Lögmannablaðið - 01.09.2004, Blaðsíða 10

10
Áheimasíðu LOGOS segir að það sé mik-ilvægur þáttur í starfi stofunnar að bjóða
fyrirtækjum og einstaklingum upp á lögfræði-
þjónustu tengda alþjóðlegum viðskiptum,
hvort sem um er að ræða þjónustu við íslensk
fyrirtæki erlendis eða þjónustu við erlend fyr-
irtæki á Íslandi. LOGOS er aðili að tveimur
alþjóðasamtökum lögmannsstofa, Lex Mundi
og TerraLex, og í samtali við Lögmannablaðið
sagði Gunnar Sturluson hrl., framkvæmda-
stjóri, ástæður þess að þeir væru í tveimur
samtökum sögulega;
„LOGOS varð til við samruna tveggja lög-
mannsstofa og við vildum ekki missa það
tengslanet sem búið var að mynda við aðila í
báðum þessum samtökum. Við sáum að Lex
Mundi var með öflugri tengsl í löndum þar
sem TerraLex var ekki til staðar og svo öfugt.
Þessi samtök eru hins vegar lík að mörgu leyti
og byggð upp á sömu hugmyndafræði.“
Hvernig er samskiptum við samtökin háttað?
„Í gegnum þessi samtök höfum við aðgang
að lögmönnum um allan heim sem við getum
treyst á að séu góðir. Bæði þessi samtök vanda
mjög valið á samstarfsaðilum sínum og gera
miklar gæðakröfur. Má í þessu sambandi
nefna að á fimm ára fresti eru gæði stofanna
hjá Lex Mundi könnuð, m.a. með því að hafa
samband við viðskiptavini og félaga í samtök-
unum sem hafa reynslu af viðkomandi stofu.
Stofur sem uppfylla ekki lengur staðla er gert
3 / 2 0 0 4
Hverfandi landamæri
lögmennskunnar
Það er ótrúlega stutt síðan íslenskir lög-
menn gátu unnið alla sína starfsævi án
þess að eiga í samskiptum við erlenda
aðila og það er ótrúlega stutt síðan
lögfræðingar sáu enga ástæðu til að
sækja meiri menntun út fyrir lands-
steinana – þeir þurftu einfaldlega ekki
á því að halda.
Nú er lögfræðilegt landslag gjörbreytt
og lögmennskan er, með aukinni
alþjóðavæðingu, sífellt minna háð
landamærum, landfræðilegum sem við-
skiptalegum. Fjölmargir ungir lögfræð-
ingar sækja framhaldsnám erlendis á
ári hverju, starfandi lögmenn sækja
námskeið í auknum mæli út fyrir lands-
steinana og afla sér jafnvel lögmanns-
réttinda í öðrum löndum. Sérhæfing
lögmanna eykst, alþjóðlegar lögfræði-
keðjur eru að festa sig í sessi og lög-
mannsstofur leggja sífellt meiri áherslu
á að geta veitt viðskiptavinum sínum
þjónustu hvar sem er í heiminum.
Landamæri lögmennskunar eru óðum
að hverfa.
Lögmannablaðið ræddi við Gunnar
Sturluson hrl., um alþjóðleg samskipti
milli lögmannsstofa og Baldvin Björn
Haraldsson hdl., sem er með lögmanns-
réttindi í Frakklandi. Einnig fékk blaðið
Ásgeir Á. Ragnarsson hdl., sem er með
lögmannsréttindi í New York, til að
skrifa um með hvaða hætti slík réttindi
nýtast og Karl Georg Sigurbjörnsson
hrl., skrifar um námskeið fyrir verjendur
sem hann sækir um þessar mundir hjá
Alþjóðlega sakamáladómstólnum sem
nú er að taka til starfa í Haag.
„Leitum meira til
samstarfsaðila
erlendis en þeir
hingað.“
Viðtal við
Gunnar Sturluson, hrl.,
framkvæmdastjóra LOGOS