Morgunblaðið - 16.06.1999, Blaðsíða 4
Heldur New
York áffram
að koma
á óvart?
SÖGULEG lokaúrslit NBA-deildarinnar í körfuknattleik hefjast
í nótt. Þá tekur San Antonio Spurs á móti New York Knicks á
heimavelli sínum, Alamodome. San Antonio er í fyrsta sinn í
iokaúrslitum og New York er fyrsta liðið í sögu deildarinnar
sem hafnar í 8. sæti sinnar deildar en nær alla leið í úrslita-
viðureignina.
Fyrirfram bendir margt til að
San Antonio fari með sigur af
hólmi. Liðið hefur nú unnið 10 leiki
í röð í úrslitakeppninni og er einum
sigurleik frá meti sem LA Lakers
setti árið 1989. A sigurgöngunni
hefur San Antonio meðal annars
rutt úr vegi sterkum liðum LA La-
kers og Portland, sem þóttu ekki
síður líkleg til afreka en San Ant-
onio. Ekki má þó gleyma að New
York hefur hvað eftir annað komið
á óvart í úrslitakeppninni, unnið
viðureignir þrátt fyrir að fáir hafi
haft trú á liðinu.
New York-liðið var nær endan-
lega afskrifað þegar Patrick
Ewing, aðalmiðherji liðsins, hlaut
alvarleg meiðsli í annarri viðureign
við Indiana. Hvað ætluðu New
York-menn til bragðs að taka á
móti hinum hávaxna miðherja Indi-
ana, Rik Smits? Varamenn New
York leystu vandann en standa nú
frammi fyrir nýjum - að stöðva
miðherjana tvo í San Antonio, Da-
vid Robinson og Tim Dunean.
Góðu gengi New York er engum
einum leikmanni að þakka heldur
baráttunni í liðinu sem heild.
Brotthvarf Ewings hefur þjappað
liðinu saman og ekki er að sjá að
leikur þess sé nokkuð verri. Liðið
spilar nú hraðar og af meiri krafti
en áður. Jafnvel ekki brotthvarf
Larrys Johnsons, snemma í síðasta
leiknum á móti Indiana, virtist hafa
neikvæð áhrif á leik liðsins. Þrátt
fyrir að hann sé einn þeirra leik-
manna sem meira mæddi á eftir að
Ewing hætti að leika. „I hvert sinn
sem þeir missa leikmann spila þeir
betur. Ég vona að þeir missi ekki
Allan Houston næst því þá gætum
við tapað illa,“ sagði Avery John-
son í gríni um komandi viðureignir.
Við erum líka með gott lið
„Við berum virðingu fyrir öllum
leikmönnum þeirra," bætti hann
svo við. Sean Elliott, San Antonio,
minnti á að meiðsli geta haft já-
kvæð áhrif á lið. „Það er
taugastrekkjandi til þess að hugsa
að New York liðið er eins og dýr
sem hefur verið króað af,“ sagði
hann. Þjálfari San Antonio, Greg
Popovich, sagði New York-liðið
vera mikið breytt. „Þeir eru snögg-
ir og beita krafti sínum miskunnar-
laust í sókninni," sagði hann.
New York-liðið gerir sér grein
fyrir að verkefnið sem það á fyrir
höndum er erfitt. Jeff Van Gundy
þjálfari sagði ástæðuna fyrir að lið-
ið hefði unnið 10 leiki í röð vera
einfalda: „Liðið hefur engar veikar
hliðar.“ En þótt leikmenn New
York beri virðingu fyrir San Ant-
onio hafa þeir ekki játað sig sigr-
aða ennþá. „Ég hlakka til að takast
á við þessa leiki,“ sagði Marcus
Camby. „Við erum ekki af baki
dottnir þótt lið þeirra sé sterkt og
með marga stjömuliðsleikmenn.
Við eram líka með gott lið.“ Camby
hefur átt stóran þátt í velgengni
liðsins í úrslitakeppninni því hann
hefur bæði spilað meira og betur
en áður. Larry Bird, þjálfara Indi-
ana, fannst hann leika best allra
leikmanna í New York-Indiana-
einvíginu.
San Antonio vann síðast
Vegna verkfalls leikmanna langt
fram eftir vetri varð leiktímabilið í
NBA mun styttra en venjulega. Af
þeirri ástæðu hafa New York og
San Antonio ekki mæst síðan á
tímabilinu ‘97-’98. Þá vann San
Antonio báða leiki liðanna.
I kvöld fær New York tækifæri
til að „stela“ sigri á útivelli í fyrsta
leik viðureignar, rétt eins og þeir
gerðu á móti Miami og Indiana fyrr
í úrslitakeppninni. Næstu leikir
verða sem hér segir: 18. júní, 21.
júní, 23. júní, 25. júní, 27. júní og 29.
júní - þeir þrír síðustu ef með þarf.
Reuters
MARKUS Camby reynir að verja skot Dikembe Mutombo í viður-
eign New York og Atlanta í einvígi liðanna á dögunum. Camby
hefur átt stóran þátt í velgengni New York í úrslitakeppninni.
