Morgunblaðið - 18.03.1983, Blaðsíða 16
MORGUNBLAÐIÐ, FÖSTUDAGUR 18. MARZ 1983
17
16
MORGUNBLAÐIÐ, FÖSTUDAGUR 18. MARZ 1983
Útgefandi
Framkvæmdastjóri
Ftitstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 180 kr. á mánuði innanlands. f lausasölu 15 kr. eintakiö.
Vandræði
viðskiptaráðherra
egar Tómas Árnason tók
við störfum viðskiptaráð-
herra í febrúar 1980 lá á borði
hans fullmótuð tillaga um að-
ild íslands að Alþjóðaorku-
málastofnuninni í París, sem
er ein af stofnunum OECD þar
sem ísland er aðili. Síðan hef-
ur ekkert gerst í þessu máli
annað en það, að Tómas Árna-
son hefur tvisvar sinnum lagt
frumvarp um þessa aðild fram
á alþingi en með svo hangandi
hendi að frumvarpið hefur
ekki einu sinni komist á um-
ræðustig. Ástæðan fyrir því að
hann lagði frumvarpið fram
var að hann vildi reyna að
skjóta sér undan því ámæli að
lúta í einu og öllu vilja komm-
únista í málinu, en þeir telja
það ekki samrýmast hagsmun-
um Sovétríkjanna að ísland
gerist aðili að Alþjóðaorkum-
álastofnuninni. Áhugaleysi
Tómasar og framsóknar-
manna er hvað sem öðru líður
staðfesting á því hve mikið
þeir eru fúsir að leggja í söl-
urnar til að halda vinfengi við
kommúnista.
Á fundi ungra framsóknar-
manna í vikunni lýsti Svavar
Gestsson, formaður Alþýðu-
bandalagsins, því yfir að hann
vildi halda áfram samvinnu
við framsóknarmenn eftir
kosningar og stefndi Alþýðu-
bandalagið að vinstri stjórn.
Vilji vinstri flokkanna til sam-
starfs að kosningum loknum
hefur legið fyrir síðan um ára-
mót þegar þeir lýstu honum
meðal annars í greinum hér í
Morgunblaðinu. Þjóðviljinn
gerir ræðu Svavars skil á for-
síðu í gær og leggur þar höfuð-
áherslu á nauðsyn innflutn-
ingshafta til að ráða við verð-
bólguna. Er greinilegt að það
verður ein höfuðkrafa komm-
únista í samstarfi við fram-
sóknarmenn að kosningum
loknum að innflutningshöft
verði tekin upp hér á landi.
Framsóknarmenn munu lík-
lega ekki fyrir kosningar segj-
ast ætla að verða við þessari
kröfu kommúnista en fyrir
ráðherrasætin fórna fram-
sóknarmenn öllu að kosning-
um loknum eins og kunnugt
er.
Vandræði viðskiptaráðherra
snerta þó fleiri þætti en þessa.
Á hans ábyrgð hefur verðlags-
ráð þvælst út í deilur við
Reykjavíkurborg á forsendum
sem eru ráðinu til vansæmdar.
Út á við stóð ráðherrann að
því að hinn óþarfi en hættu-
legi efnahagssamvinnusamn-
ingur við Sovétríkin var gerð-
ur síðastliðið sumar og loks er
þess að geta að hvorki hefur
gengið né rekið við sölu á
skreið til Nígeríu en af opin-
berri hálfu er það mál í hönd-
um viðskiptaráðherra. Frá því
er skýrt í utanríkismála-
skýrslu ólafs Jóhannessonar,
utanríkisráðherra, sem hann
lagði fram á þingi nýlega en
ekki fékkst rædd, að Tómas
Árnason hafi síðast haft af-
skipti af skreiðarsölu í nóv-
ember síðastliðnum, en án ár-
angurs. Er ekki orðið tíma-
bært að viðskiptaráðherra láti
aftur til sín taka við skreiðar-
sölu? Varla eru kommúnistar
á móti því?
Kaupin
á Viðey
Reykjavíkurborg hefur fest
kaup á þeim hluta Viðeyj-
ar sem enn var í einkaeign og
skipta nú ríkissjóður og höfuð-
borgin þessari fögru og sögu-
frægu eyju á milli sín. Á parti
ríkisins stendur hin gamla
Viðeyjarstofa og kirkjan.
