Sjómannablaðið Víkingur - 01.02.2005, Blaðsíða 6
Úrslit í Ljósmyndakeppni sjómanna
Brimsigling Jóns Páls
hlaut 1. verðlaun
S
Urslit liggja fyrir í ljósmyndakeppni
sjómanna sem Víkingurinn efndi nú
til í þriðja sinn. Dómnefnd var skipuð
Árna Bjarnasyni forseta FFSÍ, Sæmundi
Guðvinssyni ritstjóra Víkings og Ragnari
Th. Sigurðssyni ljósmyndara. Formaður
dómnefndar, Hilmar Snorrason, tók ckki
þátt í að dæma myndirnar þar sem einn
þeirra er sendu inn tnyndir heyrir undir
hann í starfi. Samtals bárust 77 myndir og
voru nær allar tnyndirnar teknar á staf-
rænar myndavélar. Keppnin var jöfn og
hart barist um efstu sætin, enda voru
flestar myndanna hið mesta augnayndi og
ljóst að í hópi sjómanna eru tnargir frá-
bærir ljósmyndarar. Dótnnefndinni var
falið að velja myndir í fyrsta til þriðja sæti
svo og 13 aðrar myndir sem til viðbótar
færu í Norræna ljósmyndakeppni sjó-
manna, sem fram fór í Reykjavík skömmu
síðar. Dómnefndin var sammála um að sú
mynd sem verðskuldaði fyrstu verðlaun í
Ljósmyndakeppni sjómanna væri Brim-
sigling eftir Jón Pál Ásgeirsson yfirstýri-
mann á varðskipinu Ægi og prýðir hún
forsíðu blaðsins. Mynd eflir Guðmund
Birki Agnarsson hlaut 2. verðlaun og 3.
verðlaun mynd Þorgeirs Baldurssonar.
Auk þeirra sem unnu til verðlauna
fengu myndir frá eftirtöldum ljósmynd-
urum brautargengi í norrænu keppnina:
Jóni Kr. Friðgeirssyni bryta á v.s. Tý,
Guðmundi St. Valdimarssyni bátsmanni
á v.s. Ægi og Guðmundi Kr. Kristjánssyni
skipstjóra á m.s. Skógafossi.
Sjómannablaðið Víkingur þakkar öll-
um þeim sem sendu inn myndir fyrir
þátttökuna og hvetur íslenska sjómenn
til þess að spreyta sig í Ljósmyndakeppni
sjómanna sem nú hefur náð að festa sig í
sessi.
1. Brimsigling
Ljósm.Jón Páll Ásgeirsson yfirstýrimaður v.s. Ægi.
Myndin sýnir skipverja á varðskipinu Ægi að koma úr vítanum i Norðfjarðarhorni.
6 - Sjómannablaðið Vfkingur