Morgunblaðið - 14.03.2001, Blaðsíða 20

LANDIÐ
20 MIÐVIKUDAGUR 14. MARS 2001 MORGUNBLAÐIÐ
al annars að það væri þeim dætrum
Ríkharðs og sonarbörnum mikil
ánægja að færa Kolbeinsstaða- og
Fáskrúðarbakkasóknum brjóst-
myndina af séra Árna Þórarinssyni.
Faðir þeirra tók stundum aukaaf-
steypu af þeim myndum sem hann
mótaði og þeim var komið fyrir á
vinnustofu hans á Grundarstígnum.
Þessar myndir urðu síðar grunn-
urinn að Ríkharðssafni á Djúpavogi.
Auðvitað varð mynd séra Árna
ein þeirra sem fengu sinn sess á
vinnustofunni. Hvort tveggja var að
fyrirmyndin var sérstakur persónu-
leiki auk þess sem séra Árni var
stórvinur föður hennar. Séra Árni
og Ríkharður áttu margt sameig-
inlegt, ekki síst mikla frásagn-
Eyja- og Miklaholtshreppi - Sam-
koma var í Laugagerðisskóla á Snæ-
fellsnesi 3. mars sl. í tilefni þess að
afkomendur Ríkharðs Jónssonar,
myndhöggvara, afhentu íbúum í
Kolbeinsstaða- og Fáskrúðs-
bakkasókn brjóstmynd af sr. Árna
Þórarinssyni.
Samkoman hófst á því að sókn-
arpresturinn, séra Guðjón Skarp-
héðinsson, bauð fólk velkomið og
kynnti það sem fram ætti að fara.
Fyrst kynnti Daníel Hansen kennari
það sem nemendur skólans höfðu
unnið vikuna áður, en þá voru
þemadagar um séra Árna Þór-
arinsson. Nemendur höfðu kynnt
sér ævisögu hans sem Þórbergur
Þórðarson ritaði og er með þekkt-
ustu ævisögum sem ritaðar hafa
verið. Þeir gerðu veggspjöld með
textum og myndum, m.a. um ævifer-
il sr. Árna, um börn hans, þá staði
sem hann bjó á, hvaða breytingar
hafa orðið á mannfjölda og búsetu
frá því að sr. Árni þjónaði sem
prestur hér þar til í dag, einnig
breytingar á búfjárfjölda. Þá
kynntu þau sér göngu- og reiðleiðir
á svæðinu, sem notaðar voru áður
en bílvegir voru gerðir og gerðu
veggspjöld þar sem sýndar eru
tengingar núverandi nemenda skól-
ans við sögupersónur. Allnokkrar
skondnar sögur úr bókinni voru
skrifaðar upp og myndskreyttar.
Frá Þjóðminjasafninu voru fengin
að láni leikföng eins og þau sem
börn séra Árna léku sér með og sýn-
ishorn af fatnaði sem fólk notaði á
þeim tíma.
Þá afhjúpaði Ólöf dóttir Ríkharðs
Jónssonar listaverkið og sagði með-
argáfu og frásagnargleði. En Rík-
harður faðir hennar var líka góður
áheyrandi. Það leið varla sá dagur
að séra Árni kæmi ekki í heimsókn á
vinnustofu Ríkharðs og alltaf var
hann með nýja sögu. Aðrir á heim-
ilinu nutu auðvitað góðs af og þau
voru svo lánsöm að heyra margar
frumútgáfurnar af þeim sögum sem
Þórbergur skráði síðar og auðvitað
voru það bestu útgáfurnar.
Það mun hafa verið árið 1934 að
séra Árna-fólkið flutti á Grund-
arstíginn, í bakhús sem nefnt var
Sílóam og var upphaflega bænhús.
Ríkharðsfólkið bjó í fremra húsinu.
Örstutt er á milli húsanna og mynd-
aðist fljótlega mikil vinátta milli
íbúa þeirra. Ríkharður sagði síðar
að það hefði verið mikill ham-
ingjudagur þegar séra Árna-fólkið
flutti í bakhúsið. Ólöf sagði það vera
von þeirra að brjóstmynd séra Árna
megi stuðla að því að viðhalda minn-
ingu þessa sérstæða manns.
Þá tók til máls séra Árni Pálsson,
dóttursonur séra Árna Þórarins-
sonar. Hann vígðist til Söðuls-
holtsprestakalls 75 árum á eftir afa
sínum og var hér prestur um árabil.
