Morgunblaðið - 09.07.1975, Blaðsíða 23
MORGUNBLAÐIÐ, MIÐVIKUDAGUR 9. JULl 1975
23
Dýrfínna Guðjónsdótt
ir — Minningarorð
F.: 19. júní 1901
D.: 3. maí 1975.
Þú ert komið nóttlausa vor, ég
sé birtu þína, en ylinn vantar til
að veita útrás þeirri allífsfæðingu
er fylgir nærveru þinni, það er
enn frost og nepja. Ég varð líka
vör við að dauðinn var á ferð,
hann kom til að sækja nána vin-
konu fjölskyldu minnar. Langar
mig til að helga henni stund
einnar næturvöku. Þessi kona hét
Dýrfinna Guðjónsdóttir frá Holti
undir Eyjafjöllum, en þar ólst
hún upp i æsku hjá fósturforeldr-
um, Kristfnu Sveinbjarnardóttur
Hallgrimssonar ritstjóra Þjóðólfs
og manna hennar Kjartani Einars-
syni prófasti í Holti afa mínum.
Til þeirra kom hún fátækt barn.
Þau voru mörg fátæku börnin
fyrir rúmum sjötíu árum. En hún
minntist veru sinnar og velgjörð-
ar fósturforeldranna með þökk í
huga. Ég get ekki hugsað mér
betri fósturdóttur en Finnu, en
það var hún ætíð kölluð f fjöl-
skyldu og vinahópi og ávallt var
hún hljóðlát, ljúf og hög til allra
verka. Ég man ekki fyrr eftir mér
en ég man hana leiða okkur börn-
in svo vel ef hún gaf sér stund til
að líta inn á æskuheimili mitt.
Hún var bezt er sorgin kvaddi
dyra og glöðust er gleðin sat í
öndvegi. Eitt er víst að hún særði
aldrei nokkurn mann. Lítil börn
áttu hana að vini, enda hefur hún
um skeið hlúð að afkomendum
þriðju kynslóðar fjölskyldunnar
og hlotið ást og virðingu barn-
anna og foreldra þeirra, Lfsu
Weishappel og Jóns Arnþórsson-
ar Þorsteinssonar, fyrrum for-
stjóra Gefjunar, en móðir Jóns er
Guðbjörg Sveinbjarnardóttir
sonardóttir Kjartans afa mín og
fóstursystir Finnu. Með þeim var
ætíð mjög kært, enda mun Finna
hafa verið oft hin fórnfúsa og
góða stóra systir. Um skeið
bjuggu þær í sama húsi í Reykja-
vfk. Átti Jón þá sem barn margar
glaðar stundir með Finnu, en þær
hefur hann ríkulega endurgoldið,
meðal annars falið henni umsjá
barna sinna í daglegri önn og fjar-
veru þeirra hjónanna. Ræddi hún
oft um hve elskulegt væri með
þeim báðum að dvelja. Þau vissu
lika hve gott var að treysta Finnu,
en börnin öðluðust kyrrð í nær-
Afmælis-
og minning-
argreinar
ATHYGLI skal vakin á því, að
afmælis- og minningargreinar
verða að berast blaðinú með
góðum fyrirvara. Þannig
verður grein, sem birtast á i
miðvikudagsbiaði, að berast í
sfðasta lagi fyrir hádegi á
mánudag og hliðstætt með
greinar aðra daga. Greinar
mega ekki vera í sendibrcfs-
formi eða bundnu máli. Þær
þurfa að vera vélritaðar og
með góðu Ifnubili.
veru hennar. Eftir andlát afa
míns fluttist Finna burt frá Holti
ásamt fóstru sinni og dvöldu þær
æ síðan í Reykjavík á sama
heimili. Lifibrauðið V tr matsala,
sem þá var algengt, einnig þar var
Finna hugheil og trú og fóstru
sína yfirgaf hún aldrei þar til frú
Kristín lagðist á sjúkrahús og
andaðist þar eftir uppskurð.
