Morgunblaðið - 05.08.2000, Page 1

BLAÐ ALLRA LANDSMANNA
\
í fótspor
Bannisters
Góðgerðar-
mótá
Nesinu
HIÐ árlega útsláttarmdt Golf-
klúbbsins Ness verður haldið á
Nesvelli á morgun.
Tiu kylfingar hefja leik klukkan
9.30 og leika fyrst níu holna högg-
leik og síðan hefst útsláttarkeppn-
in þar sem sá sem hefur versta _
skorið á hverri holu dettur út. Á
endanum eru tveir eftir og sigrar
sá sem færri högg notar á þá holu
sem þeir eigast við á.
Þeir sem reyna með sér í ár eru:
Birgir Leifur Hafþórsson úr
Leyni, Björgvin Sigurbergsson,
GK, Helgi B. Þórisson, GS, Krist-
inn Ámason, GR, Sigurður Haf-
steinsson, NK, Sigurður Péturs-
son, GO, Ulfar Jónsson, GK,
Vilhjálmur Ingibergsson, NK og
Öm Ævar Hjartarson, GS.
Hicham E1 Guerrouj, heimsmet-
hafi í 1.500 metra og mílu-
hlaupi og fremsti frjálsíþróttakarl
heims samkvæmt styrkleikalista
Alþjóða frjálsíþróttasambandsins,
keppir í dag á breska meistaramót-
inu í frjálsíþróttum sem fram fer í
Crystal Palace. Þar hyggst
Marokkómaðurinn bæta eigið
heimsmet í míluhlaupi og ríkir mikil
eftirvænting enda E1 Guerrouj í
frábærri æfingu um þessar mundir
og mótið eitt það síðasta sem hann
tekur þátt í fyrir Ólympíuleikana í
Sydney þar sem hann á titil að verja
í 1.500 m hlaupi.
Eina ósk E1 Guerrouj við komuna
til Englands var að hitta Sir Roger
Bannister, manninn sem fyrstur
hljóp míluna á skemmri tíma en 4
mínútum, 6. maí 1954, 20 árum áður
en Guerrouj fæddist. Ósk E1 Guer-
rouj varð að veruleika og hann og
Bannister hittust á leikvellinum við
Oxford háskóla þar sem Bannister
setti metið á malarbraut sem var af-
ar ólík þeirri sem hlaupið er á í dag.
E1 Guerrouj er 13. heimsmethaf-
inn í míluhlaupi síðan Bannister
setti met sitt fyrir 46 árum að við-
stöddum 1.200 áhorfendum, en met-
ið sem hann setti á Ólympíuleik-
vanginum í Róm 7. júlí í fyrra að
viðstöddum tugum þúsunda áhorf-
enda er 3.43,13. Hann var í sjöunda
himni er hann hitti átrúnaðargoð
sitt á heimavelli og sagðist vera
snortinn yfir því að fá tækifæri til
að hitta Bannister, og ekki síst á
vellinum góða. „Hérna byrjaði æv-
intýrið. Allt frá því Bannister setti
sitt eftirminnilega heimsmet hefur
míluhlaupið verið sveipað ævintýra-
ljóma,“ sagði E1 Guerrouj.
Dularfullur
vírussjúkdóm-
ur í Noregi
LEIK Lilleström gegn Start í norsku úrvals-
deildinni í knattspyrnu var frestað í gær-
kvöldi vegna smitandi veirusjúkdóms sem
herjar á leikmenn Start í heimabæ þeirra í
Kristjánssandi, en leik liðsins gegn Brann
var einnig frestað fyrr í vikunni. I gær höfðu
23 af 35 leikmönnum liðsins greinst með vír-
ussjúkdóminn Mycoplasma pneumoniea sem
leggst á öndunarfæri og getur leitt af sér
lungnabólgu. Tveir af leikmönnum liðsins
hafa verið settir í einangrun en þeir eru með
mun hættulegri vírus sem nefnist TWAR og
leggst sá vírus einnig á öndunarfæri. Nú
þegar hefur tveimur leikjum verið frestað
hjá Start vegna ástandsins hjá félaginu og
óvíst hvenær það getur Ieikið næst.
