Morgunblaðið - 04.06.1983, Blaðsíða 37
MORGUNBLAÐIÐ, LAUGARDAGUR 4. JtJNÍ 1983
37
er sú staðreynd að starfsemi KGB
er að verða mun öflugri á íslandi
en starfsemi CIA.
Ég álít mikinn sannleika fólg-
inn í því að ein af allra árangurs-
ríkustu aðferðum til að efla
heimsfriðinn sé hin almenna
menningarstarfsemi þjóða og ein-
staklinga. En það er einmitt að
slíkri starfsemi sem hinar erlendu
leyniþjónustur leggja sérstaklega
áherzlu á að beina spjótum sínum.
Og sérstaklega er unnið gegn þeim
þjóðum og einstaklingum sem
vinna að menningarstörfum á al-
gjörlega sjálfstæðan hátt.
Reynslan sýnir að leninisminn
er ekki stjórnmál í víðri merkingu,
heldur mjög frumstæð og hættul-
eg trúarbrögð. Og eins og ýmsir
bandarískir stjórnmálamenn og
hagfræðingar hafa bent á, t.d.
Galbraith, vinnur CIA ekki fyrir
bandarísku þjóðina, heldur fyrir
hina svokölluðu mónópólkapital-
ista, sem einnig láta stjórnast af
lífshættulegum trúarbrögðum.
Ég vona að allir islenzkir
stjórnmálaflokkar reyni að sam-
einast um það að efla sjálfstæða,
íslenzka menningu og halda hin-
um erlendu leyniþjónustumönnum
og íslenzkum hjálparkokkum
þeirra í hæfilegri fjarlægð frá ís-
lenzkri menningarstarfsemi.
Stórveldin verða að læra að þola
það, að hinar ýmsu þjóðir innan
samtaka SÞ fari sínar eigin leiðir
í viðleitni sinni til aukinnar
sjálfstæðrar menningar og bar-
áttu fyrir heimsfriði.
Beztu kveðjur."
— Það var einhver Þ.B. að
velta því fyrir sér hér í dálkun-
um í morgun (fimmtudag), hvort
Hafnfirðingar hefðu gleymt
Guði sínum, þar eð kirkju þeirra
væri alfarið haldið utan við há-
tíðarhöldin nema sem hljóm-
leikasal. Vegna þessa vil ég taka
fram, að Hafnarfjarðarkirkja
gleymdi a.m.k. ekki Guði sínum
á þessu merkisafmæli bæjarins.
Á sunnudaginn var messaði
presturinn, sr. Gunnþór Ingason,
og minntist afmælisins í
vandaðri ræðu. Sunginn var
„þjóðsöngur" Hafnarfjarðar,
„Þú hýri Hafnarfjörður", eftir
Friðrik Bjarnason og Guðlaugu
Pálsdóttur, og sálmarnir voru
valdir með tilliti til verndar
lands og lýðs í tilefni dagsins.
Messan var að vísu ekki haldin
að ósk hátíðarnefnarinnar, en
það var sem sagt messað og há-
tíðarblær yfir tali og tónum.
Hins vegar má til sanns vegar
færa, að þeir hafi gleymt Guði
sínum, sem ekki sóttu þessa at-
höfn, og það verður því miður að
segjast eins og er, að allt of fáir
sáu ástæðu til að vera þar
nærstaddir.
Skrifið eða
hringið til
Velvakanda
Velvakandi hvetur lesendur til
að skrifa þættinum um hvaðeina,
sem hugur þeirra stendur til —
eða hringja milli kl. 11 og 12,
mánudaga til lostudaga, ef þeir
koma því ekki við að skrifa.
Meðal efnis, sem vel er þegið,
cru ábendingar og orðaskipti,
fyrirspurnir og frásagnir, auk
pistla og stuttra greina. Bréf
þurfa ekki að vera vélrituð, en
nöfn, nafnnúmer og heimilisföng
verða að fylgja öllu efni til þátt-
arins, þó að höfundar óski nafn-
leyndar.
