Morgunblaðið - 07.10.2000, Side 1

BLAÐ ALLRA LANDSMANNA
2000
■ LAUGARDAGUR 7. OKTÓBER
BLAÐ
Samningur KR
og Andra gildur
GERÐARDÓMUR hafnaði í gær dómröfum
Andra Sigþórssonar um að hann væri ekki
lengur samningsbundinn knattspymudeild KR.
Þrír menn, einn frá hvomm málsaðila og odda-
maður frá KSÍ vom sammála í niðurstöðu sinni.
Þetta þýðir í raun að vilji austurríska félagið
Salzburg fá Andra til sín strax verður það að
greiða KR eitthvað fyrir hann. Andri getur hins
vegar farið til félagsins í byrjun næsta árs án
þess að nokkur greiðsla komi fyrir.
Andri taldi að hann hafi ekki gert samning
við rekstrarfélag KR heldur beint við knatt-
spymudeildina og því væri hann laus allra mála
hjá félaginu. Gerðardómur telur hins vegar að
þar sem samningurinn er gerður á þar til gerð
eyðublöð frá KSI og þar sé tekið fram að samn-
ingurinn sé til 31. desember 2000 sé hann í fullu
gildi.
Jóhannes til
Groningen
Jóhannes Harðarson, knatt-
spyrnumaður frá Akranesi, fer
á morgun til hollenska úrvalsdeildar-
félagsins Groningen og verður þar til
reynslu í eina viku.
Forráðamenn Groningen hafa
fylgst mjög náið með íslenskum
knattspyrnumönnum undanfarna
mánuði og þeir sáu Jóhannes leika
með ÍA gegn Gent í UEFA-bikarn-
um í Belgíu í ágúst. í framhaldi af því
höfðu þeir samband við Skagamenn
og óskuðu eftir þ\n að fá Jóhannes til
sín til nánari skoðunar. Jóhannes er
24 ára miðjumaður og hefur verið
einn af lykilmönnum Skagaliðsins
síðustu árin.
Groningen er nýliði í hollensku úr-
valsdeildinni og er í 12. sæti af 18 lið-
um með 8 stig eftir 8 leiki.
Gunnlaugur
leigður í vetur?
Gunnlaugur Jónsson, varnai'mað-
urinn öflugi í liði Skagamanna,
fer til þýska liðsins Uerdingen í
næstu viku og leikur væntanlega þar
á leigusamningi frá í A í vetur. Gunn-
laugur, sem er 26 ára, lék mjög vel í
vörn ÍA í sumar og spilaði með A-
landsliðinu gegn Möltu en það var
hans sjötti landsleikur.
Gunnlaugur hefur áður reynt fyrii-
sér erlendis og leikið um skeið með
Kongsvinger í Noregi, Örebro í Sví-
þjóð og Motherwell í Skotlandi.
Uerdingen leikur í norðurriðli
þýsku 3. deildarinnar og er þar í
fjórða sæti. Skagamaðurinn Stefán
Þór Þórðarson spilaði með Uerding-
en síðasta vetur auk þess sem KR-
ingamir Sigurður Orn Jónsson,
Bjarni Þorsteinsson og Þórhallur
Hinriksson léku nokkra leiki með fé-
laginu um haustið. Uerdingen spilaði
um árabil í efstu deild og þeir Lárus
Guðmundsson og Atli Eðvaldsson
léku með liðinu þar á níunda ára-
tugnum.
Morgunblaðið/Kristinn
Nafnarnir Helgi Kolviðsson og Sigurðsson brugðu á leik á
æfingu landsliðsins i gær.
Kongsving-
er vill Harald
NORSKA knattspyrnufélagið
Kongsvinger hefur augastað á
Haraldi Ingólfssyni, leikmanni
Elfsborg í Svíþjóð, og vill fá hann
fyrir næsta tímabil. Utsendarar
frá Kongsvinger, þar á meðal
Steinar Adolfsson, leikmaður liðs-
ins, fóru til Svíþjóðar á dögunum
og fylgdust með Haraldi í bikar-
leik.
„Þetta er allt í skoðun og tekur
sinn tíma. Ég bíð eftir nýju tilboði
frá Elfsborg sem er væntanlegt í
næstu viku og eftir það skýrast
málin betur,“ sagði Haraldur við
Morgunblaðið í gær.
