Fréttablaðið - 31.01.2006, Blaðsíða 8
31. janúar 2006 ÞRIÐJUDAGUR
C M Y CM MY CY CMY K
Má spara
þér sporin?
DÓMSMÁL „Það var ekki viljandi
gert,“ sagði Sigurður Freyr
Kristmundsson sem hefur játað
að hafa banað hinum tvítuga
Braga Halldórssyni með hnífi
að morgni menningarnætur 20.
ágúst í fyrra. Aðalmeðferð fyrir
Héraðsdómi Reykjavíkur fór
fram í gær. Vandamenn Sigurðar
fylgdust með réttarhöldunum en
enginn úr fjölskyldu hins látna.
Sigurður rak fjórtán senti-
metra langan flökunarhníf tólf
til þrettán sentimetra í gegnum
rúskinsjakka, skinn og brjósk
í hjartastað Braga. Hann var
úrskurðaður látinn á slysadeild
Landspítalans um klukkustund
eftir árásina. Læknir sem kom
á vettvang fann hvorki púls né
hjartslátt hjá Braga á meðan
lífgunartilraunir voru reyndar.
Hann lýsti því hvernig klút hefði
verið vafið um sár hans. Stungu-
sárið hefði blasað við þegar klút-
urinn var tekinn frá. Vessi, blóð
og loft vætlaði út um stungusár-
ið vinstra megin við bringubein.
Lögregla sagði Braga hafa legið
í blóðpolli og blóð hefði verið
upp um veggi og á sólgleraugum
Sigurðar. Braga blæddi út.
Atvikið varð í íbúð hjóna
við Hverfisgötu sem Sigurður
hafði haldið til í um nokkurra
daga skeið. Hann lýsti því þegar
hann sat við eldhúsborðið, ásamt
Braga og húsbóndanum. Klukk-
an hafi verið að ganga níu og
Bragi nýmættur. Sigurður hafi
verið að leita hans deginum áður
en ekki fundið. Hann hafi ekki
viljað honum neitt illt. Þeir hafi
verið að ræða saman við eldhús-
borðið þarna um morguninn en
hann muni ekki hvað þeir ræddu.
Hann hafi gripið hnífinn til að
leggja áherslu á orð sín. Þeir hafi
setið hlið við hlið en vísað hvor
að öðrum. Þeir hafi staðið snögg-
lega upp og hnífurinn þá stungist
í Braga.
Íbúinn og nágranni hans, sem
hafi verið að leita að bíllyklum í
ruslinu þegar atvikið varð, segja
báðir að Sigurður hafi staðið í
eldhúsinu en Bragi setið. Íbúinn
segist hafa séð leiftursnögga
hreyfingu Sigurðar og talið að
hann hafi barið Braga. Nágrann-
inn stóð fyrir aftan þá félaga og
sá ekki atvikið.
Húsmóðirin, sem var í svefn-
herbergi íbúðarinnar þegar árás-
in varð, sagði Sigurð hafa verið
mjög „nojaðan“ þessa daga eins
og hún orðaði það. Hann hafi talið
sig ofsóttan. Undir þá lýsingu
tók geðlæknir sem sagði Sigurð
hafa verið mjög uppstökkan fyrst
þegar þeir hittust en hafi síðar
reynst vænsti drengur þegar
lyfjamókið þvarr af honum.
Doktor í eiturefnafræði greindi
frá þeim lyfjum sem fundust í
blóði Sigurðar. Það voru aðallega
amfetamín og kókaín en verkja-
lyf fundust einnig. Sjálfur segir
Sigurður að hann hafi neytt eitur-
lyfja daglega á þessum tíma.
„Ég var búinn að vera á fyll-
eríi og var ruglaður af neyslu,“
sagði Sigurður fyrir réttinum.
„Bragi var yndislegur strákur og
ég vildi honum ekkert illt. Hann
var vinur minn. Ég var í annar-
legu ástandi. Búinn að vera meira
og minna vakandi í tvær vikur.
Útúrdópaður og útúrruglaður,“
vitnaði Sigurður.
