Dagur - 05.09.1992, Blaðsíða 3

Laugardagur 5. september 1992 - DAGUR - 3
Fréttir
Hagræðingarsjóður:
Sveitarfélögin fá svör á mánudag
Stjóm Hagræðingarsjóðs tekur,
á fundi sínum á mánudag,
afstöðu til umsókna 23 sveitar-
félaga um úthlutun fiskveiði-
heimilda úr sjóðnum. AIIs hef-
ur Hagræðingarsjóður 3000
tonn til skipta milli sveitarfé-
laga en heildarkvóti sjóðsins er
12.000 tonn. Ef saman eru
taldar beiðnir sveitarfélaganna
óska þau eftir 10.000 tonnum
þannig að augljóslega fá marg-
ir minna en þeir vildu.
Umsóknir sveitarfélaganna
voru teknar fyrir á stjórnarfundi í
Hagræðingarsjóði í vikunni.
Ákveðið var að fresta því að taka
afstöðu og nota tímann til að
skoða betur hvernig túlka skuli
þær reglur sem settar eru fyrir
úthlutun til sveitarélaga. Að sögn
Hinriks Greipssonar, starfs-
manns Hagræðingarsjóðs, hefði
stjórn sjóðsins strax getað útilok-
að all mörg sveitarfélaganna þar
sem þau uppfylli greinilega ekki
skilmálana.
í reglugerðinni um úthlutun úr
Hagræðingarsjóði segir að skil-
yrði fyrir aðstoð sjóðsins til sveit-
arfélaga sé að sala fiskiskips eða
-skipa hafi valdið slíkum straum-
hvörfum í atvinnumálum við-
komandi byggðarlags að fyrir-
sjáanleg sé veruleg fækkun starfa
heimamanna í útgerð og fisk-
vinnslu á atvinnusóknarsvæði
byggðarlagsins. Jafnfram sé það
skilyrði að fyrirsjáanlegt sé að
ekki séu í boði önnur störf á við-
komandi atvinnusóknarsvæði og
byggðaröskun af þeim sökum
yfirvofandi.
„Þetta eru menn að fá nánari
útlistanir á hvernig beri að túlka.
En ég held að menn séu að líta til
skamms tíma, þ.e. ekki skoða
þróunina hjá sveitarfélögunum
mjög langt aftur í tímann," sagði
Hinrik. JÓH
Kirkjan að Kvíabekk 100 ára:
Hátíðarmessa á sunnudag
- að viðstöddum vígslubiskupi
Kirkjan að Kvíabekk í Ólafs-
firði er 100 ára á þessu ári og í
tilefni þess verður hátíðar-
messa í kirkjunni á sunnudag
þar sem vígslubiskupinn, sr.
Bolli Gústavsson, mun predika
og einnig verður boðið upp á
fjölbreytta tónlist í messunni.
Að lokinni messu verður
kirkjugestum boðið til kaffi-
drykkju.
Kvíabekkjarkirkja var byggð
1889 en fauk skömmu eftir ára-
mótin 1892 en var endurbyggð á
því ári. Á þessu aldartímabili
hafa í tvígang farið fram nokkr-
ar endurbætur á kirkjunni en hún
þarf nú mikilla endurbóta við.
Kirkjan er ekki sérstök safnaðar-
kirkja heldur önnur af tveimur
safnaðarkirkjum Ólafsfjarðar-
sóknar en síðustu fjögur árin hef-
ur söfnuðurinn í Ólafsfirði staðið
í miklum stórræðum. Á 75 ára
afmæli Ólafsfjarðarkirkju í fyrra
var teiknuð ný kirkja, tekið hefur
verið í notkun nýtt safnaðar-
heimili og nýtt pípuorgel.
Nýrri kirkju í Ólafsfirði hefur
enn ekki verið valinn staður, en
sóknarpresturinn, sr. Svavar A.
Jónsson, segir að óskastaðsetning
sé á núverandi vegi að sundlaug-
inni. Bæjartjörnin yrði þá stækk-
uð í suður í átt að kirkjunni og
hún yrði þá umflotin vatni á tvo
vegu. Staðsetning kirkju er hins
vegar mjög viðkvæmt mál eins og
reynslan hefur sýnt bæði á ísa-
firði og við Víghól í Kópavogi.
Sr. Svavar segir að brottfluttir
Ólafsfirðingar séu mjög fúsir til
að tjá sig um málið þótt það
brenni síst á þeim. GG
Endurnýjun mjólkurtanka í Eyjafirði:
Förum okkur hægt og öflum
upplýsinga frá framleiðendum
- segir Ólafur Jónsson, dýralæknir hjá Mjólkursamlagi KEA
„Við höfum skrifað fram-
leiðendum tanka víðsvegar og
umboðsaðilar hér á landi hafa
komið norður og átt fund með
okkur og fulltrúum bænda.
Tímamörkin eru um áramótin
1995-1996, en eftir það verður
bannað að nota freonefnið R-
12, sem er í kælikerfum flestra
mjólkurtanka hér,“ sagði
Ólafur Jónsson, dýralæknir
hjá Mjólkursamlagi KEA.
„í um helmingi mjólkurtanka,