Sérstaklega þykir ástæða til að
beina því til lesenda blaðsins
utan höfuðborgarsvæðisins, að
þeir láti sinn hlut ekki eftir liggja
hér í dálkunum.
Þurfum að greiða
skuldir okkar
við landið
Sveinn Guðmundsson skrifar:
„Velvakandi góður.
Þegar vorið hefur gengið í
garð þá getur bæði rómantík og
raunsæi átt samleið og gert það
að raunveruleika að klæða land-
ið skógi.
Til þess að það sé hægt þarf
skólakerfið að opna dyr sínar
upp á gátt og hleypa vorinu inn í
skólana.
Það ætti að vera skylda hvers
skólanemanda að planta 10 skóg-
arplöntum á ári í þar til gerð
svæði er skólinn sér um.
Þeim sem eru í forustusveit ís-
lenskrar gróðurverndar er best
treystandi til þess að móta þessa
hugmynd.
Við þurfum að greiða skuldir
okkar við landið og koma í veg
fyrir áframhaldandi uppblást-
ur.“
Bekkjarbæn
Magnús Guðbrandsson sendir okkur eftirfarandi vísu með sérstakri
kveðju til forsvarsmanna Strætisvagna Reykjavíkur:
Eftir aö hafa álpast víöa
ofan í Reykjavíkurborg,
gott væri'aö fá á bekk að bíða
bíls nr. 7 viö Lækjartorg.
GÆTUM TUNGUNNAR
Heyrst hefur: Þeir þekkja hvorn annan.
Rétt væri: Þeir þekkja hvor annan.
Oft færi best: Þeir þekkjast.
Bendum börnum á þetta!
Akranes:
Öflugt æskulýðsstarf
Akranesi, 29. maí.
Starfsemi æskulýðsnefndar
Akraness hefur farið mjög vaxandi
á undanförnum árum, og hefur
meðferð æskulýðsmála verið til
mikillar fyrirmyndar í kaupstaðn-
um. Haldið er úti mjög fjölbreyttu
starfi, bæði á vegum nefndarinnar
svo og hinna fjölmörgu félaga og
klúbba sem starfandi eru.
Æskulýðsheimilið Arnardalur er
opið daglega yfir vetrarmánuðina,
þar eru haldnir dansleikir og mikil
klúbbastarfsemi er þar í gangi svo
nokkuð sé nefnt.
Æskulýðsnefnd hefur nú nýlega
kynnt sumarstarf sitt og verður það
mun fjölbreyttara en verið hefur
undanfarin ár. Nefndin mun í sam-
ráði við frjáls félög í bænum efna
til leikja- og fræðslunámskeiða alls
sex að tölu. Hvert námskeið er
sjálfstætt og mun standa í eina
viku og eru þau ætluð börnum á
aldrinum 7—10 ára. Fyrirkomulag
er þannig, að börnin koma að
morgni og eru við leiki og störf til
kl. 16.00. Börnin fara ekki heim til
hádegisverðar og þurfa því að hafa
með sér nesti. Dagskrá þessara
námskeiða er fjölbreytt, farin er
ein heilsdagsferð út úr bænum og
eru þá heimsóttir sögufrægir staðir
í Borgarfirði. Siglt verður meðfram
strandlengjunni við Akranes, farið
í veiðiferð og skoðanaferðir í fyrir-
tæki og stofnanir svo nokkuð sé
nefnt. Á hverju námskeiði er áætl-
að að börnin geri videómynd sem
þau síðan fá að sjá í lok námskeiðs-
ins.
Einnig efnir nefndin til útilífs-
námskeiðs sem ætlað er 11—12 ára
börnum. Farið er í sumarbúðir í
Skorradal, eins er fyrirhugað að
kynnast starfi bóndans og m.a. fara
í heyskap. Áætlað er að halda tvö
slík námskeið.
Hverjum þátttakanda er frjálst
að sækja eins mörg námskeið og
hann óskar.
