Morgunblaðið - 30.08.2012, Blaðsíða 1

Í LONDON
Sindri Sverrisson
sindris@mbl.is
Ólympíumót fatlaðra er komið aftur
á sinn heimavöll hér í Bretlandi. Það
var fyrir 64 árum sem hreyfihaml-
aðir hermenn úr seinni heimsstyrj-
öldinni kepptu fyrst sín á milli í bæn-
um Stoke Mandeville á móti sem
síðar varð Ólympíumót fatlaðra.
Maður greinir það á öllu umtali,
stemningu og væntingum reynslu-
mikilla ólympíufara að þetta stefnir í
að verða glæsilegasta mótið til
þessa. Stórkostleg setningar-
athöfnin á Ólympíuleikvanginum í
gærkvöld gefur sannarlega góð fyr-
irheit. Þar voru vísindin höfð sem
meginþema, enda geta Bretar státað
af mörgum þekktustu vísindamönn-
um sögunnar sem gert hafa okkur
íbúum jarðar lífið betra.
Ljúfa Anna sér um sína
Maður ferðast ekki langan spöl
hér í London án þess að verða var
við að mótið sé að hefjast, eða reynd-
ar hafið ef þú, lesandi góður, ert ekki
þeim mun meiri morgunhani. Bretar
eru staðráðnir í að standa sig ekki
síður vel nú en á Ólympíuleikunum.
Hér verður ekki þverfótað fyrir
sjálfboðaliðum sem eru boðnir og
búnir til að aðstoða með hvað sem
er. Ljúfa Anna sá til dæmis um að
tengja mig netinu til að senda þenn-
an pistil og á þakkir skildar.
Það er kannski bara rugl í mér en
ég gæti trúað að rigningarsuddinn
sem verið hefur hér í London henti
ágætlega fyrir frjálsíþróttafólkið
okkar. Þetta eru svolítið „íslenskar“
aðstæður, þó að umfangið allt sé hér
aðeins meira en á Laugardalsvelli.
Áhrifin af þessu eru minni inni í
sundhöllinni. Reyndar stytti upp í
þann mund sem setningarathöfnin
hófst í gærkvöldi, svo jafnvel veð-
urguðirnir vilja gera sitt til að bjóða
heiminn velkominn til London.
Íslenski hópurinn þrammaði inn á
leikvanginn í gær undir styrkri for-
ystu fánaberans Helga Sveinssonar í
mögnuðu andrúmslofti. Helgi er
kannski á vissan hátt „pabbinn“ í
hópnum, enda meira en tvöfalt eldri
en þær Matthildur Ylfa Þorsteins-
dóttir og Kolbrún Alda Stef-
ánsdóttir sem eru aðeins 15 ára. Jón
Margeir Sverrisson er svo aðeins 19.
Þetta er fyrsta ólympíumót þeirra
allra og spennan hlýtur að vera orð-
in óbærileg. Þau hefja öll keppni á
morgun. Matthildur ríður á vaðið kl.
09:08 í langstökki, Jón Margeir
keppir í 100 m baksundi kl. 10:07 og
Kolbrún í sömu grein kl. 10:18. Helgi
keppir svo í langstökki kl. 18:20. Ég
lofa ykkur því að þau eru klár í slag-
inn.
Snúið aftur til upprunans
 Ólympíumót fatlaðra er á heimavelli í Bretlandi  Glæsileg setningarathöfn
í gærkvöldi  „Pabbinn“ leiddi íslenska hópinn  Veðurfarið minnir á Frón
Ljósmynd/Sverrir Gíslason
Setningin Íslenski ólympíuhópurinn gengur hér inn á ólympíuleikvanginn í London í gær þar sem fram fór glæsileg setningarathöfn.
FIMMTUDAGUR 30. ÁGÚST 2012
íþróttir
Fótbolti Tryggvi Guðmundsson hefur ekki spilað með Eyjamönnum í einn mánuð. Er far-
inn að iða í skinninu að komast aftur út á völlinn. Ætlar að halda áfram í boltanum. 2
Íþróttir
mbl.is
Bikarmeistarar
Hauka í hand-
knattleik hafa
náð samkomu-
lagi við forráða-
menn Mojkovac
frá Svartfjalla-
landi um að báðir
leikir liðanna í 1.
umferð EHF-
keppninnar í
handknattleik
verði spilaðir hér á landi.
Leikirnir fara fram á Ásvöllum
14. og 15. september. Sigurliðið úr
þessum leikjum etur kappi við lið
Zaporoshye frá Úkraínu og þar
verður við ramman reip að draga
enda úkraínska liðið afar sterkt og
hefur oft leikið í riðlakeppni Meist-
aradeildarinnar. gummih@mbl.is
Haukar spila
báða Evrópu-
leikina heima
Aron
Kristjánsson
Carolina Kluft,
fyrrverandi
heims- og ólymp-
íumeistari í sjö-
þraut, hefur
ákveðið að láta
staðar numið og
hætta keppni.
Þessi sænska af-
rekskona hefur
keppt í lang-
stökki undan-
farið en hún var illviðráðanleg í sjö-
þrautinni þegar hún hætti í þeirri
grein árið 2007 og sneri sér að
langstökkinu með minni árangri.
Kluft er einungis 29 ára gömul en
missti af Ólympíuleikunum í Lond-
on vegna meiðsla. kris@mbl.is
Orðið gott
hjá Kluft
Carolina
Kluft
Real Madrid
vann í gærkvöldi
fyrsta bikar
tímabilsins á
Spáni þegar liðið
hafði betur gegn
erkifjendum sín-
um í Barcelona,
2:1, í seinni leik
liðanna í
spænska ofurbik-
arnum. Barce-
lona vann fyrri leikinn, 3:2, og hafði
Real því betur á fleiri mörkum
skoruðum á útivelli.
Gonzalo Higuaín og Cristiano Ro-
naldo skoruðu mörk Real á fyrstu
tuttugu mínútum leiksins í gær en
Lionel Messi minnkaði muninn fyrir
Börsunga beint úr aukaspyrnu.
Bakvörðurinn Adriano lét reka
sig af velli á 28. mínútu og lék
Barcelona því manni færra síðasta
klukkutíma leiksins. tomas@mbl.is
Fyrsti bikar-
inn til Real
Cristiano
Ronaldo