Morgunblaðið - 23.09.1999, Síða 4

KNATTSPYRNA / MEISTARADEILD EVROPU
Sannfærandi stórsigur Evrópumeistara Manchester Utd. í Graz
Enn sofha Sví-
arnir á verðinum
Reuters
Luis Enrique fagnar öðru marki Barcelona í leiknum við Fiorentina og eina marki sínu í leiknum
sem Barcelona vann á afar sannfærandi hátt.
EVRÓPUMEISTARAR
Manchester United áttu ekki í
vandræðum með austurrísku
t meistarana í Sturm Graz á
útivelli í 2. umferð Meistara-
deildar Evrópu í gærkvöld.
Ensku meistararnir gerðu þrjú
mörk í fyrri hálfleik og við það
sat. Arsenal náði á iokamínút-
unum að tryggja sér sigur
gegn AIK Stokkhólmi,
Barcelona og Lazio unnu
góða sigra og sömuleiðis
Marseille og þýsku liðin Dort-
mund og Leverkusen.
Man. Utd. hóf titilvömina í
Meistaradeildinni með heldur
slakri frammistöðu og markalausu
jafntefli á heimavelli við Zagreb í
síðustu viku. Sigur á útivelii nú var
því kærkominn og þeir Roy Keane,
Dwight Yorke og Andy Cole gerðu
sitt markið hver á Amold
Schwarzenegger-leikvanginum í
Austurríki - öll í fyrri hálfleík.
Fyrsta markið frá Keane var sér-
deilis glæsilegt; þrumuskot af
löngu færi í þverslána og inn. Þrátt
fyrir sannfærandi sigur fengu
heimamenn einnig sín færi en
höfðu ekki erindi sem erfiði upp við
mark United. Næst komust þeir í
vítaspyrnu, en Ivica Vastic lét Van
Der Gouw verja frá sér. Með
sigrinum komst enska liðið upp í 2.
sæti D-riðils, en þar á toppnum er
franska meistaraliðið Marseille,
með sex stig og fullt hús eftir tvo
sigra í fyrstu leikjunum. í gær-
kvöldi gerðu Frakkarnir mjög góða
ferð til Króatíu, unnu þar heima-
menn í Zagreb 2:1.
„Þetta kemur okkur á sigur-
braut á ný,“ sagði Alex Ferguson,
stjóri Man. Utd., eftir leikinn. „St-
urm lék vel fyrstu tuttugu mínútur
seinni hálfleiks og þá vorum við
heppnir að fá ekki á okkur mark,“
bætti Ferguson við. Hann gerði
þrjár breytingar á liði sínu undir
lokin og leyfði þá Mark Wilson, Ole
- Gunnar Solskjær og Teddy Sher-
ingham að spreyta sig í stað Roy
Keanes, Andy Coles og Jordy
Cryuffs. „Þá fór nokkuð bit úr leik
okkar. En þeir Cole og Yorke
stóðu sig vel og hefðu getað skorað
fleiri mörk,“ sagði Ferguson.
Ljóst er að Barcelona ætlar sér
stóra og mikla hluti í Meistara-
deildinni þetta árið. í síðustu viku
var spænska stórliðið þó stálheppið
að ná 2:l-sigri á AIK í Stokkhólmi,
en í gærkvöldi var enginn heppnis-
stimpill á 4:2-stórsigri á Fiorent-
ina. Luis Figo og Luis Enrique
Femandez skoruðu snemma fyrir
Börsunga á heimavelli, en Christi-
an Amoroso minnkaði muninn áður
en Brasilíumaðurinn gerði endan-
lega út um leikinn með tveimur
mörkum. Á Wembley-leikvangin-
um í Lundúnum leit lengi vel út
fyrir jafntefli í leik Arsenal og
AIK, en aftur þurftu Svíamir þó að
horfa upp á hmn á lokasekúndun-
um. í síðustu viku nánast stálu
Börsungar sigrinum í Stokkhólmi,
en nú vora það þeir Thierry Henry
og Davor Suker sem gerðu sitt
markið hvor eftir hefðbundinn leik-
tíma. í byrjun leiks hafði Svíinn
Fredrick Ljungberg komið enska
liðinu í 1:0, en Krister Nordin jafn-
aði metin í upphafi seinni hálfleiks.
í A-riðli eru Lazio og Bayer
Leverkusen efst og jöfn með fjögur
stig eftir tvo leiki. Lazio vann
Dynamo Kiev með tveimur mörk-
um gegn einu, en Þjóðverjarnir í
Leverkusen sóttu Maribor heim til
Slóveníu og unnu sigur 2:0. Serhiy
Rebrov kom Dynamo yfir úr víti á
Ólumpíuleikvanginum í Rómaborg
en þeir Paolo Negro og Marcelo
Salas tryggðu Lazio stigin þrjú
með mörkum á tveggja mínútna
kafla um miðjan seinni hálfleik. At-
hygli vekur, að Kiev, sem komst í
undanúrslit keppninnar í fyrra,
hefur ekki hlotið stig nú.
Dortmund náði að sigra Boavista
frá Portúgal 3:1 á heimavelli og
skoraði Ferdi Bobic tvö markanna,
en kom einmitt frá Stuttgart nú í
haust. Á hinum leik C-riðils gerðu
Rosenborg og Feyenoord 2:2-jafn-
tefli. Árni Gautur Arason var vara-
markvörður Rosenborgar í leikn-
um en John Carew gerði bæði
mörk norska meistaraliðsins.
FOLK
■ NICOLAJ Jacobsen hefur hafið
æfingar á ný með handknattleiksliði
Kiel. Hann meiddist illa á undirbún-
ingstímanum í sumar og varð að
fara í uppskurð. Reiknað er með að
hann geti hafið keppni í október.