Alltaf var Finna bezt er mest lá
við. Hennar mun ég ætíð minnast
er ég heyri góðs manns getið.
Finna starfaði um árabil hjá
Vinnufatagerð Islands og hlaut
þar tiltrú sem umsjónarkona
saumastofunnar.
Finna var komin af merku fólki
undir Eyjafjöllum, en það ein-
kenndist af ráðvendi og myndar-
skap. Listrænt handbragð hlaut
hún og systkini hennar að erfðum
sem vöggugjöf, en skólaganga var
nánast lítil, það tíðkaðist ekki að
alþýðufólk eyddi lífsstundunum á
skólabekk. En margur átti um
sárt að binda er átti nægán auð til
Ifkama og sálar, en mætti hvergi
skilningi og þar að auki févana.
Finna giftist ekki, en hún
greiddi götu systurdóttur sinnar.
Jónu Sigurðardóttur, er hún kom
til höfuðborgarinnar til dvalar og
náms. Síðan hafa þær naumast
skilið og hafði Finna ætíð í huga
velferð fjölskyldu frænku sinnar,
og veit ég að hennar heili hugur
hefur verið blessun fyrir þau öll í
Safamýri 87, en þar átti hún litla
íbúð í sama húsi og hjónin Jóna
og Kristinn Auðunsson, pípulagn-
ingameistari. Þar undi hún þakk-
lát og glöð hin síðustu æviár. Vil
ég þakka þessum góðu hjónum
skilning þeirra á einu og öllu er
Finnu varðaði þá er halla tók
Við afgreióum
litmyndir
yðará 3 dögum
Allar myndir okkar eru fram- leiddar á úrvals Kodakpappír meö silkiáferö
Myndirnar eru afgreiddar án hvítra kanta
Höfum þrautþjálfað starfsfólk er vinnur myndir í fullkomnustu vélum sem fáanlegar eru
Þér greiðið aðeins fyrir myndir sem hafa heppnast hjá yður
Notið einungis Kodak-filmur svo þér náið fram sem mestum gæðum í myndum yðar
Munið: Það bezta verður ávallt ódýrast
Umboösmenn um land allt
— ávallt feti framar
HANS PETERSENN
BANKASTRÆTI
S 20313
GLÆSIBÆ
S 82590
y
degi, og vinsemd í strangri sjúk-
dómslegu. En Finna varð fyrir
slysi á síðastliðnum vetri. Eftir
það varð hún að dvelja á Borgar
sjúkrahúsinu og fannst batinn
koma seint. Hans var heldur ekki
að vænta, önrrur og alvarlegri
veikindi höfðu tekið sér bólfestu í
líkama hennar, þeim fylgdi til-
kynning um að löngum starfsdegi
og jarðvistardvöl væri að ljúka.
Finna okkar fæddist á júní inn í
mannlífsvorið. Hún bar líka ætíð
birtuna til okkar. Nú hefur hún
kvatt vini og ættingja, sátt við
allt. Ég veit að sál hennar mun
hverfa í hina
„Nóttlausu voraldar veröld,
þar sem víðsýnið skfn“.
En líkaminn hverfur til jarðar-
innar að fósturlaunum með
hljóðri þökk.
Þessa horfnu vinu mina blessi
allt sem gott er. Ég kveð hana
einlæglega.
Guðrún Jakobsdóttir
Víkingavatni
Nýkomin
Bambus-húsgögn
Ruggustólar 2 gerðir
Bambus-stólar klæddir leðri
og borð m/glerplötu
Bambus-hjónarum
og einstaklingsrúm
með náttborðum
Stakir lágir
stólar með
og án pullu.
Bambus-borð,
Bambus-vöggur.
Hár bambusstóll
Sérkennileg og glæsileg húsgögn.
Birgðir takmarkaðar.
Vörumarkaðurinnhf.
Ármúla 1A. Húsgagna og heimilisd. S-86-11 2