Tíminn - 15.08.1986, Blaðsíða 2

2 Tíminn
Föstudagur 15. ágúst 1986
Okurdómurinn í Reykjavík vekur athygli:
Sekt skilorðsbundin í
fyrsta sinn í sögunni
Sakadómur Reykjavíkur hefur nú
kveðið upp fyrsta dóminn í okurmál-
inu gegn þeim einstaklingum sem
lánuðu Hermann Björgvinssyni pen-
inga, eins og sagt var frá í Tímanum
í gær. Sú nýbreytni er við þennan
dóm, að rúmlega tveir þriðju sektar-
innar sem dæmd er, er skilorðsbund-
in, eða ein milljón af 1.400 þúsund-
um. Skilorðið er ekki skilgreint í
dóminum, svo um er að ræða hefð-
bundna skilgreiningu á skilorðs-
bundnum dómi eins og þeir hafa
hingað til verið dæmdir þegar mönn-
um hefur verið dæmd skilorðsbundin
refsivist.
Að sögn Péturs Guðgeirssonar
sakadómara, sem kvað upp dóminn
var stærsti hluti sektarinnar dæmd
skilorðsbundin til þriggja ára vegna
þess að það var talið harkalegt og
ósanngjarnt eins og á stæði að
dæma alla sektina til tafarlausrar
greiðslu. Kemur það fyrst og fremst
af því að Hermann Björgvinsson
sem þáði lán af dómfellda, lánaði
áfram peningana sem hann fékk frá
dómfellda og öðrum og hann er
ákærður fyrir umfangsmikla okur-
lánastarfsemi. Einnig er dómurinn á
þennan veg af þeim sökum að dóm-
felldi situr uppi með tékka frá Her-
manni sem er ríflega milljón að
fjárhæð sem dómurinn gengur út frá
að vonlaust sé að fáist greiddur.
Dómfelldi, Björn Pálsson, hefur
lýst því yfir að hann muni una
dóminum, en ríkissaksóknari hefur
ekki fengið dómsgerðir í málinu enn
sem komið er, og því er óljóst enn
hvort hann mun áfrýja til Hæstarétt-
ar.
„Ég veit ekki til þess að það sé
neins staðar gert ráð fyrir því í
lögum að hægt sé að hafa hluta af
sekt skilorðsbundna og hluta óskil-
orðsbundna, en það er ekki þar með
sagt að það sé óheimilt. Petta er hins
vegar fyrsta dæmi um slíkt í sög-
unni“, sagði Jónatan Þórmundsson
prófessor við lagadeild Háskóla
Islands, þegar Tíminn bar dóminn
undir hann. Jónatan kvaðst ekki
vera búinn að sjá dóminn og gæti því
lítið um hann sagt að svo komnu
máli. Aðspurður um það hvort hon-
um fyndist eðlilegt að dæma skil-
orðsbundið þann hluta sektarinnar
sem er í formi óútleysanlegs tékka
frá okurlánaranum, sagði Jónatan
að slíkt væri alltaf álitamál. „Það
væri spurning hvort hætti að leggja
upp úr slíkum hlutum þegar verið
væri að dæma í ólöglegum viðskipt-
um, og einkum að tengja það bein-
línis".
ABS
Heimsmeistara-
einvígið í skák:
Jafntefli í
7. skákinni
Anatoly Karpov og Garrí
Kasparov sættust á jafntefli í
sjöundu einvígisskákinni sem fór
í bið sl. miðvikudagskvöld. Rétt
áður en skákin átti að hcfjast bauð
Karpov jafntefli símleiðis sem
Kasparov þáði. Karpov var
skiptamun yfir í biðstöðunni en
Kasparov hafði tvö peð upp í og
færi gegn berskjölduðum kóngi
Karpovs. Þrátt fyrir jafnteflisúr-
slitin er skákin tvímælalaust sú
skemmtilegasta í einvíginu til
þessa. Staðan er enn jöfn,
3 '/2:3 V2. Áttunda skákin verður
tefld í dag og hefur Kasparov
hvítt. Biðleikur hans var 41. -
Kg7-98.
Áreksturinn var geysiharður eins og sést á BMW bílnum.
Tímamynd Finnbogi
Hólmavík:
Arekstur á
blindhæð
- tveir farþegar sendir með sjúkraflugi
Árekstur var rnilli Wagoneer
jeppa og BMW fólksbifreiðar á
blindhæð um kílómeter norðan við
Hólmavík á mánudaginn.
Tvær konur sem voru farþegar í
bílunum voru fluttar með sjúkra-
flugi til Reykjavíkur, önnur illa
fótbrotin og hin með höfuðáverka
og viðbeinsbrot. Þrír voru í Wagon-
eer jeppanum, ökumaður og farþegi
í framsæti sluppu nær órneidd, en
þau voru í öryggisbeltum. Farþegi í
aftursæti jeppans fótbrotnaði aftur á
móti og farþegi BMW bifreiðarinnar
fékk slæma höfuðáverka. Ökumað-
ur BMW bílsins fékk einnig höfuð-
högg en var ekki sendur til Reykja-
víkur heldur var hlynnt að honum á
heilsugæslustöðinni á Hólmavík.
