Litli Bergþór - 01.12.2012, Blaðsíða 9
Litli-Bergþór 9
Síðastliðið haust tók til starfa nýr skólastjóri við
Grunnskóla Bláskógabyggðar, Hrund Harðardóttir.
Hún er Tungnakona í húð og hár, þó hún hafi ekki
dvalið hér langdvölum fyrr en nú.
Blaðamaður Litla-Bergþórs brá undir sig betri
fætinum einn haustdag
í byrjun nóvember og
fór í heimsókn til henn-
ar í skólastjórahúsið í
Reykholti, til að spyrja
hana spjörunum úr um
bakgrunn og framtíðar-
áform í Tungunum. Að
sjálfsögðu er byrjað á
spurningunni um ætt og
uppruna.
Jú, ég fædd 1973 á
Selfossi og uppalin
þar, en er Tungnakona
í báðar ættir og alin
upp sem Tungnamaður.
Ættuð frá Gýgjarhóls-
koti og Hvítárbakka.
Foreldrar mínir eru Ólöf
Karlsdóttir frá Gýgjar-
hólskoti, fædd 1943, og
Hörður Ingvarsson frá
Hvítárbakka, fæddur 1927. Faðir minn er látinn, en
móðir mín býr enn við góða heilsu á Selfossi með
Ólafi Sigursveinssyni frá Norður Fossi í Mýrdal. Það
eru stórar fjölskyldur sem standa að mér. Móðursyst-
kinin voru níu, þau Helga Karlsdóttir (1928-1997)
í Gýgjarhóli, Jón Karlsson (f. 1929) Gýgjarhólskoti,
Guðrún Karlsdóttir (Dúna, f. 1931) í Miðdalskoti,
Ingimar Karlsson (1932-1987), Guðni Karlsson
(f. 1933) Gýgjarhóli, Arnór Karlsson (1935-2009)
sem bjó m.a. í Arnarholti og síðast hér í Reykholti,
Margrét Karlsdóttir (1936-2006) í Skipholti, Hrun,
Gunnar Karlsson (f. 1939) prófessor í Reykjavík og
Ólöf móðir mín yngst, búsett á Selfossi. Föðursyst-
kinin á Hvítárbakka voru svo 13 talsins: þau Ingvar
Ragnar (1918-1997), hann bjó lengst af á Hvítárb-
akka og síðar í Reykholti, Ingigerður (f. 1920), Einar
(1921-2010), Kristinn (1922-2011), bjó í Austurhlíð,
Jóhanna Vilborg (f. 1924), Kormákur (1926-2004),
bjó á Sólheimum í Hrunamannahreppi, Hörður
(1927-1986), Hárlaugur (1928-2003), í Hlíðartúni,
Ragnhildur (1929-2006), Guðrún (f. 1932), Elín (f.
1933), bjó lengst af á Húsatóftum, Skeiðum, Sumar-
Viðtal við Hrund Harðardóttur
skólastjóra Grunnskóla
Bláskógabyggðar
liði (f. 1934) og Haukur (1935-2012), en hann bjó
með Ingvari bróður sínum á Hvítárbakka og síðar í
Reykholti.
Eins og sést af þessari upptalningu býr mikið af
fólkinu mínu, eða afkomendur þeirra, enn hér í Tung-
unum og nágranna-
sveitum.
Ég á tvö eldri systkini,
Sigþrúði, sem starfar sem
kennari, fædd 1964 og
Valgeir sem er húsa-
smiður, fæddur 1966.
L-B: Hvernig var
skólagöngunni háttað?
Ég gekk í skóla á Sel-
fossi, fyrst í grunnskóla
og fór svo í Fjölbrauta-
skólann á Selfossi á
félagsfræðibraut.
Nokkrum árum síðar
fór ég síðan norður á
Akureyri í kennaranám
og lauk þar námi sem
kennari 1999. Eftir
grunnnámið hef ég tekið
tvær diplómur, fyrst
tveggja ára nám í KHÍ í
námi og kennslu ungra barna. Síðan aftur í HÍ, eftir
að kennaranámið fluttist þangað, í sérkennslufræðum.
Nú er ég í framhaldsnámi í stjórn menntastofnana í
HÍ, en hef reyndar tekið mér eins til tveggja ára leyfi
frá því námi meðan ég er að koma mér inn í starfið
hér sem skólastjóri.
L-B: Við hvað hefur þú starfað?
Milli þess sem ég stundaði nám tók ég mér ýmislegt
fyrir hendur. Þegar ég var 21 árs, 1994, fór ég til
dæmis til Bolungavíkur og kenndi þar í einn vetur 11
og 12 ára börnum, blaut á bakvið eyrun, nýskriðin úr
menntaskóla. Þetta var mjög eftirminnilegur vetur
og skemmtilegur, en líka erfiður. Þetta var mesti
snjóavetur sem ég hef upplifað, þegar snjóflóðið féll
á Súðavík.
Eftir kennaranámið varð ég svo kennari í Flúðaskóla
í átta ár og síðan deildarstjóri stoðþjónustu í Sunnu-
lækjarskóla á Selfossi í fjögur ár, þar til ég kom hing-
að í Reykholt á síðasta ári.
Ég vann við ýmislegt með námi, var flokksstjóri í un-
glingavinnu, vann í Mjólkurbúi Flóamanna, í Lands-