Morgunblaðið - 01.08.1986, Qupperneq 54

54
MORGUNBLAÐIÐ, FÖSTUDAGUR 1. ÁGÚST 1986

Kvennagolf hjá GS:
Þrjú fjörug mót
á stuttum tíma
• Sævar Jónsson
UNDANFARNA daga hafa verið
haldin þrjú kvennamót í golfi hjá
Golfklúbbi Suðurnesja.
Lancome-keppnin var haldin þar
og var óvenju mikill vindur þegar
keppnin fór fram, og það svo að
keppendur áttu í mestu erfiðleik-
um með að standa á vellinum.
Yngsti keppandinn lét það ekki á
sig fá og sigraði í keppninni,
bæði með og án forgjafar. Sú
heitir Karen Sævarsdóttir úr GS
og er hún aðeins 13 ára gömul.
Þessi keppni var sú síðasta sem
haldin var frá gamla klúbbhúsi
Suðurnesjamanna og var viss
söknuður í mönnum. Karen vann
eins og áður segir, lék á 88 högg-
um, en móðir hennar, Guðfinna
Sigurþórsdóttir lék á 96 höggum
og nældi í annað sætið. Aðalheiður
Jörgensen úr GR varð þriðja á 101
höggi. Karen lék á 68 höggum
nettó og það varð Katla Olafs-
dóttir úr GR í öðru sæti með 76
högg en Guðfinna í því þriðja með
77 högg.
Guerlain: Þetta er í annað
sinn sem Guerlain-mótið er haldið
og er þetta punktakeppni sem er
góð tilbreyting frá höggleiknum þvi
þá geta menn tekið upp boltann
ef þeir fá „sprengju" og sleppt þvi
að skrifa skorið.
Aðalheiður Jörgensen úr GR
vann þetta mót með 34 punkta en
Hildur Þorsteinsdóttir GK varð
önnur með 31 punkt og Steinunn
Sæmundsdóttir fékk einnig 31
punkt í þriðja sætið. Jóhanna Ing-
ólfsdóttir, en hún og Steinunn eru
í GR, varð fjórða með 30 punkta.
Kosta Boda: Jóhanna Ingólfs-
dóttir úr GR varð fyrst, bæði í
keppninni með og án forgjafar.
Notaði alls 85 högg en nettó fór
hún á 73 höggum. Ásgerður Sverr-
isdóttir varð önnur í keppninni án
forgjafar á 89 höggum og Þórdís
Geirsdóttir þriðja á 89 höggum.
Ágústa Guðmundsdóttir varð önn-
ur með forgjöf á 76 höggum og
Kristín Sveinbjörnsdóttir lék einnig
á 76 höggum í þriðja sætið.
Norska Dagblaðið um Sævar Jónsson:
Sterkur
sem uxi
Frá Bjama Jóhannessyní fréttaritara Morgunblaðsins í Osló.
Cram sigraði í
800 m hlaupi
BRANN, liðið sem Bjarni Sigurðs-
son og Sævar Jónsson leika með,
er efst í annarri deild, B-riðli, eft-
ir hálfnað mót — en aðeins
tveimur stigum á undan næsta
liði. Þessi árangur Brann kemur
engum á óvart hér í Noregi, þvi
margir góðir leikmenn gengu til
liðs við félagið fyrir keppnistíma-
bilið.
Þjálfara þessa liðs kannast allir
islendingar við, en það er gamli
refurinn Tony Knapp. Fólk í Bergen
M hefur verið óánægt með knatt-
spyrnuna sem Brann spilar, þykir
hún ekki nógu áferðarfalleg, og
einnig er kvartað yfir því að liðið
skori ekki nægilega mikið af mörk-
um. Þetta hefur m.a. orðið til þess
að færri og færri hafa sótt leiki
Brann.
Brann virðist hinsvegar hafa
notað sumarfríið til að fínpússa
leikstíl sinn og hefur staðið sig
mjög vel í þeim leikjum sem þeir
hafa spilað í júlí. Má þar nefna
5:0-sigur Brann á HamKam, en
það lið er í öðru sæti í fyrstu deild.