Hann rakti ævi afa síns, uppruna
hans og sagði margar bráðskemmti-
legar sögur af tilsvörum hans og
samskiptum við Snæfellinga. Séra
Árni var Hreppamaður og bar alla
ævi Hreppamenn og Snæfellinga
saman eins og svo víða kemur fram í
ævisögu hans. Sumt af þessum sam-
anburði líkaði Snæfellingum ekki
þótt þeim líkaði vel við séra Árna
eins og þeir sýndu honum á stór-
afmælum hans.
Er séra Árni Þórarinsson enn í
dag umtalaður og virtur af þeim
sem til hans þekkja enda þjónaði
hann hér á Snæfellsnesi í hartnær
hálfa öld. Ævisaga hans hefur gert
hann ódauðlegan, auk þess sem hún
er fjársjóður að því leyti að í henni
má finna mikinn fróðleik um menn
og málefni á svæðinu því í henni er
að finna margar nákvæmar lýsingar
af störfum fólks á þessum tíma og
ennfremur lýsingar á mönnum sem
hvergi eru annars staðar til. Lauk
séra Árni Pálsson máli sínu á því að
þakka Ríkharðs-fólkinu þann hlý-
hug að færa afa sinn aftur vestur á
Snæfellsnes og halda þannig nafni
hans á lofti.
Reynir Ingibjartsson frá Hraun-
holtum í Kolbeinsstaðahreppi
kvaddi sér hljóðs og skýrði frá því
að hann gæfi sóknunum kort af
svæðinu þar sem bæir og örnefni
eru merkt inn á auk mynda úr lífi og
starfi séra Árna Þórarinssonar.
Kortið er staðsett undir brjóstmynd-
inni af séra Árna. Reynir er líklega
sá maður sem þekkir þetta svæði
best allra, hefur um árabil notað
sumrin til að ganga um svæðið og
taka myndir af því auk þess sem
hann hefur safnað saman þjóðsög-
um, munnmælasögum og öðru efni
um svæðið. Mikill fengur er að þessu
korti bæði fyrir íbúa sveitanna,
nemendur skólans auk þeirra gesta
sem gista Hótel Eldborg á sumrin.
Í lokin ávarpaði Ólafur Guð-
mundsson í Hrossholti, formaður
sóknarnefndar Fáskrúðarbakka-
sóknar, fólk og þakkaði fyrir þessar
höfðinglegu gjafir og bauð fólki til
kaffisamsætis í boði beggja sókn-
anna. Á milli atriða söng kirkjukór
sóknanna undir stjórn Zsuzsana
Budai.
Afkomendur Árna Þórarinssonar. F.v.: Þórólfur Árnason, sr. Árni Páls-
son og systurnar Sigurbjörg, Anna María og Ingibjörg Einarsdætur.
Ríkharður Másson, sr. Árni Pálsson, Ólöf og Ásdís Ríkharðsdætur.
Gáfu brjóstmynd
af sr. Árna
Þórarinssyni
Morgunblaðið/Daníel Hansen
Brjóstmyndin af séra Árna Þór-
arinssyni sem var færð að gjöf.
Vorfagnað-
ur karla-
kórsins
Hreims
Laxamýri - Hinn árlegi vorfagnaður
karlakórsins Hreims verður haldinn
nk. laugardag og eins og alltaf er
dagskráin viðamikil.
Vorfagnaðurinn er orðinn fastur
liður í menningarlífi Þingeyinga og
mjög vinsæll, því venja er að hafa
þar þekkta söngvara og ýmsa aðra
sem kunnir eru í tónlistarlífi lands-
manna. Gestir kvöldsins að þessu
sinni verða Álftagerðisbræður, sem
syngja við undirleik Stefáns R.
Gíslasonar, og Óskar Pétursson mun
syngja einsöng með Hreimi. Þá
munu feðginin Hannes Örn Blandon
og Sara dóttir hans flytja nokkur lög.
Hannes verður jafnframt veislu-
stjóri. Öflugt starf hefur verið hjá
Hreimi í vetur og hefur kórinn sung-
ið bæði á Norður- og Austurlandi.
Hápunktur vetrarstarfsins verður
svo tíu daga ferð til Sviss og Austur-
ríkis um miðjan apríl. Þar verður
sungið við kaþólska messu auk þess
sem haldnir verða nokkrir tónleikar.