Eftir banastunguna hljóp
Sigurður upp á Laugaveg. Íbú-
inn hringdi eftir hjálp. Sigurður
kveðst hafa verið í losti og hann
hafi ætlað að sækja hjálp en þegar
hann sneri til baka þá heyrði hann
í sírenum. Lögreglan handtók
Sigurð og færði í fangelsi þar sem
ekki var hægt að yfirheyra hann
vegna vímunnar fyrr en þremur
dögum eftir stunguna.
Finnskur réttarmeinafræð-
ingur sagði að töluvert átak hefði
þurft til stungunnar. Hann sagði
einnig að ekki hafi verið að sjá
að Bragi hafi verið á hreyfingu
þegar hann var stunginn. Hins
vegar sjáist á sárinu að hnífurinn
hafi verið á hreyfingu.
Sigurður, sem er 23 ára, er
ekki aðeins ákærður fyrir að
svipta Braga Halldórsson lífi,
heldur einnig fyrir innbrot í íbúð,
þar sem hann stal tölvubúnaði,
myndavél og sólgleraugum. Hann
hefur auk þess fimm sinnum
verið tekinn fyrir umferðarlaga-
brot.
Ákæruvaldið krefst sextán
ára fangelsisdóms auk þess að
Sigurður verði sviptur ökurétt-
indum. Verjandi Sigurðar krefst
vægustu refsingar sem lög leyfa,
vegna þess að stungan hafi verið
af gáleysi, en til vara að refsing
taki mið af því að um þokukennd-
an ásetning hafi verið að ræða.
Foreldrar Braga fara fram á
rúmar fimm milljónir í skaða-
bætur. Sigurður er ekki talinn
borgunarmaður fyrir þeim.
gag@frettabladid.is
Rak flökunarhníf
beint í hjartastað
Sigurður Freyr Kristmundsson kveðst hafa verið undir áhrifum fíkniefna þegar
hann banaði Braga Halldórssyni á menningarnótt í fyrra. Hann kveðst aldrei
hafa ætlað að bana Braga enda hafi þeir verið vinir.
SIGURÐUR FREYR FYRIR RÉTTI Sigurður Freyr sagði ítrekað fyrir réttinum að hann hefði aldrei ætlað sér að bana Braga Halldórssyni. Bragi
hefði verið yndislegur drengur og vinur hans. FRÉTTABLAÐIÐ/GVA
„Ég var í annarlegu ástandi.
Búinn að vera meira og minna
vakandi í tvær vikur. Útúrdóp-
aður og útúrruglaður,“
STJÓRNMÁL Frestur til að kæra
framkvæmd prófkjörs framsókn-
armanna rann út klukkan sex í
gærkvöld án þess að nokkur kæra
hefði borist.
Óskar Bergsson lagði fram
fyrirspurn um framkvæmd próf-
kjörsins til kjörstjórnar sem var
svarað samdægurs. Óskar segir
að sjálfsagt væri heppilegra að til
væru skýrari reglur um aðkomu
þeirra sem starfa við framkvæmd
kosninga, að kosningabaráttu ein-
stakra frambjóðenda. Þar á hann
við starfsmann sem hafði umsjón
með utankjörfundaratkvæðum og
aðstoðaði svo við framboð Björns
Inga Hrafnssonar. Engar slíkar
reglur liggja nú fyrir í flokknum.
Björn Ingi Hrafnsson telur
þetta mál vera storm í vatnsglasi
og vísar í ummæli Ragnars Þor-
geirssonar, formanns kjörstjórnar,
um að ekkert hafi verið athugavert
við framkvæmd prófkjörsins.
Ragnar Þorgeirsson segir ein-
faldar reglur hafa verið settar
strax í byrjun um að enginn fram-
bjóðandi mætti hafa fulltrúa við-
staddan utankjörfundaratkvæða-
greiðsluna. Hann telur ekki að sú
regla hafi verið brotin. - sdg
Á KJÖRDAG Björn Ingi Hrafnsson telur
gagnrýni á framkvæmd prófkjörsins vera
storm í vatnsglasi.
Engin kæra barst vegna framkvæmdar prófkjörs framsóknarmanna:
Skýrari reglur heppilegri