Morgunblaðið - 10.01.1979, Síða 32
TillitssemrJ?
kostar y
ekkert
mtgpitttMttMfe
Verzlið
í sérverzlun með
litasjónvörp og hljómtæki.
Skipholti 19
V BUOIN simi
' " 29800
MIÐVIKUDAGUR 10. JANÚAR 1979
Gjaldþrotamál Breiðholts hf.:
42 milljóna veð
hvíla á íbúðum
óviðkomandi fólks
Landsbankamálið til saksóknara í dag:
Ný gögn benda til að málið
sé umfangsmeira og nái
lengra aftur en talið var
SEMENTSVERKSMIÐJA ríkisins
mun á næstunni Kera kröfur í
þrotabú Breiöholts hf., en kröfur
fyrirtækisins vegna sements-
skulda munu vera um 80 milijónir
króna aó meðrciknuðum vöxtum
og dráttarvöxtum, samkvæmt
Rækjuveið-
ar leyfðar á
Vestfjörðum
R/EKJUVEIÐAR máttu í gær
hefjast á ísaf jarðardjúpi og í dag
er búist við að sjávarútvegsráðu-
neytið gefi einnig út leyfi til
rækjuveiða í Arnarfirði. I vetur
hefur ekki verið leyft að stunda
rækjuveiðar á þessum stöðum
vegna mikillar seiðagegndar, en
við athugunir um og upp úr
helginni kom í ljós að seiðamagn-
ið hefur minnkað verulega og er
nú talið óhætt að leyfa veiðarnar.
Á Bíldudal hafa 8 bátar leyfi til
rækjuveiða, en 10 á ísafirði og
nágrenni. Rækjuveiðibannið hef-
ur komið sér illa fyrir vestan og
t.d. á Bildudal má reikna með að
16 manns séu á rækjubátunum og
annar eins fjöldi fólks hafi
atvinnu af rækjunni f landi.
upplýsingum Gylfa Þórðarsonar,
forstjóra Sementsverksmiðjunnar.
Verksmiðjan á veð í fasteignum í
Reykjavík fyrir þessum skuldum,
m.a. veð að upphæð 42 milljónir í
þremur íbúðum í fjölbýlishúsinu
Krummahóium 8, sem eru í eign
einstaklinga en ekki Breiðholts hf
og veð að upphæð 51 milljón í
húsinu Háaleitisbraut 68, Austur-
veri, sem er eign Rafha hf.
Að sögn Gylfa byggði Breiðholt hf.
íbúðirnar í Krummahólum í Breið-
holti og húsið við Háaleitisbraut og
veðsetti fyrir sementsskuldunum.
Síðan seldi fyrirtækið íbúðirnar og
húsið en gat hins vegar ekki losað
veðin þannig að þau hvíla nú á
eignum aðila, sem eru óviðkomandi
Breiðholti hf. Hvíla veð að upphæð
14 milljónir á hverri hinna þriggja
íbúða. Engin ákvörðun hefur verið
tekin um það af hálfu verksmiðjunn-
ar hvernig mál þetta verður afgreitt
en sá möguleiki er vissulega fyrir
hendi að fólkið missi íbúðir sínar
vegna skulda, sem eru því óviðkom-
andi.
Hvað Rafha varðar hefur fyrir-
tækið þegar greitt áhvilandi skuldir
á húsnæði sínu í formi víxla að
upphæð tæpar 20 milljónir króna en
ágreiningur er um réttmæti veða að
upphæð um 35 milljónir króna og er
það mál nú rekið fyrir dómstólum.
LANDSBANKAMÁLIÐ verður
sent ríkissaksóknara í dag, að því
er Ilallvarður Einvarðsson
rannsóknarlögreglustjóri tjáði
Mbl. í gær.
Nú er liðið rúmt ár síðan
Landsbankinn kærði Ilauk
Heiðar þáverandi deildarstjóra
ábyrgðadeildar bankans til
Rannsóknarliigreglu ríkisins
fyrir meint misferli og fjárdrátt.
Miðaði rannsókn málsins vel
áfram og í fyrravor lá fyrir
samkvæmt rannsóknargögnum
að deildarstjórinn hafði á sjö ára
tímahili dregið að sér rúma 51
milljón króna. en sú upphæð er
miklu hærri, sé hún reiknuð á
verðlag dagsins í dag.
í fyrrasumar var rannsókninni
beint m.a. að því með hvaða hætti
deildarstjórinn hafði komið fé því
úr landi, sem hann dró að sér.
Komu þá fram nýjar upplýsingar í
málinu, sem ollu því að rannsókn-
in tók lengri tíma enfyrst var
ætlað. Munu þessar upplýsingar
hafa leitt að því grun, samkvæmt
upplýsingum Mbl. að þetta mál
kynni að vera umfangsmeira og ná
lengra aftur í tímann en talið var.
Saksóknara hefur nú verið sent
málið til ákvörðunartöku og það er
einnig í hans valdi að ákveða,
hvort frekari rannsókn skuli fara
fram á málinu eða einstökum
þáttum þess.