Um síðustu helgi lék síðan Brann
við Mjöndalen, liðið sem er númer
eitt í fyrstu deild, og ekki var það
hindrun heldur því Brann sigraði
2:0.
Það hefur vakið athygli hve
Brann fær fá mörk á sig og er það
fyrst og fremst þakkað sterkri vörn
og góðri markvörslu Bjarna. Sævar
Jónsson skoraði annað mark
Brann á móti Mjöndalen, og þótti
standa sig mjög vel í leiknum.
Norska Dagblaðið sagði um Sævar
eftir leikinn: „Hinn íslenski lands-
liðsmaður, Sævar Jónsson, er
byrjaður að sækja framar á völlinn
úr miðvarðarstöðunni, hann er
sterkur sem uxi, fljótur með bolt-
ann, og skýtur eins og hestur.“
Hvort þetta eru góð ummæli
eða slæm um knattspyrnumann
er ekki gott að segja.
STEVE Cram sigraði f 800 m
hlaupi á Samveldisleikunum í gær
og setti nýtt Samveldisleikjamet,
þegar hann hljóp á 1:43,22
mínútu, sem er jafnframt besti
tími sem náðst hefur í greininni
á árinu.
Cram tók forystuna í hlaupinu
þegar 200 metrar voru eftir og
hélt henni til loka. Gert var ráð
fyrir að hápunktur Samveldisleik-
anna yrði einvígi Sebastian Coe
og Steve Cram í 1500 m og 800
m hlaupi, en þeir hafa ekki keppt
á sama móti á þessu ári. Coe varð
að hætta við þátttöku vegna veik-
inda, en heimsmet hans í 800 m
hlaupi er 1:41,73 mínúta. Fjarvera
Coes var mótshöldurunum mikið
áfall, en flest hefur gengið á aftur-
fótunum sem hefði getað gert
Samveldisleikana að því stórmóti
sem þeir voru áður. Sem kunnugt
er hættu fjölmörg ríki við þátttöku
vegna afstöðu bresku stjórnarinn-
ar í Suður-Afríku.
Kirsty Wade sigraði í 800 m
hlaupi kvenna á 2:00,94 mínútu,
sem er nýtt Samveldisleikjamet.
Norsku meistararnir:
Reka
þjálfara
á sama
árstfma
Frá Bjarna Jóhannesoyni frótta-
rrtara Morgunblaðsins í Noregi.
LÍTIÐ hefur farið fyrir fótbolta
hér í Noregi að undanförnu
þar sem frændur okkar hafa
þann sið að taka sér sumarfrí
altan júlímánuð. Reyndar má
segja að dauft hafi verið yfir
fótboltamálum hér í alit sum-
ar. Heimsmeistarakeppnin i
Mexíkó tók sinn toll enda kusu
margir að sitja heima fyrir
framan sjónvarpið með ölið
sitt, í stað þess að fara á völl-
inn.
Nú er keppnin í hinum 10
deildum nákvæmlega hálfnuð,
og keppnin í fyrstu deild er
mjög jöfn og spennandi. Mjön-
dalen er efst með 15 stig og
HamKam sem vann sér sæti í
1. deild á síðasta keppnistíma-
bili er í öðru sæti með 14 stig.
Lilleström er með 12 stig, en
því liði er áfram spáð sigri i
deildinni þrátt fyrir að vera að-
eins í 4.-5. sæti nú. Rosenborg,
meistararnir frá í fyrra, eru að-
eins með 9 stig og hafa valdið
miklum vonbrigðum það sem
af er. Viking frá Stavanger, liðið
sem Pétur Arnþórsson leikur
með, er næst neðst í deildinni
og á því erfitt haust í vændum.
Rosenborg rak nýlega þjálf-
ara sinn og réð í staðinn Arne
Dokken, gamlan landsliðs-
mann. Svo skemmtilega vill til
að nákvæmlega það sama
gerðist á síðasta keppnistíma-
bili hjá sama félagi. Þjálfarinn
sem þá var fékk sparkið og
sami Árne Dokkan tók við liðinu
á miðju sumri þegar það var 7
stigum á eftir toppliðunum —
en Dokkan gerði kraftaverkið
og Rosenborg vann deildina í
lokin.
