Helgafell - 01.12.1954, Blaðsíða 10
Eigum við að rækta kaffi
í Ecuador?
Síðastliðið sumar var ég í nokkra daga í banana-ekru í Ecuador, þar sem
talið er að muni vera einhver mesta bananarækt í heimi. Það er sænskt fyrir-
tæki, Astral-Fruktkompani, sem á þessa stöð og hefir rekið hana í tæpan ára-
tug. Hér eru ræktaðir allir bananar sem inn eru fluttir til Svíþjóðar og miklu
meira en það, því að uppskeran er svo mikil, að margir skipsfarmar eru flutt-
ir árlega til New Orleans í Bandaríkjunum og til Hamborgar, auk alls þess
sem flutt er til Gautaborgar. Félagið hefir alls um 8000 hektara á fjórum
stöðvum á þessu svæði, en stöðin í Quinindé, þar sem ég var, er stærst, um
4000 hektarar. Utflutningsverðmæti banananna er um 150 milj. kr. á ári,
eða réttara sagt 1 50 milj. sucres, en einn sucre er mjög svipaður að verð-
gildi og ein íslenzk króna, því að fyrir einn dollar fá menn 1 7.50 sucres. Þess
skal getið, að gjaldeyrismarkaður í Ecuador er frjáls og því ekkert svarta-
markaðsbrask með hann, þar sem menn geta pantað hann fyrir skráð gengi
í bönkunum.
Eg bjó hjá framkvæmdastjóra þessa fyrirtækis, Kurt Fischback, sem er
Þjóðverji, eitthvað innan við fertugt eftir útliti að dæma. Hann stjórnar þarna
stóru liði af innfæddu verkafólki, sem mestmegnis er Indíánar og negrar og
gerir það af mikilli röggsemi, eins og herforingi, en er góður við sitt starfs-
fólk og jafnan boðinn og búinn að taka hvern sem er upp í bíl sinn þegar
hann er að aka um landið og hefir sýnilega gott lag á fólkinu.
Bananaræktin gengur vel og á hverri viku eru margir bátar, fullhlaðnir
banönum sendir eftir ánni Rio Blanco (Hvítá) til Esmeraldas, sem er út-
flutningshöfn.
Við Fischback töluðum margt saman þessa daga sem ég dvaldi hjá hon-
um, og þegar ég sá að hann hafði allstóran blett skammt frá húsi sínu alsáð-
an kaffi, þar sem litlar kaffiplöntur voru að koma upp, fór ég að inna hann
eftir möguleikum á kaffirækt, og hvort við íslendingar ættum ekki að rækta
kaffi þarna, eins og Svíar rækta banana handa sér.
„Auðvitað eigið þið að gera það,“ svaraði hann. „Kaffiræktin er rekin
með gífurlegum hagnaði um alla Suður-Ameríku og er vafasamt hvort nokkur