■ BAD Schwartau hefur gengið af-
leitlega það sem af er 1. deildar
keppni þýska handknattleiksins, og
leitar logandi ljósi að leikmanni til
að styrkja liðið. Liðið er nú í samn-
ingaviðræðum við Norðmanninn
Siemen Muffetangen og er talið að
hann skrifi undir í vikunni og geti þá
leikið gegn Wuppertal í fyrsta sinn
á laugardag.
■ MUFFENTANGEN hefur til
þessa leikið fyrir Kragero í Noregi
og standa viðræður milli liðanna um
félagaskiptagjald. Siemen Muf-
fetangen hefur um langt árabil verið
einn besti leikmaður Noregs og
markahæstur þar í landi í áraraðir.
Hann hefur margsinnis fengið tilboð
frá erlendum liðum en ekki fyrr en
nú verið tilbúinn að leika erlendis.
■ ELLEFU af átján þjálfurum
þýsku deildarinnar í handbolta
veðja á Kiel sem meistara. Lommel,
þjálfari Essen, Serdarusic hjá Kiel,
Rymanov sem stýrir Minden og
Heuberger, þjálfari Schutterwald,
telja allir að Flensburg vinni og
nokkuð ljóst er að slagurinn stendur
milli þessara liða úr Norður-Þýska-
landi sem era nágrannar og erkifj-
endur.
■ EWALD Humenberger, mark-
maður Nettelstedt, hefur tilkynnt að
hann muni ekki framlengja samning
sinn við liðið. Humenberger er 32
ára verkfræðingur og hefur fengið
afar gott starfstilboð frá heimalandi
sínu, Austurríki, og ætlar að flytja
til síns heima að loknu þessu tíma-
bili. Hann hefur verið einn albesti
markvörður deildarinnar og er mik-
ill missir fyrir Nettelstedt.
■ ERHARD Wunderlich fyrrver-
andi leikmaður Gummersbach hefur
verið valinn besti handknattleiks-
maður Þýskalands á öldinni. í öðra
sæti varð Andreas Thiel, markvörð-
ur Dormagen, þriðja sætið kom í
hlut Joachim Deckarms, fjórði varð
Stefan Hecker, marvörður Essen.
Fimmti í röðinni varð Daniel Steph-
an, leikstjórandi Lemgo.
■ BORDEAUX lék sinni 100. leik í
Evrópukeppninni þegar það mætti
Willem II frá Hollandi í Meistara-
deild Evrópu á þriðjudagskvöldið.
Bordeaux vann 3:2.
■ CHRISTOPHE Cocard, franskur
framherji sem verið hefur í herbúð-
um Lyon undanfarin þrjú ár hefur
gengið til liðs við Kilmarnock í
Skotlandi. Áður en Cocard var hann
einn helsti leikmaður Auxerre er
þeir unnu frönsku deildina og bikar-
keppnina vorið 1996.
Páll tekur við Keflvíkingum
PÁLL Guðlaugsson, sem hefur
þjálfað knattspymulið Leifturs frá
Olafsfirði í efstu deild karla síðast-
liðin ár, hefur verið ráðinn þjálfari
Keflvíkinga í sömu deild. Ráðning-
in var tilkynnt á fréttamannafundi
í Keflavík í gær. Páll tekur við af
Kjartani Mássyni og gerði tveggja
ára samning við félagið.
,Aðdragandinn að þessu hefur
verið langur. Við gáfum okkur
góðan tíma og ég efaðist aldrei um
að taka við starfinu," sagði Páll í
samtali við Morgunblaðið í gær.
„Þetta hefur verið í bígerð í rúman
mánuð. Það hefur alltaf verið gríð-
arleg hefð í tengslum við knatt-
spyrnu í Keflavík og áhuginn mik-
ill. Ég veit að það er mjög mikill
kraftur í stjómarmönnum og vilji
til að rífa félagið upp. Það var
einmitt þess vegna, sem starfið
kitlaði mig.“
Hjá Leiftri gat Páll sér orð fyrir
að sækja marga leikmenn út fyrir
landsteinana, en hann segir að við-
bætur á leikmannahópi liðsins hafi
ekki verið ákveðnar, ef til þess
komi, enda telji hann Keflavík
hafa sterkan hóp. „Það er ekkert
útséð með það. Fyrst og fremst
ætla ég að gefa strákunum frí.
Síðastliðinn mánuður hefur verið
þeim erfiður og nú fá þeir tæki-
færi til að leggja höfuðið í bleyti
og slaka á. Við byrjum síðan frísk-
ir eftir mánuð. Það er vilji hjá
stjórninni til að styrkja liðið, ef ég
met stöðuna þannig að þess þurfi.
Ég hef mikið álit á leikmönnum
Keflavíkur, sem mér finnst að hafi
leikið undir getu,“ sagði Páll.
Gunnar með lausan samning
Gunnar Oddsson, sem var þjálf-
ari liðsins framan af sumri en er
enn leikmaður þess, er nú samn-
ingslaus og hafa nokkur önnur lið
sýnt honum áhuga. Hann vill þó
ekki gefa upp hvaða félög það eru.
„Ég á eftir að ræða við forráða-
menn Keflavíkur. Ég lofaði þeim
og öðram liðum að ekkert yrði
gefið upp fyrr en ég hefði rætt við
þá. Ég vildi bíða þar til þjálfari
yrði ráðinn,“ sagði Gunnar. Rúnar
Arnarson, formaður knattspymu-
deildar Keflavíkur, segist bjart-
sýnn á að Gunnar verði áfram hjá
félaginu.