WILLIAMS-liðið er óstöðvandi í
heimsmeistarakeppninni í
Formula 1 kappakstri. Á sunnu-
daginn sigraði Brasilíumaður-
inn Nelson Piquet í vestur-
þýska kappakstrinum á Will-
iams, en félagi hans, Bretinn
Nigel Mansell, varð þriðji.
Mansell hefur sigrað fjórum
sinnum í keppni á árinu, en átti
í vandræðum með keppnisbíl
sinn núna. Brasilíumaðurinn
Ayrton Senna á Lotus náði öðru
sæti.
Kappaksturinn á
Hokkenheim-brautinni var sá
tíundi af sextán, sem í heims-
meistarakeppninni eru.
Williams-liðið hefur náð góðum
árangri, aðallega vegna þess að
vélarnar sem liðið notar eru þær
bestu. Þær koma frá Honda í
Japan, en auk þess hefur Nigel
Mansell blómstrað í ökumanns-
sætinu. Hann átti þó erfitt
uppdráttar um helgina, fjöðrunin
í bílnum var skökk og undirvagn-
inn eitthvað losaralegur. Venju-
lega hefur Piquet þurft að slást
við bilaðan bíl, en dæmið snerist
við um helgina. Finninn Keke
Rosberg náði forystu á Hokken-
heim-brautinni, slapp við ringul-
reið í startinu. Rosberg ekurfyrir
• Williams-liðið hefur skákað veldi McLaren og er efst.
McLaren, en hyggst hætta kapp-
akstri í lok ársins. Piquet kom
Rosberg næstur í byrjunarhringj-
unum, síðan komu Senna á Lotus
og heimsmeistarinn Alain Prost
á McLaren. Staðan hélst lengi
sú sama, eða þar til í 15. hring
að Piquet lét skipta um öll dekk
og féll við það niður í fjórða
sætið. Prost skaust fram úr Ros-
berg, en lét síðan skipta um
dekk.
Piquet náði síðan fyrsta sæt-
inu að nýju í 20. hring, en lét
skipta um dekk í 27. hring, á
meðan McLaren bílar Prost og
Rosberg voru á sömu dekkjum.
Aukið grip gaf Williams Piquet
meiri stöðugleika og hann fór
fram úr Rosberg þegar aðeins
Formula 1-kappakstur:
Williams-liðið óstöðvandi
Rosberg, sem báðir stöðvuðust
á brautinni. Prost reyndi að ýta
sínum bil síðustu metrana en
gafst upp og endaði í sjötta
sæti. Á meðan fóru bæði Mans-
ell og Réne Arnoux á Ligier
framhjá og nældu í dýrmæt stig
í heimsmeistarakeppninni.
Lokastaðan
1. Nelson Piquet, Williams
1.22.08 klst.
2. Ayrton Senna, Lotus 1.22.23
klst.
3. Nigel Mansell, Williams
1.22.52 klst.
4. René Arnour, Ligier 1.23.23
klst.
5. Keke Rosberg, McLaren hring
á eftir
6. Alain Prost, McLaren hring á
eftir
7. Dereck Warwick, Brabham
hring á eftir
8. Patrick Tambay, lokahring á
eftir
Staðan i heimsmeistarakeppni
ökumanna:
1. Nigel Mansell, Bretlandi 51
2. Alain Prost, Frakklandi 44
3. Ayrton Senna, Brasilíu 42
4. Nelson Piquet, Brasilíu 38
5. Keke Rosberg, Finnlandi 19
6. Jaques Laffiee, Frakklandi 14
6. Rene Arnoux, Frakklandi 14
fimm hringir voru eftir og hélt
forystunni til baka.
I lokahringnum fóru vélar i
þremur af forystubílunum að
hiksta, Lotus Senna, McLaren
bílar Rosberg og Prost. Senna
skutlaði sínum bíl til og frá á
brautinni og náði þannig að
skvetta bensíni inn á vélina og
skreið fram úr bílum Prost og