Endurreisn stofunnar hefur
tekið alltof langan tíma og er
ekki einleikið að frá húsinu
skuli ekki hafa verið gengið en
nú eru um 15 ár síðan ríkið
eignaðist um 11,5 hektara
lands í Viðey. Partur Reykja-
víkurborgar í Viðey er mun
víðáttumeiri eða um 150 hekt-
arar og má hafa mikil not af
því landi.
Davíð Oddsson, borgar-
stjóri, sagði í tilefni af kaup-
unum að land í Viðey væri í
senn kjörið til útivistar og sem
byggingarland. Af orðum
borgarstjóra má ráða að börg-
aryfirvöld hafa ekki tekið
ákvörðun um það, hvað við
þessa dýrmætu viðbót við
borgarlandið skuli gert. Það
væri ánægjulegt ef borgar-
stjórn stæði þannig að ákvörð-
unum sínum í þessu efni að
borgarbúum yrði með ein-
hverjum hætti gefinn kostur á
að segja álit sitt á ráðstöfun
þessa nýja eignarlands og efnt
yrði til hugmyndasamkeppni
um það, sem ekki væri ein-
skorðuð við skipulagsfrömuði
og arkitekta. Ákvarðanir um
ráðstöfun á landinu eru ekki
knýjandi, samningar um
kaupin náðust eftir 29 ára við-
ræður. Umhugsunartími um
nýtingu eignarinnar þarf ekki
að vera svo langur en hann
nýttist betur ef einnig væri
leitað ráða hjá almenningi.
Hér er líkan af „badhúsi" því sem Guðmundur Jónsson arkítekt fékk önnur verðlaun fyrir í húsagerðarsakmeppni í
Noregi. Símamynd.
íslendingur fékk önnur
verðlaun í samkeppni
Osló, 17. mars. Frá
fréltaritara Mbl., Jan Erik Lauré.
GUÐMUNDUR Jónsson arkítekt
fékk önnur verðlaun í norrænni
húsagerðarsamkeppni um nýtt
baðhús í Östersund. „Baðhús“ er
nýstárleg gerð af húsakynnum
sem í tímans rás munu leysa hin-
ar hefðbundnu sundlaugar af
hólmi.
120 tillögur bárust í sam-
keppnina, en öllum arkítektum
á Norðurlöndum var heimilt að
taka þátt í henni. Guðmundur
naut aðstoðar tveggja norskra
arkítekta, Terje Sörlie og Tom
Wike, við útfærslu hugmyndar
sinnar.
Tilgangur samkeppninnar
var að fá hugmyndir um nýt-
ingu á auðu svæði í miðborg
Östersund.
í úrskurði dómnefndar kem-
ur m.a. fram að Guðmundi hafi
verið veitt önnur verðlaun fyrir
mikla dirfsku í list sinni og
hugmynd hans beri gott vitni
um frumleika og sjálfstæði.
Guðmundur sem lauk námi í
húsagerðarlist í Osló fyrir
tveimur árum, er á góðri leið
með að geta sér orð í húsagerð-
arsamkeppnum. T.a.m. fékk
hann fyrstu verðlaun í sam-
keppni arkítektafélagsins í
Osló, sem haldin var í tilefni 75
ára stofnafmælis þess. Auk
þess var önnur hugmynd, sem
Guðmundur átti ásamt Baldri
Svavarssyni í sömu samkeppni,
keypt. Guðmundur hefur
ennfremur unnið til verðlauna
í alþjóðasamkeppni húsagerð-
arlistarnema.
Starfslaun veitt úr Launasjóði rithöfunda:
93 rithöfundar hlutu
293 mánaðarlaun
LOKIÐ er úthlutun starfslauna úr
Launasjóði rithöfunda fyrir áriö
1983, aö því er fram kemur í frétta-
tilkynningu frá Launasjóði rithöf-
unda.
í lögum og reglugerð sjóðsins
segir að árstekjum hans skuli var-
ið til að greiða íslenskum rithöf-
undum starfslaun samkvæmt
byrjunarlaunum menntaskóla-
kennara. Rétt til greiðslu úr
sjóðnum hafa íslenskir rithöfund-
ar og höfundar fræðirita. Þá er og
heimilt að greiða úr sjóðnum fyrir
þýðingar á íslensku.
Starfslaun eru veitt eftir um-
sóknum. Höfundur, sem sækir um
og hlýtur starfslaun þrjá mánuði
eða lengur, skuldbindur sig til að
gegna ekki fastlaunuðu starfi
meðan hann nýtur starfslauna.