Fólkið sem slasaðist var ekki í ör-
yggisbeltum. Meiðsl farþeganna sem
fluttir voru til Reykjavíkur á sjúkra-
hús eru ekki talin vera alvarleg.
Að sögn lögreglunnar á Hólmavík
varð annað slys skammt þar frá sem
þetta slys varð nú fyrir aðeins tæpum
hálfum mánuði síðan og þá urðu
meiri slys á fólki.
Sýning á Kjarvalsstöðum:
Reykjavík í 200 ár
Svipmyndir mannlífs og byggðar
„Reykjavík í 200 ár- svipmyndir
mannlífs og byggðar" er heiti mikill-
ar sýningar sem opnar á Kjarvals-
stöðum á laugardaginn kl. 18. Eins
og nafnið bendir til á sýningin að
gefa mynd af lífi og byggð í Reykja-
vík og er 200 ára afmæli borgarinnar
að sjálfsögðu tilefni sýningarinnar.
Á sýningunni kennir margra
grasa, sett hefur verið upp krambúð,
leiksýning verður þar á dagskrá og
Djúpivogur:
Merkidufl
gert óvirkt
Landhelgisgæslan gerði dufl óvirkt
austur við Djúpavog í gær. Um var
að ræða merkidufl frá flugvél sem
getur verið hættulegt ef farið er að
fikta við þau. Duflið rak á land fyrir
um viku síðan, en Gæslan fór í flug
til Austfjarða í dag og var þá duflið
gert óvirkt í leiðinni.
SBS
hlaðið hefur verið sandpokavirki
sem minna á hernám Breta hér á
landi. Þá gefst sýningargestum kost-
ur á að sjá í fyrsta sinn tillögu að
nýju aðalskipulagi Reykjavíkur, en
uppistaða sýningarinnar eru þó fjöldi
ljósmynda úr bæjarlífinu. „Það hafa
aldrei sést á einum stað jafnmargar
myndir úr Reykjavík" sagði Sigurð-
ur Tómasson, blaðafulltrúi sýningar-
innar.
Myndirnar eru yfir 600, aðallega
ljósmyndir, og þá þær elstu sem
teknar hafa verið í borginni, en
einnig málverk, litprentanir og skjöl,
frá fyrstu áratugum borgarinnar.
Á hverjum laugardegi og sunnu-
degi verða haldnir fyrirlestrar, alls
12 að tölu, og mun Áuður Auðuns,
fyrrverandi forseti borgarstjornar,
ráðherra og þingmaður ríða á vaðið
næsta sunnudag, með fyrirlestri sem
nefnist „í borgarstjórn fyrir 40
árum“. Verða aðrir fyrirlestrar ekki
síður áhugaverðir og mun Þórarinn
Þórarinsson, fyrrverandi ritstjóri,
t.d. flytja þar erindi um blaða-
mennsku.
Leikritið “Flensað í Malakoff"
verður sýnt fimmtudaga og föstu-
daga kl. 19.00 og laugardaga og
sunnudaga kl. 16.00. Leikritið gerist
á 19. öldinni og eru höfundar þess
Erlingur Gíslason, sem jafnframt
leikur í sýningunni og Brynja Bene-
diktsdóttir, sem er leikstjóri
verksins. Leikarar auk Erlings, eru
Saga Jónsdóttir, Edda Þórarinsdótt-
ir, Karl Ágúst Úlfsson, Grétar
Skúlason, Eyþór Arnalds, Benedikt
Erlingsson og Kristín Guðmunds-
dóttir. Þau fjögur síðastnefndu auk
Guðrúnar Högnadóttur, munu auk
þess veita gestum upplýsingar um
sýninguna og skemmta gestum með
hljóðfæraslætti, leik og söng. í leik-
sýningunni leika allir leikendur á
eigin hljóðfæri, og sagði Finnur
Torfi Magnússon, sem samið hefur
tónlist og útsett lög fyrir leikinn, að
sjaldgæft sé, að jafn færir og fjölhæf-
ir tónlistarmenn séu jafnframt allir
leikarar sýningarinnar.
Auk þess sem þegar hefur verið
nefnt, má þarna sjá gamlar slökkvi-
bifreiðir og lögreglumótorhjól,
hringsjámynd af Reykjavík, sem
Leifur Þorsteinsson ljósmyndari hef-
ur tekið, og fyrir utan aðalinngang
Kjarvalsstaða mætir sýningargestum
verkið Tvennir tímar, eftir fram-
kvæmdastjóra sýningarinnar, Magn-
ús Tómasson, og hlaðið af Tryggva
Hansen, torfskurðarmeistara.
Sýningin stendur til 28. september
og kostar aðgangur 100 kr. Ókeypis
er fyrir börn og eldri borgara.
phh
Krambúð óvissra tíma, mætti e.t.v. nefna krambúðina sem upp hefur verið
sett á Kjarvalsstöðum. Að mcginstofni gefur hún mynd af krambúð eins og
þær gerðust á árunum 1920-30, en glöggir menn munu fínna þær bæði eldri
og yngri hluti. Magnús Tómasson, teiknaði sviðsmyndina, en Margrét
Magnúsdóttir valdi hlutina. Margrét sá einnig um leiktjöld og búninga í
„Flensað í Malakoff“. (Timamynd: Sverrir)