingar
höfðu ekki neytt forkaupsrétt-
ar síns fyrir tilskilinn tíma, var
ekki annað eftir en að ganga
frá kaupunum á áðurgerðum
samningsgrundvelli og var því
haldinn fundur í bæjarstjórn
Hafnarfjarðar, þar sem ein-
róma var samþykkt að togar-
inn skyldi keyptur og var jafn-
framt samþykkt heimild til
handa bæjarstjóra að undir-
rita samningana.
Þarf mikla viðgerð.
Eins og áður er sagt, er tog-
arinn keyptur í því ástandi, sem
hann er nú í og þarf talsvert mik
ið að gera við hann og það
nokkru meira en sem muni
nema þeim kr. 200 þús., sem
Bæjarútgerð Vestmannaeyja tek
ur þátt í standsetningarkostnaði.
Það má því búast við að skipið
fari yfir 5,5 millj. kr., þegar það
verður tilbúið til veiða.
l'ekið við skuldum.
Við þessi togarakaup er
mjög lítil útborgun eða um ]A
milljón kr. og ætlar Utvegs-
bankinn að lána Bæjarútgerð-
(Frarnhald á bls. 4)
Þessi mynd var tekin af togaranum Elliðaeij, þegar liann kom
til Vestmannaeijja í september 1947. Bæjarútgerð Hafnarfjarðar
hefur nú keijpt skipið.