Tveggja mánaða starfslaun
skulu eingöngu veitt vegna verka
sem birst hafa á næsta almanaks-
ári á undan og þeim fylgir ekki
kvöð um að gegna ekki fastlaun-
uðu starfi.
Fjárveiting til sjóðsins árið 1983
er kr. 3.600.000 og samsvarar það
um 293 mánaðarlaunum.
Alls bárust að þessu sinni um-
sóknir frá 159 höfundum og sóttu
þeir um nálega 900 mánaðarlaun.
Stjórnin hefur nú lokið úthlut-
un. Hafa 12 rithöfundar fengið
starfslaun í 6 mánuði, 59 hafa
fengið starfslaun í 3 mánuði og 22
höfundar tveggja mánaða laun.
Alls hefur því verið úthlutað
starfslaunum til 93 rithöfunda.
Öllum umsóknum hefur verið
svarað og skrá um úthlutunina
send menntamálaráðuneytinu.
Hér fer á eftir listi yfir þá rit-
höfunda, sem hlutu starfslaun að
þessu sinni.
6 mánaöa starfslaun hlutu:
Anton Helgi Jónsson
Birgir Sigurðsson
Einar Kárason
Guðbergur Bergsson
Hannes Pétursson
Heiðrekur Guðmundsson
Ingimar Erlendur Sigurðsson
Olga Guðrún Árnadóttir
Svava Jakobsdóttir
Thor Vilhjálmsson
Vésteinn Lúðvíksson
Þorsteinn frá Hamri
3ja mánaöa starfslaun hlutu:
Agnar Þórðarson
Ármann Kr. Einarsson
Ásgeir Jakobsson
Áslaug Ragnars
Ástgeir Ólafsson
Auður Haralds
Baldur Óskarsson
Birgir Svan Símonarson
Einar Bragi
Einar Guðmundsson
Eiríkur Jónsson
Erlingur E. Halldórsson
Fríða Sigurðardóttir
Geir Kristjánsson
Guðjón Sveinsson
Guðlaugur Arason
Guðmundur G. Steinsson
Guðrún Svava Svavarsdóttir
Gunnar Gunnarsson
Hilmar Jónsson
Hjörtur Pálsson
Ingibjörg Haraldsdóttir
Ingibjörg Jónsdóttir
Jóhannes Helgi
Jón Björnsson
Jón Óskar
Jón frá Pálmholti
Jón úr Vör
Jónas Árnason
Jónas Guðmundsson
Kristinn Reyr
Kristján frá Djúpalæk
Kristján Jóhann Jónsson
Magnea J. Matthíasdóttir
Nína Björk Árnadóttir
Norma E. Samúelsdóttir
Oddur Björnsson
Ólafur Gunnarsson
Ólafur Ormsson
Ólafur Haukur Símonarson
Pétur Gunnarsson
Sigfús Daðason
Sigurður A. Magnússon
Sigurður Pálsson
Sigvaldi Hjálmarsson
Skúli Guðjónsson
Stefán Hörður Grímsson
Stefán Júlíusson
Steinar Sigurjónsson
Steingrímur Th. Sigurðsson
Steinunn Sigurðardóttir
Sveinbjörn I. Baldvinsson
Ulfar Þormóðsson
Valdís Óskarsdóttir
Þórarinn Eldjárn
Þorgeir Þorgeirsson
Þorsteinn Antonsson
Örn Bjarnason
Örnólfur Árnason
2ja mánaða starfslaun:
Andrés Indriðason
Árni Bergmann
Bolli Þórir Gústavsson
Eðvarð Ingólfsson
Egill Egilsson
Einar Már Guðmundsson
Erlendur Jónsson
Guðrún P. Helgadóttir
Gunnar Dal
Gunnar M. Magnúss
Hreiðar Stefánsson
Indriði Úlfsson
Jón Bjarnason
Kristján Röðuls
Lúðvík Kristjánsson
Magnea Magnúsdóttir
Njörður P. Njarðvík
Óskar Aðalsteinn Guðjónsson
Páll Pálsson
Ragnar Ingi Aðalsteinsson
Viktor Arnar Ingólfsson
Þorsteinn Marelsson
Ólöf Dagbjartsdóttir og Halla Dröfn við mynd Höllu.