sem eru bandarískir, er ílátið
sjálft mjög gott og það þolir þann
þrýsting sem R-22 er keyrt á. í
þessum tönkum komum við því
líklega til með að skipta um kæli-
eininguna, en hinn helming tank-
anna, sem eru sænskir, verðum
við að endurnýja. Síðarnefndu
tankarnir eru í flestum tilfellum
hjá minni mjólkurframleiðend-
um,“ sagði Ólafur.
Vegna þess að ekki væri búið
að leita tilboða frá framleiðend-
um mjólkurtankanna sagðist
Ólafur ekki geta sagt til um hve
mikil fjárfesting yrði hjá hverj-
um mjólkurframleiðanda, en
skjóta mætti á 5-700 þúsund
krónur. „Ég veit til þess að í
Flóanum hafa menn verið að
skipta út mjólkurtönkum, en við
viljum fara okkur hægar í þessu
og kynna okkur markaðinn
betur. Við eigum jafnvel von á full-
trúum fleiri framleiðenda á næst-
unni,“ sagði Ólafur.
Hann lét þess getið að mjólk-
Félagsstofnun stúdenta á Akureyri:
Þriðju stúdenta-
garðarnir boðnir út
- verklok ákveðin 10. ágúst 1993
Óskað hefur verið eftir tilboð-
um í byggingu stúdentagarða
við Klettastíg en það verður
þriðja húsið sem Félagsstofnun
stúdenta á Akureyri byggir til
þeirra nota.
Húsið verður samtals um 450
fermetrar - þar af verður hluti
þess á tveimur hæðum - auk frí-
standandi hjóla- og sorpgeymslu.
Þak hússins verður pappalagt og
húsið einangrað að utan.
Frá og með nk. mánudegi
verða útboðsgögn seld á Verk-
fræðistofu Norðurlands hf. en
þau verða síðan opnuð á hádegi
þriðjudaginn 15. september nk.
Verklok eru ákveðin þann 10.
ágúst 1993. GT
urtankar á samlagssvæði Mjólk-
ursamlags KEA væru komnir til
ára sinna og því væru töluvert
tíðar bilanir í þeim. Þó svo að
bann við notkun freonefnisins R-
12 hefði ekki komið til, þá hefðu
bændur hvort sem er þurft að
fara að huga að endurnýjun
mjólkurtankanna. óþh
Ferðakaupstefna
Vestur-Norðurlanda
haldin á Akureyri 23.-26. september 1992
Ferðakaupstefna Vestur-Norðurlanda verður
haldin á Akureyri dagana 23.-26. september
nœstkomandi. Gert er ráð fyrir að um 200 ferða-
heildsalar frá 25 þjóðlöndum komi á kaupstefn-
una og að um það bil 130 aðilar í ferða-
þjónustu frá íslandi, Fœreyjum og Grœnlandi
verði þar með sýningarbása og kynni ferða-
möguleika í hverju landi fyrir sig.
Athygli auglýsenda er vakin á því að Dagur
verður með veglegt aukablað tileinkað kaup-
stefnunni. Blaðið verður prentað í stóru upplagi
og mun m.a. liggja frammi á kaupstefnunni.
Útgáfudagur er 23. september nk.
Þeir sem hafa áhuga á að auglýsa í blaðinu eru
hvattirtil að hafa samband við auglýsingadeild
hið fyrsta og eigi síðar en miðvikudaginn 16.
september nk.
Strandgötu 31 • 600 Akureyri
Sími 24222 • Fax 27639
KYNNING
Um helgina kynnnm við starfsemi
Tölvufræðslunnar á komandi
mánuðum t. d.:
Skrifstofiitækni og bókhaldsnámskeið
ásamt fjölda annarra námskeiða.
Opið hús 4., 5. og 6. september
Komið við hjá okkur á Furuvöllum 5 eða
hringið í síma 27899.
Greiðslukjör við allra hæfi.
Vísa-Eurocard
Nám hjá okkur er
„náiii sein nýtisU
1 fyrsta siim á íslandi:
Kynning á WordPerfect fyrir Windows á

íslensku (sjá Sjónvarpsdagslerá).
Tölvufræðslan Akureycl
Furuvöllum 5, Akureyri, sími 27899.
24 MYNDA FILMA FYLGIR
HVERRI FRAMKÖLLUN

24 mynda filma er innifalin i verðinu.

GERIÐ VERÐSAMANBURÐ
REGNBOGA
FRAMKÖLLUN
Óskum eftir
filmumóttökustöðum
utan Akureyrar.
Uppl. í síma 96-27422
Nýja Filmuhúsið,
Hafnarstræti 106, Akurjeyri. Sími: 27422.
Filmumóttökustaðir: Esso-nesti Tryggvabraut, Veganesti v/Hörgárbraut, KEA
Byggðavegi 98, Brynja Aðalstræti 3, Radíóvinnustofan Kaupangi, Esja Norðurgötu 8,
Rafland Sunnuhlíð, Síða Kjalarsíðu 1, Sæland Móasíðu 1.
KEA verslun Ólafsfirði. Sólrún, verslun, Öldugötu 18 Árskógssandi.