BLAÐ
Birgir Leifur
tvo
undir pari
BIRGIR Leifur Hafþórsson, kylf-
ingur frá Akranesi, tók þátt i móti
í bresku mótaröðinni um síðustu
helgi og lenti í 5.-8. sæti á tveimur
undir pari vallarins. Mótið var
tveggja daga og lék Birgir Leifur
fyrri hringinn á 70 en þann siðari
á parinu, eða 72 höggum. „Þetta
var alvöru golfvöllur, langur,
þröngur og fullt af vötnum auk
þess sem það var nokkur strekk-
ingur. Ég er nokkuð ánægður með
árangurinn en auðvitað þarf ég að
fínpússa ýmislegt.,“ sagði Birgir
Leifur.
Ósk Hichams Ei Guerroujs við komuna til Bretlands var að hitta goðið sjálft, Roger Bannister. Það var auðsótt mál.
3lfof0tittUUUbí
2000
m LAUGARDAGUR 5. AGUST
Naumt
tapfyrir
Svíum
ÍSLAND tapaði fyrir Svíum 77:75
á Evrópumóti drengjalandsiiða i
Södertalje í Svíþjóð í gær. Island
var yfír í leikhléi, 41:38, en ruðn-
ingsdómur á einn islenska leik-
manninn, sem var í hraðaupp-
hlaupi á lokaminútinni, varð til
þess að islenska liðið missti af
möguleikanum að jafna metin.
Magnús Pálsson var stigahæstur í
islenska Iiðinu með 27 stig, Davíð
Hermannsson gerði 17 stig og
Guðni Valentínusson 15.
ÍÁ mætir Gent á
Laugardalsvelli
riðjudaginn 8. ágúst mæta
Akurnesingar belgíska fé-
laginu AA Gent á Laugardals-
vellinum í fyrstu umferð
Evrópukeppni félagsliða í knatt-
spyrnu og hefst leikurinn kl. 18.
Lið AA Gent kemur frá sam-
nefndri borg í Belgíu og þar búa
um 250 þúsund manns. Liðið
kom mjög á óvart á síðasta leik-
tímabili og endaði í fjórða sæti
deildarinnar. Þar voru í aðal-
hlutverkum Norðmennirnir Ole
Martin Árst sem var marka-
hæsti maður deildarinnar og
þjálfarinn Trond Sollied sem
kom frá norska félaginu Rosen-
borg. Nú hafa þeir báðir horfið
á braut frá félaginu og Henk
Houwaart, sem er 55 ára Hol-
lendingur, hefur tekið við sem
þjálfari liðsins. Houwaart hefur
þjálfað í Belgíu síðastliðin 23 ár
og er þekktur fyrir að fagna
sigrum með því að lyfta kampa-
vínsglasi.
Gent hefur notað 5-3-2 leik-
skipulag í æfingaleikjum að
undanförnu og vann meðal ann-
ars enska úrvalsdeildarliðið
Coventry 2:0 í æfingaleik á dög-
unum.
Leikskipulagið hefur komið
nokkuð á óvart þar sem Houw-
aart hefur lagt meiri áherslu á
sóknarleik liða sinna á undan-
förnum árum. Bestu leikmenn
AA Gent eru hinn sautján ára
gamli Hossam frá Egyptalandi
og gríski framherjinn Kahlam-
anos. Á miðjunni er Frakkinn
Eric Joly sem hefur verið besti
leikmaður liðsins í æfingaleik-
jum að undanförnu og í vörninni
er hinn reyndi Vital Borkelmans
frá Belgíu.
AA Gent hefur átt í miklum
fjárhagsvandræðum undanfarin
ár og framkvæmdastjóri félags-
ins tilkynnti fyrir skömmu að
skuldir félagsins hefðu lækkað
um helming á síðasta ári og
væru nú aðeins tæpur hálfur
milljarður íslenskra króna.
KNATTSPYRNA: ÞRJÚ LIÐ BERJAST UM MEISTARATITIL KVENNA/B2, B3
h