Teiknuðu
Línu
f GÆR var opnuð sýning í Þjóð-
leikhúsinu á myndum 5—13 ára
barna úr Myndlistaskólanum.
Myndirnar voru úr samkeppni um
besta auglýsingaveggspjaldið fyrir
leikritið Línu langsokk, sem nú er
verið að sýna í Þjóðleikhúsinu.
Mynd Guðmundu Smáradóttur, 11
ára, var valin besta myndin af 54,
og hlaut Guðmunda 2.000 króna
verðlaun frá Þjóðleikhúsinu auk
áritaðrar bókar. Aðspurð sagðist
hún hafa haft gaman af leikritinu
og að taka þátt í samkeppninni.
Hún sagðist líka vel geta hugsaö
sér að verða myndlistarmaður þeg-
ar hún yrði stór.
Ólöf Dagbjartsdóttir, 11 ára, og
Halla Dröfn, 9 ára, tóku einnig
þátt í keppninni. Voru þær báðar
búnar að sjá Línu langsokk tvisvar
og fannst mjög gaman.
Morgunblaíið/Kristján.
Guðmunda Smáradóttir,
sigurvegari í samkeppninni, ásamt
Línu, sem er með verðlaunaspjald
Guðmundu.
í hinum nýja sýningarsal, frá vinstri Jóhannes Jóhannesson, Guðni Þórðarson, Valtýr Pétursson og Hafsteinn Austmann.
Gallerí íslensk list
NÝR sýningarsalur sem hlotið hefur
nafnið Gallerí fslensk list hefur verið
stofnaður að Vesturgötu 17, Reykja-
vík. Eigandi er Guðni Þórðarson og
sagði hann í viðtali við Mbl.: „Þessum
sýningarsal er ætlað að verða einskon-
ar sölumiðstöð fyrir það besta í ís-
lenskri myndlist, og verða hér ein-
göngu seld og sýnd verk ýmissa
þekktustu málara þjóðarinnar.
Ég hef komist að samkomulagi
við Listmálarafélagið um að annast
val verka og ráðgjöf varðandi rekst-
ur salarins. Geri ég það til að
tryggja að almenningur geti treyst
því að hér verði aðeins listaverk í
boði sem hafa varanlegt listrænt
gildi. Þá verður Galleríið væntan-
lega eini staðurinn þar sem fólk get-
ur komið og skoðað valin listaverk,
sem föl eru á hverjum tíma, keypt
þau og gengið með þau heim með
sér af sýningunni."
Galleríið íslensk list verður
opnað laugardaginn 19. mars kl.
15.00 með sölusýningu á 44 verkum
eftir 13 félaga í Listmálarafélaginu.
Eru það þeir Ágúst F. Petersen,
Bragi Ásgeirsson, Einar B. Bald-
vinsson, Einar Hákonarson, Einar
Þorláksson, Elías B. Halldórsson,
Guðmunda Andrésdóttir, Hafsteinn
Austmann, Jóhannes Jóhannesson,
Kjartan Guðjónsson, Steinþór Sig-
urðsson, Valtýr Pétursson og Vil-
hjáimur Bergsson.
Hið nýja listgallerí verður opið á
virkum dögum frá 9 árdegis til 6 á
kvöldin.
Innköllunartilkynning vegna dánarbús Sól-
veigar Jónsdóttur og Sigurjóns Jónssonar
Eftirfarandi innköllunar-
tilkynning vegna dánarbús
Sólveigar Jónsdóttur og Sig-
urjóns Jónssonar er aö finna
í Lögbirtingablaðinu frá 16.
marz sl.:
Dánarbú Sólveigar Jóns-
dóttur, nnr. 8306-6822, sem
síðast var til heimilis að
Bollagötu 12, Reykjavík og
lést þann 23. desember 1982,
er til opinberra skipta í
skiptarétti Reykjavíkur sem
skuldafrágöngubú.
Sólveig Jónsdóttir mun á
árinu 1963 hafa gengið í
hjúskap með Sigurjóni Jóns-
syni, sem þá var til heimilis
að Bollagötu 12, Reykjavík,
en Sigurjón lést þann 21. maí
1964. Samkvæmt fyrirliggj -
andi gögnum munu skipti á
dánarbúi Sigurjóns ekki hafa
farið fram, og hafði eftirlif-
andi maki hans ekki leyfi til
setu í óskiptu búi.
