Tímarit lögfræðinga - 01.12.1982, Blaðsíða 36
Ávíð
o« dreif
FRÉTT FRÁ
„HINU ÍSLENSKA SJÓRÉTTARFÉLAGI“
Þann 27. september s.l. var gengið frá stofnun félags áhugamanna um sjó-
rétt, sem ber nafnið „HiS islenska sjóréttarfélag“. Hlutverk félagsins er að efla
íslenskan sjórétt sem fræðigrein og að auka áhuga á greininni og kynna
hana.
Samkvæmt lögum félagsins hyggst það m.a. ná tilgangi sínum með því:
1) „Að kynna fræðigreinina, almennnt og sérgreint, og nýmæli í sjórétti fyrir
félagsmönnum, m.a. með fræðslufundum og/eða umræðufundum.
2) Að örva og styrkja rannsóknir í sjórétti, sjóvátryggingarétti og skyldum
greinum, t.d. með því að stuðla að útgáfu íslenskra fræðirita í sjórétti og
auknum bókakaupum íslenskra rannsóknabókasafna um sjóréttarleg mál-
efni.
3) Að annast útgáfustarfsemi á þessu sviði, t.d. útgáfu erinda, sem haldin
verða á fræðafundum, útgáfu prófritgerða í sjórétti við Lagadeild Háskóla
íslands (í samvinnu við höfundana), með fréttabréfi, þar sem ýmis nýmæli
séu kynnt eða gagnlegum upplýsingum miðlað, og útgáfu athyglisverðra
héraðsdóma í sjóréttarmálum (eða úrdrátta úr þeim).
4) Að stuðla að því, að aukinn verði vegur sjóréttarkennslu við Lagadeild
Háskóla Islands, eða utan hennar, t.d. með reglubundnum og vönduðum
námskeiðum.
5) Að leitast við að auka tengsl íslendinga við erlendar rannsóknarstofnanir
í sjórétti.
6) Að efla kynni við erlenda sjóréttarfræðinga eða áhugamenn um sjórétt,
t.d. með skipulagningu námsferða eða ferða á ráðstefnur og með sam-
skiptum við hliðstæð félög erlendis.
7) Að beita sér fyrir eðlilegri endurskoðun laga og reglna á sviði sjóréttar á
komandi tírnurn."
Allir íslenskir áhugamenn um sjórétt eiga rétt á að vera félagsmenn. Einnig
eiga félög, samtök og stofnanir rétt á aðild.
Þessir menn voru kosnir í hina fyrstu stjórn félagsins: Dr. Páll Sigurðsson,
dósent (formaður); Jón H. Magnússon, lögfr.; Jónas Haraldsson, skrifstofustj.;
Viðar Már Matthíasson, hdl.; Benedikt Blöndal, hrl.; Benedikt Sigurjónsson,
fyrrv. hæstard.; Einar Hermannsson, skipaverkfræðingur. i varastjórn voru
kosnir þeir Gunnar Felixson, aðstoðarforstjóri, og Bjarni Kr. Bjarnason, borg-
ardómari.
206