Morgunblaðið - 17.06.1994, Side 10

10 FÖSTUDAGUR 17. JÚNÍ 1994 Fv MORGUNBLAÐIÐ
LÝÐVELDIÐ ÍSLAND ^ 50ÁRA

Undirbúningur afmælishátíðarinnar á Þingvöllum hefur gengið eftir áætlun

VIÐ aðkeyrsluna að Lögbergi hefur verið hlaðinn upp á gamla mátann steinvegg-
ur. Heiðurinn að honum á Gunnar Gunnarsson garðyrkjumeistari en hér sjást
þeir Frosti Pálsson og Gylfi Hafsteinsson aðstoða við hleðsluna.
SÍLDARPLANI hefur verið komið upp á Þingvöllum og þar verður verkuð síld,
líkt og á síldarárunum. Ellar Elefsen leggur hér sitt af mörkum svo hin þjóðlega
Islandssíid megi njóta sín í dag.
Lokahönd
lögð
á verkið
YFIR þijú hundruð starfsmenn
voru á Þingvöllum í gær að
ljúka seinasta undirbúningi fyr-
ir afmælishátíðina. Verkið hef-
ur gengið að mestu hnökralaust
fyrir sig og allt á að vera til í
dag þegar fólkið byrjar að
streyma til Þingvalla. „Undir-
búningurinn hefur gengið mjög
vel og veðrið hefur hjálpað okk-
ur mikið undanfarið. Með 130
unglingum frá Þjóðgarðinum,
starfsmönnum Pósts og síma,
rafvirkjum, trésmiðum og öðru
starfsfólki eru hér um þrjú til
fjögur hundruð manns,“ sagði
Sveinn Fjeldsted verkstjóri
framkvæmdanna á Þingvöllum.
í fyrradag var unnið langt
fram á kvöld að sögn Sveins og
sú saga endurtók sig í gær.
Gærdagurinn fór að mestu í til-
tektir og að fínvinna hlutina.
Aðspurður sagði Sveinn að
ýmislegt af því, sem gert hefur
verið fyrir afmælishátíðina
muni nýtast til framtíðar.
„Tjöldin verða auðvitað öll rifin
og pallarnir," sagði hann, „en
það er ýmislegt, sem stendur
eftir. Bílastæði hafa verið
stækkuð, göngustígar hafa ver-
ið lagfærðir og tröppur hér og
þar. Einnig mun falleg kross-
borg, sem hér var hlaðin standa
eftir.“
MENN treysta ekki lengur á hljómburðinn á
Þingvöllum eins og gert var á þjóðveldisöld.
Nick Lidster stillir hér hátalara við þingpallinn.
MIKIÐ álag hefur verið á smiðunum, sem unnið
hafa á Þingvöllum sl. daga. Jóhann Guðmunds-
son vinnur hér við lengingu göngupalla.
Morgunblaðið/Þorkell
UM 130 unglingar hafa unnið hörðum höndum að fegrun Þingvalla undanfarið. Þar á meðal eru
þau Sigsteinn Sigurbergsson og Ragnheiður Þórdís Ragnarsdóttir, sem hér sjást koma fyrir blóm-
um við hátíðarpallinn.
Fjöldi tiginna gesta viðstaddur
þingfundinn á Þingvöllum
FJÖLDI tiginna gesta verður við-
staddur hátíðarþingfund Alþingis á
Þingvöllum í dag kl. 11. Á sérstök-
um viðhafnarpalli munu tæplega
340 manns fylgjast með þingfund-
inum. Þeirra á meðal eru þjóðhöfð-
ingar Norðurlandanna, þingforsetar
átta nágrannaþjóða íslendinga, full-
trúar erlendra ríkisstjórna, fyrrver-
andi forsetar sameinaðs Alþingis,
ýmsir embættismenn þjóðarinnar
að ógleymdum mökum.
Þingpallar fyrir hátíðarþingfund-
inn verða á völlunum fyrir neðan
Lögberg. Þar munu allir þingmenn,
63 talsins, sitja á sérpalli með for-
seta Alþingis sér á vinstri hönd en
forseta íslands og þingfundargesti
á hægri hönd.