Við könnun á skjölum í
vörslum dánarbúsins hefur
komið fram erfðaskrá Sigur-
jóns Jónssonar, sem dagsett
er þann 19. apríl 1961, og er
svohljóðandi:
„Ég undirritaður, Sigurjón
Jónsson, Bollagötu 12,
Reykjavík, sem er fjárráða og
á enga lífserfingja, geri hér
með svofellda
arfleiðsluskrá:
Eignarhluti minn í hús-
eigninni Bollagötu 12,
Reykjavík, skal verða
fræðslu- og menningarstofn-
un á vegum Sameiningar-
flokks alþýðu, Sósíalista-
flokksins, og starfi jafnan í
anda sósíalismans, eins og
hann er túlkaður af aðalhöf-
undum hans, Marx, Engels og
Lenin.
Stjórn stofnunarinnar
verði skipuð 3 mönnum, sem
valdir skulu af stjórn Sósíal-
istafélags Reykjavíkur.
Eigi er heimilt að selja
eignina nema andvirði henn-
ar sé jafnframt varið til að
koma upp fræðslu- og menn-
ingarstofnun á vegum flokks-
ins.
Stjórn Sósíalistafélags
Reykjavíkur lætur setja
stofnuninni starfsreglur.
Stjórn stofnunarinnar skal
heimilt að nota hana í þágu
flokksins að svo miklu leyti,
sem það fer ekki í bága við
megintilgang hennar.
Sósíalistaflokkurinn eða sá
aðili, sem kemur í hans stað,
skal sjá um rekstur og við-
hald stofnunarinnar að öllu
leyti á sinn kostnað, enda er
óheimilt að taka lán í nafni
hennar né veðsetja hana.
Verði Sameiningarflokkur
alþýðu, Sósíalistaflokkurinn,
lagður niður, eða klofni hann
í fleiri flokka, starfi stofnun-
in jafnan undir stjórn og á
vegum þess flokks, sem skip-
ar sér í hina alþjóðlegu fylk-
ingu marxísk-leninískra
flokka og er viðurkenndur af
henni. Fari svo, að enginn
slíkur flokkur verði til um
skeið, skal stofnunin halda
áfram að starfa sem óháð
fræðslustofnun í sama anda
og áður getur undir þriggja
manna stjórn, sem valin sé af
formönnum Reykjavíkur-
deilda vináttufélaga íslands
og sósíalísku landanna.
Allar aðrar eignir, hverju
nafni sem nefnast, skulu
renna til áðurnefndrar stofn-
unar, og skal þeim eða and-
virði þeirra varið til að greiða
áhvílandi skuldir á íbúðinni
og til kaupa á húsbúnaði og
bókum handa stofnuninni.
Ég áskil mér þó rétt til að
ráðstafa einstökum munum
öðruvísi en að framan grein-
ir, og finnist í vörslum mín-
um listi yfir slíka ráðstöfun,
óska ég að eftir honum verði
farið, enda þótt hann verði
ekki í lögmæltu erfðaskrár-
formi.
Erfðaskrá þessa undirrita
ég í viðurvist notarii publici i
Reykjavík.
Skráin er gerð í tveim sam-
hljóða eintökum, sem bæði
skulu jafngild, en breytingar
eru því aðeins gildar, að þær
séu færðar á bæði eintökin í
viðurvist notarii publici eða
tveggja votta skv. erfðalög-
um. Ánnað eintakið varðveiti
ég undirritaður en hitt skal
geymt í vörslum Sigurðar
Baldurssonar, hrl., Vonar-
stræti 12, Reykjavík.
Reykjavík, 19.
apríl 1961.
Sigurjón Jónsson
(sign.)“
Á erfðaskránni er ritað
notarialvottorð um undirrit-
un hennar á ofangreindum
degi.
Hér með er skorað á alla
þá, er telja til arfs eftir Sig-
urjón Jónsson og Sólveigu
Jónsdóttur, er bæði voru síð-
ast til heimilis að Bollagötu
12, Reykjavík, samkvæmt
framanritaðri erfðaskrá eða
samkvæmt ákvæðum laga um
lögerfðarétt, svo og þá, er
telja til skulda í dánarbúum
þeirra, að lýsa kröfum sínum
fyrir undirrituðum skipta-
ráðanda innan fjögurra mán-
aða frá síðustu birtingu inn-
köllunar þessarar.
Skiptaráðandinn í
Reykjavík,
25. febrúar 1983.
Markús Sigurbjörnsson, ftr.