Börn og menning - 01.04.2013, Page 22

Sagnaþulur á heimsflakki
Viðtal Helgu Ferdinandsdóttur við Anne Pellowski
Bandaríska sagnakonan Anne Pellowski
var stödd hér á landi á dögunum í boði
IBBY á íslandi og hélt á Degi bókarinnar
velheppnað námskeið í Gunnarshúsi
þar sem hún kenndi fyrir fullum sal
áhugasömum þátttakendum munnlega
frásagnarlist sem gagnlegt tól til að fræða
og skemmta, ungum sem öldnum.
Anne Pellowski er barnabókasafnsfræðingur
að mennt og hefur á löngum starfsferli hlúð
að barnabókaútgáfu um víða veröld og
safnað sögum og frásagnaraðferðum frá
öllum heimsálfunum á ferðum sínum. Hún
var um árabil forstöðumaður deildar þeirrar
innan Barnahjálpar Sameinuðu þjóðanna
- UNICEF - sem sinnir barnafræðslu en
undanfarin þrjátíu ár hefur hún starfað
á eigin vegum við skriftir, fyrirlestrahald
og kennslu. Anne Pellowski hefur verið
mjög virk innan alþjóðasamtaka IBBY og er
einnig höfundur nokkurra tuga bóka um
frásagnarlist auk vinsælla barnabóka sem
eru mikið notaðar við kennslu í heimafylki
hennar Wisconsin.
Anne sagði frá því hvernig það kom til að
hún fór að vinna að barnabókum: „Eiginlega
byrjaði þetta allt þegar ég var sjálf barn. Það
vita það ekki margir utan Bandaríkjanna að
í Wisconsin-ríki er rekið kerfi sem er einstakt
i landinu - og hefur verið til frá árinu 1915
að ég held. Það er kallað Barnabókasjóður
Wisconsin (Wisconsin Children's Book Fund)
en til hans var stofnað með fjármunum
sem afar auðug kona ánafnaði sjóðnum í
erfðaskrá sinni. Á þessum tíma voru mjög
fá bókasöfn i Wisconsin enda ríkið þá mjög
strjálbýlt. I sýslunni þar sem ég átti heima
var alls ekkert bókasafn og það sem var
næst okkur var f borginni hinum megin
við Mississippi-fljót. Fyrstu árin var notuð
sú aðferð að setja nokkrar bækur i kassa
og senda þá, meðan skólaárið stóð yfln