Æskulýðsnefndin mun í sumar
sjá um rekstur vinnuskóla og er það
nýjung frá því sem áður var. f skól-
ann verða teknir 14—15 ára ungl-
ingar, eða þeir sem fæddir eru
1968—1969. Unnið er í 7 tíma á dag
og verður unglingunum skipt í
marga smáa vinnuhópa sem hver
um sig hefur einn flokks ijóra.
Áætlað er að unnið verði í átta vik-
ur, en það fer þó eftir því hve mikið
verður um verkefni, og eins hve
margir þátttakendur verða. Þannig
verður starfsemin miðið við verk-
efnaframboð. Verkefni verða mun
fjölbreyttari en áður hefur verið og
meðal þeirra verður öll umsjón með
opnum svæðum í bænum, vinna við
skógrækt, blómarækt og aðstoð-
arstörf við gæsluvelli, leikskóla og
dagheimili svo nokkuð sé nefnt.
Æskulýðsheimilið verður ekki
opið í sumar um kvöld og helgar, þó
mun verða þar húsnæðisþjónusta
fyrir félög og samtök.
Ýmislegt fleira er gert fyrir börn
og unglinga á Akranesi, t.d. starf-
semi á vegum félagsmálaráðs.
Gæsluvellir eru opnir fyrir börn
2—6 ára. Starfsvellir eru reknir
fyrir börn 7 ára og eldri, þar fá
börn timbur til að bvggja kofa og
þ.h.
Skólagarðar verða reknir í sumar
eins og áður, þeir eru ætlaðir börn-
um 9—12 ára. Þar felst vinnan mest
í ræktun á algengum grænmetis-
tegundum og er uppskeran laun
barnanna fyrir starfið. Af framan-
sögðu má sjá að unglinga á Akra-
nesi skortir ekki verkefni til að tak-
ast á við þegar skólastarfið liggur
niðri vegna sumarlevfa.
J.G.
BILLINN
BÍLASALA SÍMI 79944 SMIÐJUVEGI 4 KÓPAVOGI
Læknastöðin
Landakoti
Marargötu 2. Sími 26133.
Höfum opnaö lækningastofur aö
Marargötu 2, Reykjavík
Árni V. Þórsson,
sérgr.: Barnalækningar,
hormóna- og efnaskipta-
sjúkdómar barna.
Guöjón Lárusson,
sérgr.: Lyflæknisfræði,
hormóna- og efnaskipta-
sjúkdómar.
Halldór Steinsen,
sérgr.: Lyflækningar
og gigtsjúkdómar.
ísak G. Hallgrímsson,
sérgr.: Orku- og endur-
hæfingalækningar.
Kjartan Magnússon,
sérgr.: Skurölækningar,
kvensjúkdómar og
fæöingarhjálp.
Ólafur Gunnlaugsson,
sérgr.: Lyflækningar
og meltingarsjúkdómar
Siguröur E. Þorvaldsson,
sérgr.: Almennar skurö-
lækningar og
plastikskurölækningar.
Sævar Halldórsson,
sérgr.: Barnasjúk' ómar.
Þorsteinn Gíslasun,
sérgr.: Þvagfæra-
skurðlækningar.
Ásgeir Jónsson,
sérgr.: Lyflækningar og
hjartasjúkdómar.
Guömundur Viggósson,
sérgr.: Augnsjúkdómar.
Ingimundur Gíslason,
sérgr.: Augnsjúkdómar.
Jóhann L. Jónasson,
sérgr.: Lækninga-
rannsóknir.
Ólafur Örn Arnarson,
sérgr.: Þvagfæra-
lækningar.
Siguröur Björnsson,
sérgr.: Lyflækningar og
lyflækningar krabba-
meinssjúklinga.
Sigurgeir Kjartansson,
sérgr.: Almennar skurö-
lækningar og æöaskurö-
lækningar.
Tómas Á. Jónasson,
sérgr.: Lyflækningar og
meltingarsjúkdómar.
Þröstur Laxdal,
sérgr.: Barnalækningar.