Paliurinn sem ætlaður er gestum
rúmar 340 manns og er sætaskipan
fyrirfram ákveðin. A fremsta bekk
sitja þjóðhöfðingjarnir fjórir, henn-
ar hátign Margrét Þórhildur II.
Danadrottning, hans hátign Karl
Gústaf XVI. Svíakonungur, hans
hátign Haraldur V. Noregskonung-
ur og Martti Ahtisaari, forseti Finn-
lands, ásamt mökum sínum. Á
fyrstu tveimur bekkjunum sitja
einnig 8 forsetar eða varaforsetar
þjóðþinga nágrannalandanna, Sví-
inn Ingegerd Troedsson, Daninn
Henning Rasmussen, Finninn Riitta
Uosukainen, Norðmaðurinn Edvard
Grimstad, Manarbúinn Sir Charles
Kerruish, Færeyingurinn Lasse
Klein, Grænlendingurinn Knud Sor-
ensen og loks Roger Jansson frá
Álandseyjum.
Næstir í röðinni eru fyrrverandi
forsetar sameinaðs Alþingis, fyrr-
verandi forsætisráðherrar, makar
ráðherra, biskupinn, forseti Hæsta-
réttar og nokkrir fulltrúa erlendra
ríkisstjórna og fylgdarlið þeirra.
Viðstaddir verða ennfremur tveir
eftirlifandi þingmenn sem sátu
þingfund Alþingis á ÞingvöIIum við
lýðveldisstofnunina árið 1944, þeir
Lúðvík Jósepsson og Sigurður
Bjarnason.
Á fimmta bekk og aftar sitja
meðal annarra borgarstjóri Reykja-
víkur, hæstaréttardómarar, makar
þingmanna, þjóðhátíðarnefnd, fjöl-
margir fulltrúar erlendra ríkis-
stjórna og loks fulltrúar Norður-
landaráðs.
Bein út-
sending-
frá Þing--
völlum
LANDSMÖNNUM gefst kost-
ur á því að fylgjast með hátíð-
arhöldum á Þingvöllum í til-
efni af 50 ára afmæli lýðveld-
isins íslands í beinni útsend-
ingu í Ríkissjónvarpinu í dag.
Sjónvarpið mun bjóða upp á
samfellda en blandaða dag-
skrá helgaða lýðveldishátíð-
inni frá klukkan níu árdegis
til sex síðdegis.
Sjötíu vinna við
útsendinguna
Um sjötíu starfsmenn munu
taka þátt í þessari viðamestu
útsendingu Sjónvarpsins þar
sem fylgst verður með allri
Þingvallahátíðinni.
Sýnt verður beint frá þing-
fundi Alþingis á Lögbergi kl.
11 og frá hátíðardagskránni
frá kl. 13.30 þar sem þjóðhöfð-
ingjar og ráðamenn þjóðarinn-
ar flytja ávörp. Fylgst verður
með söngdagskrá hátíðarkórs
sem flytur íslenskar söngperl-
ur, sýningu þjóðdansa og
flutningi á broti úr íslands-
klukku Halldórs Laxness.
Skáld og pistlahöfundar
flytja ávörp
Þá hafa verið fengnir valin-
kunnir pistlahöfundar og
skáld til að flytja þjóðinni
ávörp, rakin verður saga lýð-
veldisins íslands í léttum dúr
í máli og myndum og til stend-
ur einnig að fá ýmsa góða
gesti í heimsókn í viðtal í
beinni útsendingu á staðnum.
Gunnar Þórðarson rifjar upp
með áhorfendum dægurlög
síðustu fimmtíu ára sem fjöldi
þekktra íslenskra söngvara og
hljóðfæraleikara flytur,
þ.á m. söngvararnir Björgvin
Halldórsson, Ellý Vilhjálms,
Eyjólfur Kristjánsson, Guðrún
Gunnarsdóttir, Helga Möller
og Sigríður Beinteinsdóttir.
Hátíðargestir verða teknir tali
°g fylgst með hátíðinni á öllu
svæðinu. Loks verður fléttað
inn í dagskrána nýjum ís-
landsmyndum sem unnar voru
í tilefni hátíðarhaldanna og
þessarar dagskrár.