Morgunblaðið - 22.07.1981, Blaðsíða 1
32 SIÐUR
160. tbl. 68. árg.
MIÐVIKUDAGUR 22. JÚLÍ1981
Prentsmiðja Morgunblaðsins.
Tollgæslumenn og starfsmenn Landhelgisgæslunnar fóru i fyrradag fyrirvaralaust um borð i ms.
Álafoss úr þyrlu Gæslunnar, þar sem skipið var á siglingu til lands undan Hjörleifshöfða. Fimm menn
sigu niður úr þyrlunni á tiu minútum, og hélt skipið áfram siglingu sinni á meðan. Myndin sýnir einn
mannanna siga um borð. Enginn smyglvarningur hafði fundist i skipinu i gærkvöldi. þrátt fyrir
rækilega leit, og hafa tollyfirvöld gefið i skyn að um æfingu hafi verið að ræða. Skipverjar eru þó á
þeirri skoðun að aðgerðirnar hafi ekki likst æfingu af neinu tagi.
Sjá nánar á blaðsíðu 3 í blaðinu í dag. Ljósm.: Jóhannes Svavarsson.
Israel — Líbanon:
Vopnahlé á
næsta leiti?
Jerúsalem. Beirút. New York, 21. iúlí. AP.
BEGIN forsætisráðherra Israels sagði i dag, að stjórn sín hefði
ákveðið að hafa samband við rikisstjórn Libanons fyrir milligöngu
liabibs, sendimanns Bandarikjastjórnar, með það fyrir augum að
binda enda á bardagana á landamærum rikjanna. ísraelsstjórn hefur
þó ekki enn svarað beint áskorun Reagans Bandaríkjaforseta um
vopnahlé.
Skipzt var á skotum yfir landa-
mæri Israels og Líbanons í dag
tólfta daginn í röð og ísraelskar
herþotur gerðu sprengjuárásir á
stöðvar Palestínuskæruliða í Líb-
anon. Einn óbreyttur ísraelskur
borgari særðist í skothríð Palest-
ínumanna en ekki var vitað um
mannfall í liði hinna síðarnefndu.
Palestínuarabar sögðust hafa
skotið niður eina ísraelska her-
þotu, en ísraelska herstjórnin
kvað allar flugvélarnar hafa snúið
heim.
Óformlegar viðræður áttu sér
stað meðal aðildarríkja öryggis-
ráðs Sameinuðu þjóðanna í dag og
kvöld um drög að ályktun þar sem
hvatt er til vopnahlés á landa-
mærunum. Yassir Arafat leiðtogi
frelsissamtaka Palestínu, PLO til-
kynnti Waldheim framkvæmda-
stjóra SÞ í dag, að samtökin gætu
fyrir sitt leyti fallist á vopnahlé,
gerðu ísraelsmenn það einnig.
Sovétstjórnin hvatti til þess í
dag að Sameinuðu þjóðirnargripu
til harðra refsiaðgerða gegn Israei
vegna árása ísraelsmanna á Líb-
anon.
Ný verkföll
í Póllandi?
Varsjá, 21. júll. AP.
VIÐRÆÐUR hófust í Varsjá í
dag milli fulltrúa rikisstjórn-
arinnar og hafnarverka-
manna og starfsmanna
pólska flugfélagsins LOT, en
þessir starfshópar hafa hótað
verkföllum verði ekki komið
til móts við kröfur þeirra.
Pólski kommúnistaflokkur-
inn skoraði i dag á lands-
menn alla að slaka á kröfum
sinum og sameinast um að
bægja frá þeirri vá, sem
steðjaði að þjóðinni.
Alþjóðahvalveiðiráðið:
Veiðibann fellt
BriicKton. 21. júli. AP.
TILLÖGUR um bann við hval-
veiðum hlutu ekki tilskilinn
meirihluta á fundi Alþjóðahval-
veiðiráðsins í Brighton i dag og
náðu þvi ekki fram að ganga.
Fimmtán þjóðir greiddu at-
kvæði tillögu Breta um algert
hvalveiðibann, sem gengi í gildi
nú þegar, átta þjóðir voru á
móti en fjórar sátu hjá. Atkvæði
um tillögu Ástralíumanna, sem
gerði ráð fyrir að hvalveiðibann
tæki gildi i áföngum á fimm
árum, féllu á sama veg.
Þrjá fjórðu atkvæða þarf til að
tillaga teljist samþykkt á fundum
Alþjóðahvalveiðiráðsins.
Fylgjandi hvalveiðibanni voru
Argentína, Ástralía, Danmörk,
Frakkland, Indland, Jamaica,
Mexíkó, Holland, Nýja Sjáland,
Oman, St. Lucia, Seychelles-eyjar,
Svíþjóð, Bretland og Bandaríkin.
