Íslendingaþættir Tímans - 24.11.1971, Blaðsíða 1
ISLENDINGAÞJETTIR
,_________________TÍWIANS
17. TBL. 4. ÁRG. MIÐVIKUDAGUR 24. NÓV. 1971 NR. 66
Jón Aðalsteinn Stefánsson
bóndi, Möðrudal
Nú er Jón í Möðrudal dáinn,
horfinn sjónum okkar úr heiðinni
háu, sem hann unni. Hann hvílir
nú í garðinum við litlu snotru
kirkjuna, sem hann reisti í Möðru-
dal með eigin höndum og eigið fé.
Honum fannst hann ekki geta un-
að því að skilja við Möðrudal án
þess að endurreisa Möðrudals-
kirkju, en þar hafði kirkja staðið
öldum saman allt fram á hans
daga. Með byggingu kirkjunnar
reisti Jón sér þann minnisvarða,
er lengi mun halda nafni hans á
lofti, enda var allt hans líf og
starf svo nátengt Möðdrudal, að
þar á hann heima lífs og liðinn.
Það mun nú vera nærri hálf öld
liðin frá því ég kom fyrsta sinni
f Möðrudal. Ég var þá í hópi nokk-
urra austfirzkra kaupfélags-
stjóra að koma af aðalfundi S.Í.S.
Varð mér dvöl okkar í Möðrudal
ógleymanleg, bæði vegna þeirrar
rausnar í móttökum, er við urðum
aðnjótandi, og þá eigi síður vegna
reisnar Möðrudalsbönda.
Árið 1940 varð ég kaupfélags-
stjóri á Vopnafirði. Það sumar fór
ég með nokkrum Vopnfirðingum í
skemmtiferð, og var förinni heitið
í Möðrudal. Sátum við þar í góð-
um fagnaði, sem ekki þarf að lýsa
fyrir þeim, er kynni hafa haft af
heimili Jóns í Möðrudal og hans
ágætu konu.
Það æxlaðist svo, að ég var gerð
ur að einhvers konar fararstjóra í
þessari ferð. Fannst mér að eigi
kæmi annað til greina, en að við
Vopnfirðingarnir greiddum fyrir