Morgunblaðið - 29.12.1988, Blaðsíða 7

MORGUNBLAÐIÐ, VlDSKIPn/AIVINNUlÍF B'IMMTUDÁÓlMiáð. DBSEMðER 1988«
B T
rist það og í vöxt, að innlendir
framleiðendur flytji inn vöru í not-
endaumbúðum, sem ekki borgar
sig að framleiða hér á landi.
Að lokum kom Óskar inn á
rekstrartæknilegu hlið iðngreinar-
innar og benti í því sambandi á að
á tímum innflutningshafta hefði
íslensk framleiðsla fengið á sig það
slyðruorð sem hún hefur átt erfitt
með að reka af sér fram til þessa
vegna þess að þá hafi meiri áhersla
verið lögð á vöruval en vörugæði.
Nú hafa framleiðendur betur að-
lagað reksturinn að breyttum
markaðsaðstæðum og vinni með
langtímamarkmið í huga í sam-
ræmi við innri styrk, ytri aðstæður
og spár í framtíðina.
Lina G. Atladóttir, markaðsráð-
gjafi hjá Félagi íslenskra iðnrek-
enda, fjallaði um breytta markaðs-
hlutdeild og möguleika á útflutn-
ingi. í máli hennar kom fram að
samkvæmt lauslegri könnun væri
smásöluverð innflutts þvottaefnis
umtalsvert hærra en það íslenska.
Þrátt fyrir það virtist sem meira
seldist af innfluttu vörunni, e.t.v.
vegna hentugri umbúða á innfluttu
vörunni. Hún lagði áherslu á að
framleiðendur málningar og hrein-
lætisefna þyrftu að vanda til þjón-
ustugæða t.d. hvað varðar af-
hendingu, gæði umbúða, góðar
leiðbeiningar á umbúðum og aðra
þætti sem hafa áhrif á kauphegð-
un. Þá væri ekki síður mikilvægt
að hafa gott samstarf við verslan-
ir, með ábendingum um hvernig
varan er seld og hvernig henni sé
raðað upp. „Það er einnig uggvæn-
leg þróun þegar seljendur útiloka
íslenska framleiðslu úr sínum
verslunum og selja einungis sinn
eigin innflutning og gefa innlendu
framleiðslunni ekki einu sinni tæki-
færi,“ sagði Lína.
Einhugur um aukið
samstarf í umbúðagerð
Á þemadegi í umbúðaiðnaði og
greinum tengdum honum ríkti
mikill einhugur um að komið yrði
á auknu samstarfi um umbúða-
framleiðslu og þjónustu sem teng-
ist henni. Ekki gafst þá ráðrúm
til að skilgreina hver yrði samræm-
ingaraðilinn eða hvernig skyldi
nákvæmlega staðið að samræm-
ingu.
Þátttakendur á fundinum voru:
Hönnuðir frá auglýsingastofum,
umbúðaframleiðendur, vörufram-
leiðendur, fulltrúar frá Neytenda-
samtökunum, Iðntæknistofnun,
FII, umbúðafræðingur o.fl.
Fram kom að þeir aðilar sem
tengjast umbúðaframleiðslu hér á
landi eiga í vök að veijast gagn-
vart erlendum umbúðaframleið-
endum. Þó mátti skilja að sömu
forsendur væru fyrir hendi hér að
því undanskildu að allri skipulagn-
ingu og samræmdri þjónustu væri
mjög ábótavant.
Ástæður þess að erlendir um-
búðaframleiðendur auka markaðs-
hlutdeild sína hér á landi voru eink-
um taldar þessar:
1. Erlendir umbúðaframleiðendur
bjóða vöruframleiðendum heild-
arlausn við endurnýjun umbúða
eða umbúðir fyrir nýja vöru. í
því felst að sami aðili skilgrein-
ir hvemig umbúða er helst þörf
á með tilliti framleiðandans,
flutninga, smásölunnar, hönn-
unar og neytandans. Sami aðili
sér einnig um sjálfa hönnunina,
framleiðsluna á umbúðunum
o.fl. Hér á landi þarf vörufram-
leiðandinn sjálfur að leita fyrir
sér um hagstæðustu lausnirnar
á hveiju stigi fyrir sig.