Larry BinJ hælir
Marcus Camby
MARCUS Camby hefur átt stór-
an þátt í velgengni New York í
úrslitakeppninni. Hann skoraði
til dæmis 21 stig, tók 13 fráköst
og varði 6 skot í fimmta leiknum
á móti Indiana og skoraði 15 stig,
tók 9 fráköst og varði 6 skot.
Larry Bird, þjálfari Indiana,
sagði hann hafa leikið best allra
leikmanna í viðureigninni.
Framan af vetri notaði þjálfari
New York Camby sparlega en
gaf honum fleiri tækifæri undir
lok tímabilsins. I riðlakeppninni
lék hann 20 mínútur í leik og
skoraði 7,2 stig að meðaltali.
Hann hefur farið vaxandi með
hverjum leik í úrslitakeppninni
og í viðureigninni við Indiana
lék hann 30 mínútur og skoraði
14,3 stig að meðaltali. „Ég
gleðst fyrir hönd Marcus því
honum hefur farið mikið fram í
vetur,“ sagði Jeff Van Gundy,
þjálfari New York. Greg
Popopich, þjálfari San Antonio,
talaði líka vel um Camby. „Hann
hefur hæðina og auk þess ýmsa
hæfileika sem gera hann að
skæðum leikmanni, þeirra á
meðal sjálfsöryggi,“ sagði hann.
Toronto Raptors völdu Cam-
by annan í nýliðavalinu fyrir
þremur áram. Hann fór til New
York fyrir Charles Oakley í
fyrrasumar.
KORFUKNATTLEIKUR / NBA
Bow á
heimleið?
Körfuknattleiksmaðurinn Jónat-
an Bow hefur áhuga á að leika
hér á landi næsta vetur. Bow lék
hér síðast fyrir tveimur áram, en
hefur sl. tvö ár verið í atvinnu-
mennsku í Evrópu. Hann lék síðast
með liðinu Rocks í Skotlandi en var
þar á undan í Þýskalandi. Bow lék
ágætlega með Rocks og liðið var
með þeim sterkustu í bresku
deildinni.
Bow hefur sett sig í samband
við félög í úrvalsdeildinni og sam-
kvæmt heimildum blaðsins hafa
bæði Grindavík og KR sýnt áhuga
á að fá hann í sínar raðir. Þau mál
ættu þó að skýrast á næstu dög-
um.
Bow er íslenskur ríkisborgari
og lék meðal annars með íslenska
landsliðinu í körfuknattleik á
Smáþjóðaleikunum árið 1997.
| Ellert
f þjálfar Val
ELLERT Sigurður Magnús-
son hefur verið ráðinn þjálf-
ari 1. deildarliðs Vals í
körfuknattleik. Samningur
Ellerts er til eins árs en
verður endurskoðaður að
þeim tíma liðnum.
EUert hefur þjálfað ung-
Iingalandslið kvenna og
kvennalið Grindavíkur í
körfuknattleik og yngri
flokka félagsins í
körfuknattleik og knatt-
spyrnu. Hafsteinn Lárus-
son, framkvæmdasljóri
Vals, sagði að miklar vonir
væru bundnar við ráðningu
Ellerts og markmiðið væri
að endurheiinta sæti liðsins
í úrvalsdeild, en það féll í 1.
deild í vor. Valsmenn ætla
ekki að fá til sín erlendan
leikmann fyrir næsta vetur.
■ TIM Duncan, leikmaður San
Antonio og Marcus Camby, New
York, þóttu báðir skara framúr í
háskóla. Þeir léku í háskóladeildinni
á sama tíma, Duncan með Wake
Forest og Camby með Massachu-
setts.
■ DUNCAN hefur aðeins leikið í
NBA-deildinni í tvö ár en er þegar
orðinn einn besti leikmaður deildar-
innar. I úrslitakeppninni hefur hann
skorað 21,5 stig að meðaltali, tekið
10,4 fráköst og varið 2,8 skot.
■ Steve Kerr, varabakvörður í San
Antonio Spurs, er vanari lokaúrslit-
unum en margir leikmenn liðsins.
Hann hefur unnið nokkra meist-
aratitla með Chicago.
■ MARIO Elie er annar leikmaður
San Antonio sem hefur reynslu af
lokaúrslitunum. Hann hefur unnið
tvo meistaratitla með Houston
Rockets.
■ PATRICK Ewing, hefur leikið
með New York í NBA-deildinni í 14
ár. Liðið hefur komist í úrslita-
keppnina sleitulaust frá 1989 en
ekki unnið meistaratitil frá 1970.
■ EWING er þó ekki reynslumesti
maður liðsins því Herb Williams
hefur leikið í NBA-deildinni í 18 ár
og er orðinn 41 árs gamall. Hann
skoraði flest stig á ferlinum, 40,
þegar hann lék með Detroit á móti
New York árið 1986.