Teningur - 01.05.1990, Blaðsíða 15

DÖNSKU SKÁLDIN / 13
MICHAEL STRUNGE
BROTTFÖR FANAR DRAUMSINS
Við erum þreytt eins og ár
líkt og vélar næturinnar.
Við göngum gegnum borgina
til móts við dögunina á milli húsanna.
Við sleppum
forugum grímum kynslóðanna lausum ...
þær líða út í myrkrið
á eftir fylgja svefnlaus bros okkar.
Með augun full af nótt
stígum við inn
í nýtt árþúsund.
Við erum fánaberar draumsins
þó sakleysi okkar
beri djúp ör úr stríði hversdagsins.
Við boðum velmegun og mjúk rúm
fyrir svefn og ástarfarir.
Við syngjum á sérstökum bylgjulengdum
sem brjóta
múr úr venjum og hefðum.
Með ósnortinni reynslu æskunnar
reisum við hús fyrir hið breytta fólk.
Með brakandi losta æskulýðsins
búum við til skemmtigarða
fyrir alla aldurshópa.
A hinu græna grasteppi
verða til nýjar kynslóðir.
Síðar förum við um borgina
og hefjum baráttuna
sem endar með sigri líffræðinnar.
A nóttunni hvílast líkamarnir
þandir af draumum og sársauka,
titrandi af nýjum frumuvexti.
Sameinuð á sál og líkama
stofnum við til hins mjúka lífs.
Um morguninn sofum við út
áður en við hefjumst handa
á hinum nýja degi baráttu og sára, kossa
Við látum fána draumsins blakta.
Þórhallur Þórhallsson þýddi