Skólavarðan - 01.04.2007, Blaðsíða 12
12
SAMSTARF TÓNLISTARSKÓLA OG LEIKSKÓLA
SKÓLAVARÐAN 3.TBL. 7. ÁRG. 2007
Félag tónlistarskólakennara og Félag
leikskólakennara stóðu fyrir frábær-
lega vel heppnuðu og vel sóttu mál-
þingi í Súlnasal Hótel Sögu föstudaginn
23. mars 2007 um tónlistarkennslu
barna á aldrinum 1-6 ára. Málþingið
bar yfirskriftina: Tónlistarnám barna á
aldrinum 1-6 ára, markmið og tækifæri
- Snertifletir tónlistarskóla og leikskóla.
Aðalfyrirlesari var dr. Regina Pauls próf-
essor við Mozarteum háskólann í Salzburg
í Austurríki. Dr. Regina Pauls hefur að baki
leikskólakennaranám og kennaranám í
tónlist auk þess sem hún stundaði nám
í sálarfræði og uppeldisfræði leikskóla-
barna í Humboldtháskólanum í Berlín.
Doktorsnám sitt stundaði hún við
listaháskólann og háskólann í Leipzig. Hún
hefur stýrt skóla fyrir leikskólakennara,
verið prófessor í tónlistarkennslufræði
og tónlistarsálarfræði í Leipzig og kennt
við Mozarteum háskólann, Orff Institut,
í Salzburg síðan 1994. Hún er gestapróf-
essor við dansháskóla í Dresden og hefur
verið ráðgjafi við langtímarannsókn á
þróun færni og meðfæddra hæfileika á
tónlistar- og listasviði ásamt því að gegna
mörgum öðrum störfum á sviði kennslu og
rannsókna.
Fyrirlesturinn fjallaði um tónlistar-
uppeldi og skapandi hugsun sem þátt
í uppeldi og menntun leikskólabarna,
samvinnu og samvinnuaðferðir milli tón-
listarskóla og leikskóla, reynslu af sam-
vinnu, samvinnulíkön og aðferðafræði. Í
fyrirlestrinum sagði dr. Regina frá nýleg-
um þróunar- og taugalífeðlisfræðilegum
rannsóknum og rannsóknarniðurstöðum
um leikskólaaldursskeiðið og fjallaði um
áhrif tónlistar á þróun persónuleika leik-
skólabarnsins í hópstarfi. Þá ræddi hún hlut-
verk leikskólakennara í tónlistaruppeldi
leikskólabarna, hlutverk tónlistarkennara
í leikskóla og samvinnuaðferðir þessara
tveggja kennarastétta. Þá ræddi hún um
framsetningu tónlistarnáms í námskrá
og um hið listræna í tónlistaruppeldinu
með dæmum úr starfi, samvinnu sem
árangursríka starfsþróun, samkenni og
sérkenni tónlistarskóla, leikskóla og
heimilis og skapandi uppeldi á grundvelli
sérþekkingar.
Dr. Regina lagði mikla áherslu á að
þroskun tónlistarhæfileika og tónlistargetu
leikskólabarna bæri bestan árangur í
samvinnu leik- og tónlistarskólakennara
þar sem leikskólakennarar hefðu sjaldnast
yfir tónlistarkummáttu að ráða. Hún lýsti
líkani að samstarfi sem stuttlega er sagt
frá en fyrir áhugasama er hægt að nálgast
glærur frá fyrirlestri hennar vef KÍ, nánar
tiltekið á ft.ki.is/pages/314/NewsID/211
Tónlistarskólakennarinn á að starfa
sem sérfræðingur við skólann og gera
leikskólakennaranum kleift að afla sér
hugmynda og færni sem hann getur
svo notað í daglegu starfi. Til þessa
þarf samfleytt samstarf í langan tíma
og að minnsta kosti einu sinni í viku. Í
tónlistartímum með nemendum á hver
leikskólakennari að taka þátt með sínum
hópi og fá í hendur námsgögn, lestrarefni
og aðrar upplýsingar sem eru nauðsynlegar
til að halda áfram í daglegu skólalífi.
Einnig á að veita foreldrum innsýn í starfið
sem fram fer. Þótt tónlistarskólakennarinn
starfi við tónlistarskóla er hann jafnframt
hluti af starfsliði leikskólans. Meðal þess
sem heyrir undir hann á að vera mánaðarleg
starfsþjálfun fyrir skólastjórnendur og
alla kennara leikskólans. Þar eru verkefni
skólans á sviði tónlistar og listar skipulögð
og fjallað um ýmislegt varðandi tónlist.
Mikilvægt er að huga að hljóðfæra-
og efniskosti leikskólans en þar eiga
eftirtöld hljóðfæri að vera til: Orff-
hljóðfæri, lítil ásláttarhljóðfæri, trommur,
stafaspil, klukkuspil, tréspil, tónstafir
og hljóðfæri með náttúrutónum víðs
vegar að úr heiminum. Einnig hljóðfæri
rík af yfirtónum og svo eftirfarandi hóp-
hljóðfæri: Trommuborð, hljómvagga, stór
trétromma og aðrar trommur af ýmsum
stærðum og gerðum.
Tónlistar- og leikskólakennarar leggja
í samvinnu sinni áherslu á að tónlistin
byggi á leikgetu, ímyndunarafli, til-
finningalegri tjáningarþörf, hreyfingu
og vilja til tjáskipta. Stéttirnar deila
húmanískri mannssýn sem auðgar
og auðveldar samstarf þeirra á milli.
„Leikskólabörn eru heimsmeistarar í að
læra,“ sagði dr. Regina. „Leikurinn er
yfirgnæfandi í lífsmáta þeirra og lífsgleði
sömuleiðis. Barnið tileinkar sér hratt
hlutina og lærir í gegnum tilfinningalega
Á kafi í tónlist!
Lj
ó
sm
y
n
d
ir
:
k
e
g