Ríkharður
háttvís í Noregi
RÍKHARÐUR Daðason, sóknar-
maður Viking Stavanger og ís-
lenska landsliðsins, var í gær til-
nefndur til háttvísiverðlauna
norska knattspymusambandsins.
Hann er einn af sex leikmönnum
úrvalsdeildar sem koma til greina
en þeir voru valdir af fulltrúum
fjölmiðla, dómara, leikmanna,
knattspyrnusambandsins og deild-
arstjórnarinnar, auk þess sem
Kjell Magne Bondevik, fyrrver-
andi forsætisráðherra Noregs, átti
sæti íþeirri nefnd. Sigurvegarinn
verður útnefndur í hófí kvöldið
fyrir bikarúrslitin í Noregi en þar
leikur Ríkharður einmitt með Vik-
ing gegn Odd Grenland.
Oánægja með val á liðum
á HM í hópfimleikum
MIKIL óánægja er meðal fimleikafólks með þá ákvörðun stjórnar
Fimleikasambandsins (FSÍ) að senda hópa frá Gerplu og Stjörn-
unni á Evrópumeistaramótið í íþróttinni þrátt fyrir að tækniráð
FSÍ hafi mælt með því að lið Stjörnunnar og Bjarkar yrðu send.
Grískur
dómari
DÓMARINN sem dæmir
leik Tékklands og Islands
er grískur, Kynos Vassars.
„Vassars er frábær dóm-
ari. Ég hef séð hann dæma
nokkra leiki og hann hef-
ur alltaf staðið sig vel,“
sagði Eggert Magnússon,
formaður KSI. Eggert
starfar sem eftirlitsmaður-
Knattspyrnusambands
Evrópu, UEFA, og hefur
séð Vassars að störfum.
„Knattspyrnan er orðin
í það miklum gæðaflokki
og landsleikjum sjónvarp-
að beint um alla Evrópu,
þannig að það þýðir ekki
að bjóða nema upp á dóm-
ara sem eru í efsta gæða-
flokki," sagði Eggert.
Forsaga málsins er sú að á
íslandsmótinu í hópfímleikum,
sem fram fór í byrjun apríl, sigraði
lið Gerplu, eða svo var talið í
fýrstu. Gerplusveitin var krýnd
Islandsmeistari með 25,034 stig en
þegar farið var yfir útreikning
stiga kom í ljós að Stjarnan hafði
fengið 25,05 stig, Gerpla 24,95 stig
og Bjarkirnar 24,90 stig. Kæru-
frestur mun hafa verið útrunninn
þegar þetta kom í ljós þannig að
Gerpla heldur titlinum. Hugmynd-
in var að íslandsmótið yrði um leið
mót þar sem ákveðið yrði hvaða
sveitir færu á EM en í kjölfar
þessara mistaka var ákveðið að
halda sérstakt úrtökumót í október
og var það haldið á þriðjudaginn
var.
Rétt er að taka fram að lágmörk
fyrir EM eru 25,00 stig en ef engin
sveit næði því var það verk tækni-
nefndar FSÍ að tilnefna þær sveit-
ir sem færu á mótið.
Á úrtökumótinu í vikunni sigraði
Stjarnan með 24,20 stig, Björk
varð í öðru sæti með 24,15 og
Gerpla með 22,45 stig í þriðja sæti.
Tækninefnd FSÍ lagði til við stjórn
sambandsins að Stjarnan og Björk
færu á EM en stjórnin ákvað að
það yrðu lið Stjörnunnar og Gerplu
sem yrðu fulltrúar Islands á mót-
inu.
Að því er best verður komist eru
ákvörðun stjórnarinnar byggð á að
Gerpla fékk yfir 25 stig á Islands-
mótinu og þrátt fyrir að þá hafí
verið rangt verið reiknað tekur
FSÍ ekki tillit til þess þar sem
frestur til að gera athugasemdir
var runnin út þegar það var gert,
en lið hafa 15 mínútur til slíks á
mótinu sjálfu og áður en verðlaun
eru afhent. í reglum um fimleika-
mót segir einnig að slíkar athuga-
semdir skuli gerðar skriflega og af
ábyrgum aðilum, það er að segja
þjálfurum og flokksstjórum. Stjórn
Fimleikasambandsins segir að
engin slík mótmæli hafi borist og
því skuli úrslit og einkunnir úr ís-
landsmótinu gilda.
ÆTLUM AÐ ÞJARMA AÐ TÉKKUM / B2