Eiginkonur karlakórsmanna
munu að venju sjá um veisluhlaðborð
kvöldsins og að skemmtidagskrá
lokinni verður stiginn dans fram eft-
ir nóttu við undirleik hljómsveitar-
innar Kokkteils.
Stjórnandi Hreims til margra ára
er Robert Faulkner og undirleikari
Juliet Faulkner. Vegna mikillar að-
sóknar undanfarin ár verður forsala
aðgöngumiða í Húsasmiðjunni á
Húsavík dagana 14.–16. mars.
NÝTT veitinga- og ráðstefnuhús í
Vestmannaeyjum verður opnað í
lok apríl en húsið er byggt ofan á
vatnstank sem hefur að geyma
varabirgðir Eyjamanna sem annars
fá allt sitt vatn með leiðslum ofan af
landi. Húsið, sem er rúmir 1.200
fermetrar að grunnfleti, stendur við
Strembugötu 13 og munu gestir
hafa útsýni yfir bæinn. Áætlaður
byggingakostnaður er um 120 til
150 milljónir króna.
Stofnað var hlutafélag um bygg-
ingu og rekstur hússins og eru þeir
Grímur Gíslason veitingamaður og
Sigmar Georgsson, sem áður átti og
rak verslunina Vöruval, stærstu
hluthafarnir.
„Ég er búinn að ganga með þessa
hugmynd lengi í maganum,“ sagði
Grímur. „Ég vissi að það þurfti að
gera við þakið á tankinum og því
sendi ég stjórn vatnsveitunnar bréf
þar sem ég spurði hvort hún væri
ekki tilbúin til að veita fé í hluta-
félag um byggingu hússins í stað
þess að gera við þakið og ég fékk
mjög fljótlega jákvætt svar við því.“
Húsið er byggt sem veitinga- og
ráðstefnuhús með aðstöðu fyrir
skemmtanahald. Grímur sagði að til
þess að nýta fjárfestinguna sem
best væri gert ráð fyrir að nota eld-
húsið, sem er um 200 fermetrar og
útbúið fullkomnum tækjum, undir
framleiðslu á tilbúnum réttum m.a.
fyrir Sláturfélag Suðurlands og
jafnvel Færeyjamarkað.
Sigmar sagði að fyrsta skóflu-
stungan að húsinu hefði verið tekin
3. maí á síðasta ári og er bygging-
artíminn því tæpt eitt ár. Hann
sagði að til þess uppfylla kröfur
Hollustuverndar hefði þurft að
byggja um 200 fermetra lagna-
brunn þar sem öll frárennsli væru
lögð ofan í og því ætti vatnið í tank-
inum undir húsinu ekki að geta
mengast.
Tekur 500 til 550 manns í mat
Grímur sagði að miklar vonir
væru bundnar við það að fyrirtæki
og samtök myndu nýta sér húsið
fyrir ráðstefnur og vinnufundi.
Hann sagði að Vestmannaeyjar
væru tilvalinn staður fyrir slíkt, því
þar gætu hóparnir verið saman all-
an tímann, menn væru ekki að
skreppa heim eftir fundi o.þ.h. líkt
og algengt væri þegar ráðstefnur
væru haldnar t.d. á höfuðborgar-
svæðinu.
„Hérna er líka mikil náttúrufeg-
urð. Norðurhliðin á húsinu er úr
gleri og því verður útsýni yfir allan
bæinn, yfir Heimaklett og Herjólfs-
dal.“
Að sögn Gríms getur húsið tekið
um 500 til 550 manns í mat, en ein-
göngu verður tekið á móti hópum.
Hann sagði að hægt yrði að skipta
salnum niður þannig að vel yrði
hægt að taka á móti minni hópum,
þá yrði um 200 fermetra setustofa
fyrir ofan eldhúsið þar sem einnig
yrði hægt að taka á móti hópum.
Hann sagði að eins og staðan væri í
dag gæti stærsti salurinn í Vest-
mannaeyjum, Kiwanis-salurinn,
tekið á móti um 140 manns í mat og
að það væri alltof lítið.
Nýtt 1.200 fermetra veitinga- og ráðstefnuhús opnað í Vestmannaeyjum
Byggt ofan á vatnstank bæjarins
Morgunblaðið/Sigurgeir
Gert er ráð fyrir að nýtt veitinga- og ráðstefnuhús verði tekið í notkun í lok apríl.