Vestfirska fréttablaðið - 16.09.1993, Blaðsíða 1
[
FRÉTTABLAÐIÐ
EIGUM A LAGER:
flestar gerðir og stærðir af
srníðaefni úr stáli, áli og
ryðfríu efni
Vélvirkinn sf.
Bolungarvík
Sími7348
Fax 7347
Fimmtudagur 16. september 1993 • 35. tbl. 19. árg.
S 94-4011 • FAX 94-4423
VERÐ KR. 170 m/vsk.
Frá ísafirði á afmælisári bæjarstjórnar árið 1966. (Mynd: Byggðasafn Vestfjarða).
Húsakönnun á ísafirði
- Arkitekt og sagnfræðingur skila af sér stórmerkilegu heimildaverki um
húsin á Eyrinni, sögu þeirra og varðveislugildi
Elísabet Gunnarsdóttir arki-
tekt á Isafirði og Jóna Símonía
Bjamadóttir sagnfræðingur af-
hentu á mánudaginn Húsafrið-
unarnefnd nkisins, Skipulags-
stjórn ríkisins og Bæjarstjóm
ísafjarðar húsakönnunarverk-
efni það sem þær hafa unnið í
sameiningu undanfarin misseri.
Afrakstur vinnu þeirra hefur
verið gefinn út í 176 síðna bók
í afar stóru broti. Könnun þessi
nær til allra húsa á Eyrinni á
Isafirði upp að Túngötu og var
unnin eftir verklýsingu frá
Húsafriðunamefnd og hafði
hún yfirumsjón með verkinu.
Vinnan við könnunina hófst
um vorið 1992 og þá um sum-
arið fór mestur hluti starfsins
fram. Unnið var úr gögnum og
þau útbúin til prentunar um
haustið og veturinn 1992-3.
ísafjörður er einn af elstu
kaupstöðum landsins og þar má
finna hús og heildir frá flestum
tímabilum íslenskrar bygging-
arsögu. Að frumkvæði bæjar-
yfirvalda á ísafirði var ráðist í
það verkefni að kortleggja og
skrá elsta bæjarhlutann og fá
fram faglegt mat á varðveislu-
gildi byggðarinnar. Lýst er
byggingum, götum og öðrum
útirýmum sem gefa bænum
gildi og skipta máli í upplifun
hans. Tilgangurinn með þessari
vinnu er sá, að tína til sem
mestar og bestar upplýsingar
og íslenskt byggingarlag og
þéttbýlismótun og miðla þeim
til þeirra sem fara með skipu-
lags- og byggingarmál og ann-
arra sem hafa áhuga á þessu
manngerða umhverfi.
Könnunin er þannig fram
sett, að í fyrri hlutanum er stutt
yfirlit um þróun bæjarins þar
sem fylgja kort frá mismunandi
tímum. Seinni hlutinn er skrá
yfir hús á Eyrinni, horfin hús,
gömul hús og ný. I húsaskránni
er höfuðáhersla lögð á bygg-
ingarár. Nýlegar ljósmyndir eru
af flestum húsanna og eldri
myndir af mörgum þeirra.
Hér er um mikið og sérstætt
fróðleiksverk að ræða frá hendi
þeirra Elísabetar og Jónu Sím-
oníu. Vestfirska fréttablaðið
hefur góðar heimildir fyrir því,
að þetta megi teljast meðal
merkustu heimildarita af þessu
tagi sem tekin hafa verið saman
hérlendis - þó ekki væri nema
fyrir viðfangsefnið sjálft.
Enda er gamli bærinn á ísa-
firði einstakur í íslenskri bygg-
ingarsögu og þar eru margar
gersemarnar sem aldrei verða
metnar til fjár. Það er vonandi,
að bæjaryfirvöld taki nokkurt
mark á þessari vinnu sagn-
fræðingsins og arkitektsins og
minnist þess, að það verður
ekki aftur tekið og verður aldrei
bætt þegar búið er að rífa gam-
alt og merkilegt hús og tortíma
því að eilífu.
Þeir sem vilja skoða þetta
fróðlega rit geta gert það á
bókasafninu á Isafirði, þar sem
það liggur frammi í lesstofunni.
PÓLUNN hf. S 3092 Sala & þjónusta 0
Rafþjónusta Raftækjasala Rafhönnun Rafeindaþjónusta Siglingatæki Kælitæki PÓLLINN HF
frystikistutilboð
Tilboðshorn 20 - 50% afsláttur
ísaf jörður:
Iþróttahúsið á
Torfnesi vigt á
laugardag
íþróttahúsið nýja á (safirði verður vígt við hátíðlega athöfn
á laugardaginn. Isfirðingum öllum er boðið og verður þar fjöl-
breytt dagskrá (sjá boðsbréf frá (safjarðarkaupstað á bls. 9 hér
í blaðinu). Án þess að blaðið vilji gera sérstaklega upp á milli
dagskráratriða má þó geta um einsöng Guðrúnar Jónsdóttur.
Hvað hinar líkamlegu lystisemdir snertir má nefna, að tertan
sem verður á boðstólum er einir níu fermetrar og á að duga
fyrir 1.300 manns. Að öðru leyti vísast í dagskrána á bls. 9.
Bygging íþróttahússins hófst árið 1987 þegar Kristján K.
Jónasson, þáverandi forseti bæjarstjórnar, tók fyrstu
skóflustunguna. Húsið er 2.184 fermetrar og 15.248 rúmmetr-
ar. Arkitekt hússins er Vilhjálmur Hjálmarsson en hönnuður
lóðar er Reynir Vilhjálmsson. Útbúnaður hússins og stærð valla
býður upp á löglega keppnisvelli í öllum hefðbundnum íþrótta-
greinum, svo sem handbolta (1 völlur), knattspyrnu (1 völlur),
körfubolta (4 vellir), blaki (4 vellir), badminton (9 vellir), tennis
(1 völlur) og boccia (1 völlur).
Húsið er svonefnt fjölnotahús og býður upp á möguleika fyrir
ráðstefnur, hljómleikahald, vörusýningar og bílasýningar
o.s.frv. Sérstakur búnaður fyrir tónleika hefur verið settur upp
í húsinu. Á efri hæð er veitingaaðstaða þar sem um 50 manns
geta setið við borð, en þá aðstöðu má einnig nota til funda-
halda.
Auðunn Guömundsson aðalverktaki stendur hér við hið
nýja og glæsilega íþróttahús á Torfnesi sem hann er í
þann mund að skila af sér. Myndin var tekin í fyrradag
en þá var fjöldi starfsrnanna frá hinum ýmsu
undirverktökum á fullu að leggja síðustu hönd á verk sín,
bæði utan húss og innan. Mikið hefur mætt á Auðuni
Guðmundssyni í sambandi við þessa húsbyggingu, ekki
síst í miskunnarlausri umfjöllun fjölmiðla og annarra. Nú
sér fyrir endann á verkinu og víst má telja að nagg og
nudd líðandi stundar gleymist fljótt þegar þetta
glæsilega hús verður tekið í notkun. Það mun verða
ísafjarðarkaupstað til sóma um langa framtíð og góður
vitnisburður um þá sem að byggingu þess stóðu.
FLUGFELAGIO
H
r
ERNIR
ÍSAFIROI
Sími 94-4200
Daglegt áætlunar-
flug um Vestfirði.
Leiguflug innan-
lands og utan,
fimm til nítján far-
þega vélar.
Sjúkra- og
neyðarflugsvakt
allan sólarhringinn