Morgunblaðið - 24.01.1976, Síða 2
2
MORGUNBLAÐIÐ, LAUGARDAGUR 24. JANUAR 1976
Gamall maður
fannst liggj-
andi í skafli
GAMALL maður fannst í gær-
morgun liggjandi í snjóskafli
nálægt Gelgjutanga. Var
maðurinn orðinn mjög kaldur og
máttfarinn. Hann var fluttur á
gjörgæzludeild Borgarspitalans,
þar sem hann liggur nú. Maður-
inn, sem er 75 ára gamall, hefur
verið veill fyrir hjarta, og er talið
að hann hafi fengið aðsvif er
hann var á göngu þarna í gær-
morgun.
Vilja fleiri
gæzluskip
I fréttatilkynningu, sem Morgun-
blaðinu hefur borizt frá sam-
starfsnefnd um verndun fisk-
veiðilandhelginnar, segir, að
nefndin hafi á fundi hinn 12. jan.
sl. gert ályktun, þar sem m.a. er
hvatt til að bæta þegar 3—4
stórum togurum I hóp gæzluskipa
og bæta síðan enn við 2—3 skip-
um, þegar rétti tíminn komi.
Auka beri klippingar og truflun
veiða með siglingu okkar skipa úr
öllum áttum. Enga fyrirgreiðslu
beri að veita brezkum eftirlits-
skipum nema i lífshættulegum
slysum eða veikindatilvikum. Þá
segir ennfremur að skipuleggja
eigi algerlega nýja upplýsinga-
herferð á erlendum vettvangi og
gera kunnugt að við munum úr
þvf sem komið er ekki semja við
Breta um neinar veiðiheimildir
við Island.
I annarri fréttatilkynningu frá
nefndinni kemur fram, að meðan
Joseph Luns dvaldist hér á landi
átti nefndin viðræðufund með
honum.
Sama aflamagn
segja Bretar
ÞORSKASTRlÐIÐ hefur ekki
dregið úr afla brezkra togara á
tslandsmiðum að sögn brezka
blaðsins The Times.
Aflinn hefur verið næstum því
eins mikill á ársgrundvelli og
áður en þorskastrfðið hófst, segir
blaðið. Ársafli Breta á Islands-
miðum f fyrra var 120.000 lestir.
Lftil
eftirspurn
eftir mjöli
EFTIRSPURN eftir loðnumjöli
virðist vera sáralftil þessa dagana,
en það mjöl sem tekizt hefur að
selja hefur verið selt á 4.50 —
4.67 dollara proteineininguna. Að
sögn mjölseljenda er vonast til að
úr rætist á næstunni, en samt
getur í þvf efni brugðið til beggja
vona.
Kínversk kvik-
myndasýning
KlNVERSK-íslenzka menningar-
félagið efnir til kvikmyndasýn-
ingar f Stjörnubíói, laugardaginn
24. janúar klukkan 14. Sýnd
verður kínverska kvikmyndin
„Skfnandi rauða stjarnan“, sem
fjallar um atburði er gerðust á
árunum i kringum 1940 þegar
Kínverjar áttu hendur sínar að
verja gegn Japönum. Einnig flétt-
ast inn í atburðarásina baráttan
milli Kuomingtang og kommún-
istaflokksins. Aðalsöguhetjan er
lftill piltur, sem tekur virkan þátt
í baráttunni ásamt skylduliði
sínu. Kvikmynd þessi er sú fyrsta
sinnar tegundar, sem Kínverjar
framleiða og er með „ensku tali“.
öllum er heimill ókeypis
aðgangur.
Ljósmynd Friðþjófur
Þeir byggja
110 þús. stolið
UTANBÆJARMAÐUR einn
sneri sér í gær til rannsóknarlög-
reglunnar í Reykjavík og kærði
þjófnað á veski sínu, en í því voru
um 110 þúsund krónur í islenzkri
og erlendri mynt. Hafði hann
setið að drykkju á hótelherbergi
sínu ásamt 3 stúlkum og 2 karl
mönnum. Um nóttina hvarf fólkið
á braut en maðurinn fór að sofa. I
gærmorgun þegar hann vaknaði
saknaði hann veskisins og hafði
samband við rannsóknarlögregl-
una, sem hefur nú mál þetta til
meðferðar.
Misjöfn færð
um landið
FÆRÐ var í gær vfðast hvar gðð á Suðvesturlandi og
sæmileg færð var á Snæfellsnesi til Stykkishólms og
Ólafsvfkur um Grundarfjörð. Frððárheiði opnaðist ekki
f gær vegna vélarbilunar í snjóruðningstæki. Þá var
sæmilega fært um Heydal f Krðksfjarðarnes.
