Neytendablaðið - 01.09.2011, Blaðsíða 12

Kona hafði samband við Neytendasamtökin vegna kattamatar frá
IcelandPet sem þá hafði nýlega verið tekinn af markaði. Kötturinn
hennar hafði veikst og þurft á dýrri aðgerð að halda og taldi hún
að fóðrinu væri um að kenna. Vildi konan vita hvort hún gæti
hugsanlega farið fram á skaðabætur vegna tjónsins.
Forsaga málsins er sú að Matvælastofnun (MAST) höfðu borist
allmargar kvartanir og athugasemdir vegna IcelandPet hundafóðurs
á seinni hluta árs 2010. Í kjölfar þess voru tekin sýni af þremur
teg undum hundafóðurs hjá innflytjanda (ábyrgðaraðila). Í fóðrinu
greindist svokölluð cyanursýra, sem virðist valda nýrnasteinum
og þvaglátsvanda hjá hundum og er efni sem ekki á að finnast í
fóðri. Innflytjanda var tilkynnt um niðurstöður greininga og að
MAST hygðist krefjast innköllunar á fóðrinu. Fyrirtækið kallaði
inn allar tegundir fóðursins um leið og niðurstöðurnar lágu fyrir.
Í framhaldinu hafði það samband við framleiðandann í Hollandi
og við greiningu á hráefnum sem notuð höfðu verið í fóðrið kom í
ljós að cyanursýra fannst í einu þeirra. Grunur barst að hreinsiefni
sem framleiðandi hráefnisins notaði og hætti hann notkun þess.
Við greiningu fóðurframleiðandans á nýrri framleiðslu mældist
engin cyanursýra og var sala heimiluð á ný. Innflytjandinn hefur
nú kært ákvörðun MAST um innköllun fóðursins til sjávarútvegs­
og landbúnaðarráðuneytisins.
Hvað varðar fyrirspurn konunnar er í raun mjög erfitt að sækja
skaðabætur þar sem ekki er gott að sanna að veikindi kattarins
megi rekja til neyslu fóðurs frá IcelandPet. Kvartanir sem bárust til
MAST vörðuðu eingöngu hundamat og því var kattamaturinn ekki
rannsakaður. Innflytjandi tók kattamatinn þó úr sölu tímabundið á
meðan málið var rannsakað. Einhverjir hundaeigendur gætu hafa
orðið fyrir kostnaði vegna veikinda sem hugsanlega má rekja til
neyslu fóðursins en ef fara á fram á skaðabætur verður að vera
hægt að sanna með að fóðrinu sé um að kenna en það gæti reynst
erfitt.
Dýrafóður tekið af markaði
– réttur til skaðabóta?
12 NEYTENDABLA‹I‹ 3. TBL. 2011