2. íslenskir umbúðaframleiðendur
eru ekki nógu iðnir við að leita
uppi nýja viðskiptavini. Skand-
inavíski umbúðaframleiðendur.
eru hins vegar stöðugt á ferð-
inni hér til að bjóða vöru sína
og þjónustu.
3. Flutningar á umbúðum erlendis
frá hafa orðið dýrari og gengis-
skráning er erlendum aðilum í
vil.
Eins og áður segir ríkti mikil
samstaða um að úrbóta væri þörf.
Þessi atriði voru einkum nefnd til
úrbóta:
1. Myndaður verði vinnuhópur
sem „kortleggi" hvaða atriði
vömframleiðandi þarf að fara í
gegnum þegar hann þarf á nýj-
um umbúðum að halda. í þess-
um hóp verði t.d. fulltrúar frá
hönnuðum, umbúðafræðinga,
vöruframleiðendum, umbúða-
framleiðendum og neytendum.
2. Gerður verði listi yfir hvaða
aðilar framkvæmi hina ýmsu
þætti í því ferli sem nýjar um-
búðir fara í gegnum.
3. Settar verði ákveðnar reglur
um hvernig skuli staðið að
umbúðaframleiðslu.
4. Kannað verði hvaða aðilar geti
sameinast í framleiðsluferli
umbúða.
Endurbæta þarf ímynd
íslenskra húsgagna
og innréttinga
Það þarf að auka gæði, auglýsa
upp íslensk gæði, auka virðingu
fyrir því sem er íslenskt og byggja
upp þjóðarstolt í því sambandi og
leggja áherslu á útflutning á sér-
stökum vörum miðað við sérstakir
þarfir lítils hluta markaðarins.
Þetta var meðal niðurstaðna
þemadags í húsgagna- og innrétt-
ingaiðnaði. En þar var rætt um
vöruþróun, markaðsmál, sjálf-
virkni og fræðslumál.
Helstu vandamál í markaðsmál-
um iðngreinarinnar voru talin
smæð markaðarins, markaðssveifl-
ur, að menn þyrftu að vera með
of fjölbreytt vöruval og oftrú væri
á erlend gæði. Rætt var um að
fólk gerði meiri kröfur til innlendr-
ar vöru en innfluttrar og ætlaðist
jafnframt til að afhendingartími
íslenskra vara væri óeðlilega
skammur.
Þær lausnir sem menn sáu var
m.a. að vegna smæðar framleiðsl-
unnar bæri að fara í sérgreind og
sérstök viðskipti og ná t.d. 90%
af einu prósenti á markaðnum.
Einnig var lögð á það áhersla að
íslensk fyrirtæki ynnu meira sam-
an bæði í framleiðslu og að mark-
aðsmálum.
Helstu vandamál varðandi hönnun
og vöruþróun í íslenskum fyrir-
tækjum í dag voru talin að fagleg
hönnun er ekki nógu mikil, tals-
vert er um stælingar og virðist
skorta siðferðiskennd að því leyti
auk þess sem mynsturvernd er
ábótavant og var bent á að þeir
sem hafa góðaf hugmyndir hræð-
ast að þeim verði stolið frá þeim.
Þegar hugmynd vaknar hjá hönn-
uði getur verið erfitt að koma henni
i framleiðslu og tilfinningalega
vantar ijármagn, t.d. sérstakan
sjóð til að styrkja nýframleiðslu.
B*»/KO»^EKl6UM»
I
GJALDEYRISSVIÐ
VERSLUNARBANKANS
FLYTUR
í HÚS VERSLUNARINNAR
Þann 2. janúar 1989 opnar Gjaldeyrissvið
Verslunarbankans á nýjum stað, í Húsi verslunarinnar,
Kringlunni 7, 2. hæð.
Frá þeim tíma verður öll afgreiðsla á erlendum ábyrgðum
og lánum þar. Afgreiðsla á erlendum innheimtum verður
í útibúinu á 1. hæð í Húsi verslunarinnar.
Almenn gjaldeyrisafgreiðsla er auðvitað áfram á öllum
afgreiðslustöðum bankans.
Verið velkomin á nýja staðinn, næg bílastæði og þægileg
aðkoma.
VERSLUNARBANKINN, GJALDEYRISSVIÐ
Húsi verslunarinnar, Kringlunni 7.
Sími 687200, telex 3027, telefax 31070.
V6RSLUNRRBRNKINN
-cAÚuutr vneð þén f