Fært var frá Patreksfirði á
Barðaströndina og stærri bílum
var fært frá Patreksfirði til Bíldu-
dals. Frá tsafirði var fært í Bol-
ungarvík og Súðavík, en annars
staðar á Vestfjörðum var víðast
hvar ófært eða þungfært.
Holtavörðuheiði var rudd í gær,
en Vegagerðin býst við því að
fljótlega eftir að hætt verður
snjóruðningi teppist heiðin vegna
skafrennings. Sæmileg færð er
hins vegar í Húnavatnssýslum,
Skagafirði og allt til Akureyrar.
I gær var snjó mokað af leiðinni
til Siglufjarðar, en í gærkveldi
var færð þó farin að þyngjast 1
Fljótum og þar varla fært nema
jeppa eða vörubílum. Fært var til
Olafsfjarðar og frá Akureyri var
fært stórum bílum til Húsavíkur.
Tjörnes var í gær talið ófært, en
stórum bílum og jeppum var fært
um Kelduhverfi til Kópaskers. Að
öðru leyti var ófært um Norðaust-
urland.
Stórum bilum var fært um
Fagradal og frá Egilsstöðum var
fært út að Eiðum og i Hallorms-
stað. Fært var og til Eskifjarðar,
en leiðin þangað var rudd í gær. I
fyrradag voru bæði Fjarðarheiði
og Oddsskarð rudd, en tepptust
strax aftur. Þá var og ófært um
Suðurfirðina. Lónsheiði og
Breiðamerkursandur voru ófær.
Frá Reykjavík var síðan fært alla
leið í Kirkjubæjarklaustur.
3 þúsund manns hafa sótt
Dale Carnegie námskeiðin
TlU ÁR eru nú liðin siðan hafin
voru á Islandi Dale Carnegie
námskeið. A þessum 10 árum
hafa verið haldin 70 námskeið f
ræðumennsku og mannlegum
samskiptum. Sölunámskeið,
stjórnunarnámskeið og starfs-
þjálfunarnámskeið hafa verið 20.
Þátttakendur á þessum 10 árum
hafa verið samtals 3000. Hafa
námskeiðin verið haldin á 10
stöðum úti á landsbyggðinni.
I SLAND
rr-sý/e
tSXCM*/#/ Z* 0623*»!%
Dale Carnegie námskeiðin á Is-
landi hafa gengið mjög vel og
hlotið viðurkenningu erlendis i
samkeppni við aðrar þjóðir þrjú
ár í röð. Voru þau efst í sínum
flokki 1972, 73 og 74.
Fólk úr öllum aldursflokkum
hefur sótt námskeiðin og er elsti
nemandinn 70 ára en hinn yngsti
16 ára.
I hófi er haldið var í tilefni
afmælisins hélt Gunnar Thorodd-
sen félagsmálaráðherra ræðu og
einnig talaði Dick Morgal sem er
einn af framkvæmdastjórum Dale
Carnegie í New York. Flutti hann
mál sitt á íslensku.
Buðu of lágt
verð í mjölið
„PÖLSKA sendinefndin bauð
lægra verð í mjölið en við gát-
um sætt okkur við og því varð
ekkert úr samningum," sagði
Gunnar Petersen mjölútflytj-
andi þegar Mbl. spurði hann
um slitin á samningunum við
Pólverja. Gunnar sagðist vona,
að samningaviðræður yrðu
teknar upp að nýju við Pól-
verja áður en langt um líði.
Pólverjar vilja kaupa bæði
loðnumjöl og þorskmjöl. 1
fyrra keyptu þeir 5000 tonn af
mjöli héðan.
Dansk-islenzki
sjóðurinn
Landsins forni
fjandi í nánd?
Landhelgisgæzlan fór f fskönnunarflug f gær og
fyrradag og eins og þetta kort sýnir nær jaka-
hrafl allt að Kolbeinsey. tsinn er ekki allfjarri
eins og sést. Komi ströng og langvarandi norðan-
átt má búast við þvf að fsinn beri að landi og
getur hann þá jafnvel orðið landfastur.
Á STJORNARFUNDI Dansk-
islenzka sjóðsins í Kaupmanna-
höfn fyrir skömmu var ákveðið að
veita allt að 45.600 krónur dansk-
ar til menningar- og vísinda-
tengsla milli Islands og Danmerk-
ur á þessu ári. Auk þessa verður
veittur fjöldi styrkja til náms og
rannsókna.