Skafrenn-
ingur tafði
umferð
Mikill skafrenningur truflaði
umferð síðdegis í gær og fram
eftir kviildi á Suðurnesjum.
Kjalarnesi, Seltjarnarnesi og
fyrir austan fjall og þurfti
lögreglan ásamt vegagerðar-
mönnum að aðstoða fólk við að
komast leiðar sinnar.
Að sögn vegaeftirlitsmanna^,
spilltist færð á Reykjanesbraut
síðdegis í gær og var illfært þrátt
fyrir að snjóplógar væru á ferð, en
þeir áttu erfitt með að athafna sig
sakir lélegs skyggnis. Nokkrir
bílar lentu útaf veginum af sömu
ástæðum og fólk átti í erfiðleikum
er bílar stöðvuðust þar og á
Kjalarnesi.
Týndu piltarnir laumufarþegar í Bakkafossi:
„Nokkuð dasaðir en furðu
hressir þegar þeir fundust”
— sagöi skipstjórinn í samtali við Mbl í gœr
„PILTARNIR voru nokkuð dasaðir þegar við fundum þá en furðu
hressir,“ sagði Arngrímur Guðjónsson skipstjóri á m.s. Bakkaíossi
þegar Mbl. hafði talstöðvarsamband við hann síðdegis í gær, en þá
skömmu áður hafði borizt tilkynning frá skipinu um að piltarnir
tveir, Ingvi Sævar Ingvarsson og Karl Jóhann Norðmann, sem
leitað hefur verið að síðan á laugardaginn hefðu fundizt þar um
borð. Bakkafoss er á leið til Bandarikjanna og er nú staddur útaf
Hvarfi á Grænlandi.
„Það var klukkan 13.50 að
annar pilturinn sást fyrir tilvilj-
un þar sem hann var að laumast
til þess að fá sér vatn að drekka,“
hélt Arngrímur skipstjóri áfram.
„Hann benti strax á félaga sinn,
þar sem hann var í felum í skáp
fyrir óhreina tauið. í þessum
skáp höfðu þeir félagar hafst við
síðan aðfararnótt sunnudagsins,
en áður voru þeir einn sólarhring
í lestinni."
Aðspurður um það hvort pilt-
arnir hefðu ekki verið orðnir
svangir sagði Arngrímur að svo
hefði ekki verið, þeir hefðu læðst
fram í eldhús og búr á nóttunni
og fengið sér í svanginn en
matarlyst þeirra hefði reyndar
verið með minnsta móti vegna
sjóveiki, en skipið hefur hreppt
hið versta veður á leiðinni.
Ekki liggur fyrir hver var
ástæðan fyrir því að piltarnir
tveir, sem eru 14 og 15 ára
gamlir, gerðust laumufarþegar.
„Ég er nú ekki farinn að
yfirheyra þá ennþá, fyrst ætla ég
að leyfa þeim að jafna sig. Ætli
þetta sé ekki bara einhver
ævintýraþrá í piltunum," sagði
Arngrímur skipstjóri.
Ingvi Sævar Ingvason.
Bakkafoss lét úr höfn í Reykja-
vík klukkan 17 sl. laugardag en
tveimur tímum áður hafði síðast
sést til ferða piltanna. Arngrím-
ur skipstjóri sagði að enginn
hefði veitt þeim sérstaka athygli
enda alltaf ys og þys rétt áður en
skipið legði af stað í langferð.
Eins væri hitt að annar piltanna
væri ekki óþekktur um borð,
móðir hans hefði unnið þar sem
þerna og pilturinn hefur áður
farið einn túr með skipinu.
Bakkafoss var síðdegis í gær
Karl Jóhann Norðmann.
staddur á 58. gráðu norður og 34.
gráðu vestur, þ.e. útaf Hvarfi á
Grænlandi og mun skipið
væntanlega koma til Portsmouth
í Bandaríkjunum á mánudags-
morgun. Engin ákvörðun hefur
verið tekin um það hvað gert
verður við laumufarþegana tvo,
en Arngrímur skipstjóri taldi
líklegast að þeir yrðu sendir
heimleiðis með fyrstu flugferð.
Eins og fram kom í blaðinu í
gær hefur allvíðtæk eftirgrennsl-
an verið eftir piltunum frá því
þeir hurfu á laugardaginn og
mjög farið að óttast um afdrif
þeirra og því vakti það að vonum
mikla gleði í gær þegar fréttist
af þeim heilum á húfi. Allmargar
ábendingar höfðu komið fram
m.a. frá fólki sem taldi sig hafa
séð piltana en þær ábendingar
hafa að sjálfsögðu ekki staðist
þótt vafalaust séu þær settar
fram af fullum heiðarleika. Þá
voru kannaðar allar flugvéla- og
skipaferðir frá landinu og m.a.
var að beiðni lögreglunnar leitað
nákvæmlega í Bakkafossi. „Við
leituðum um allt skipið en engum
datt í hug að piltarnir feldu sig
undir óhreina tauinu," sagði
Arngrímur skipstjóri.
Sjá viðtöl við mæður drengj-
anna á bls. 17.