Flugvél rænt
í Póllandi
Bcrlln, 21. júll. AP.
PÓLSKRI flugvél í innanlands-
flugi var í dag rænt og snúið til
V-Berlinar. Þar gaf flugræning-
inn sig fram við bandarisk heryf-
irvöld og var tekinn fastur, en 43
aörir farþcgar og 5 manna áhöfn
vélarinnar héldi til Póllands á ný
í kvöld, þegar fyllt hafði verið á
geyma vélarinnar.
A móti voru Chile, ísland, Japan,
Suður-Kórea, Noregur, Perú,
Spánn og Sovétríkin. Hjá sátu
Brazilía, Kína, Suður-Afríka og
Sviss.
Dýrkeypt fall-
hlífarstökk
OkIo. 21. júli. AP.
TVEIMUR þýzkum fallhlifar-
stökkvurum var i dag bjargað
eftir að þeim hafði hlekkzt á i
stökki af fjallstindinum Troll-
veggen i Vestur-Noregi. Annar
mannanna hafðist við i 30 tima
i jökulsprungu áður en honum
var bjargað, en hinn hékk
timum saman í fallhlif sinni, er
festst hafði i kletti nokkur
hundruð metrum yfir jafn-
sléttu. Báðir slösuðust þeir
töluvert, en mildi þykir að þeir
skyldu komast lífs af.
Trollveggen hefur lengi freist-
að hugdjarfra fjallgöngumanna,
og fyrir um ári byrjuðu erlendir
fallhlífarstökkvarar að nota
tindinn og kasta sér fram af
þverhníptri brún hans í um
tveggja kílómetra hæð. Margir
stökkvaranna hafa slasazt al-
varlega og oft hefur þurft að
leita mannanna með ærnum
tilkostnaði.
Norska ríkið hefur til þessa
staðið straum af kostnaði við
leit að fallhlífarstökkvurunum
og er talið að leitin að Þjóðverj-
unum tveim hafi kostað um 260
þúsund krónur.
M *« Mp' ;
•j v ím
Símamynd AP.
FRÁ LEIÐTOGAFUNDINUM t OTTAWA — LeiÖtogar sjö vestrænna iðnríkja og aðalframkvæmdastjóri
Efnahagsbandalags Evrópu halda nú með sér fund í Ottawa. Á myndinni eru, frá vinstri: Thorn
framkvæmdastjóri EBE, Suzuki forsætisráðherra Japans, Schmidt kanzlari V-Þýzkalands, Reagan Bandaríkjafor-
seti, Trudeau forsætisráðherra Kanada, Mitterand Frakklandsforseti, Thatcher forsætisráðherra Bretlands og
Spadolini, ítalski forsætisráðherrann.
Barátta við verðbólgu og
atvinnuleysi hafi forgang
Ottawa. 21. júll. AP.
LEIÐTOGÁR sjö vestrænna ríkja,
sem nú þinga i Ottawa, Kanada,
lýstu því yfir i kvöld, að baráttan
við veröbólgu og atvinnuleysi
myndi hafa forgang i löndum
þeirra, og að kkjást verði við þessi
tvö vandamál samtimis.
í yfirlýsingu leiðtogafundarins er
jafnframt lögð áherzla á nauðsyn
þess að ná fram auknum hagvexti.
Þar segir einnig að til þess að ná
þeim efnahagslegu markmiðum,
sem Ieiðtogarnir séu sammála um
að ná þurfi, sé nauðsynlegt að beita
mörgum hagstjórnartækjum sam-
tímis. Þannig sé nauðsynlegt að
minnka skuldasöfnun og eyðslu
hins opinbera, auka fjárfestingu í
arðbærum verkefnum og hafa hem-
il á aukningu peningamagns í
umferð.
I þessu sambandi er sérstaklega
lögð áherzla á vexti og þau áhrif,
sem vextir í einu landi geta haft á
efnahagslif í öðrum, og undirstrik-
uð nauðsyn þess að sveiflur í
vöxtum og gengi séu sem minnstar.
I yfirlýsingu leiðtoganna er einn-
ig fjallað um efnahagssamskipti
austurs og vesturs, orkumál og
væntanlega ráðstefnu um málefni
norðurs og suðurs. Leiðtogarnir
lýsa lönd sín reiðubúin til þátttöku
í marghliða ráðstefnu um vandamál
þriðja heimsins, en allt fram til
þessa fundar, var talið að Reagan
Bandaríkjaforseti mundi beita sér
gegn slíkum viðræðum.
Fréttaskýrendur telja að yfirlýs-
ing leiðtoganna beri í heild yfir-
bragð máiamiðlunar í efnisinni-
haldi og orðavali.