Þjóðólfur - 30.07.1886, Blaðsíða 2

122
með fullu verði að óskum handhafa,
því að bæði þarf að borga undir póst-
ávísunina og gullsendinguna til baka,
og svo líður langur tími, sem menn
verða að vera án peninganna; þar við
bætist ýmisleg önnur fyrirhöfn, sem
að öllu samantöldu verður eigi lítill
kostnaður.
Engin af þessum ástæðum virðist
mjer því svo löguð, að hægt sje að
tala um vissu, heldur að eins um líkur
fyrir að pappírspeningarnir haldi verði
sínu og hinar aðrar ástæður, sem tald-
ar hafa verið eru flestar þýðingarlitl-
ar eða þýðingarlausar og sprottnar af
því, að menn hafa eigi gjört sjer ljós-
an greinarmun á seðlum og pappírs-
peningum, en hann er mikill. (Niðurl.).
Alþing.
—o—
Alþing' rar sett (hið 1. aukaþing,
en hið 7. löggjafarþing) 28. þ. m.
Síra Amljótur Ólafsson prjedikaði í
kirkjunni; lagði út af Jóh. 18, 37.
Svo sem von var af öðrum eins sann-
leikspostula, var meiri hluti ræðu hans
heimspekilegar hugleiðingar um sann-
leika og þekkingu. Svo sem Kristur
hefði eptir textans orðum komið í heim-
inn til að bera sannleikanum vitni,
þannig væru þingmenn komnir á þing
til að bera vitni sannleikanum. Sann-
færingin ein væri ekki einhlít til að
ákveða, hvað væri sannleikur, heldur
miklu fremur þekkingin; þvi meiri
þekking, sem hver hefði á einhverju,
þvi nær kæmist hann sannleikanum.
Með nokkrum orðum sneri hann sjer
sjerstaklega að stjórnbreytingamálinu,
og varaði þingmenn, líklega einkum
hina nýju, að fylgja þeim mönnum,
sem hefðu „tekið sjer tignarsess á
dómstóli þjóðviljans“! — Eptir guðs-
þjónustuna gengu þingmenn í þing-
húsið. Þar las landshöfðingi upp um-
boð sitt frá konungi til að setja þingið
og lýsti yfir að alþing væri sett. Eng-
an boðskap hafði hann að flytja frá
konungi. Benedikt Sveinsson bað kon-
ung lerígi lifa og tóku þingmenn undir
það með níföldu húrra. Síðan gekk
hinn elzti þingmaður Jón Pjetursson

háyíirdómari til forsetasætis til fund-
arstjórnar. Allir þingmenn voru
komnir. Fyrst voru rannsökuð kjör-
brjefin. Kærur höfðu komið íram um
kosninguna í Reykjavík og Árnessýslu.
I Kvík var mjög mörgum sleppt af
kjörskrá, öllum iðnaðarmönnum og
verzlunarmönnum, sem eigi höfðu
borgarabrjef og fleirum; kjörskrá eigi
legið frammi lögskipaðan tíma o. s.fr.
I Amessýslu voru kjörskrárnar, er
kosið var eptir, fyrst samdar síðastlið-
ið vor. Yar ályktað að vísa kærum
þessum til nefndar, sem kosin yrði til
að rannsaka kærur um kosningar. En
samt sem áður voru allar kosningar
teknar gildar. Siðan unnu allir þing-
menn hinn fyrirskipaða eið að stjórn-
arskránni. Yar þá kosinn forseti sam-
einaðs þings Benedikt Sveinsson með
25 atkvæðum. Varaforseti sameinaðs
þings Benedikt Kristjánsson með 24
atkv. Skrifarar sameinaðs þings Þor-
leifur Jónsson með 24 atkv. og Lárus
Halldórsson með 22 atkv. Síðan voru
kosnir hinir 6 þjóðkjörnu þingmenn
í efri deild og hlutu þessir kosning:
Benedikt Kristjánsson með 33 atkv.
Sighvatur Árnason með 33 atkvæðum.
Skúli Þorvarðarson með 31 atkvæði.
Jakob Gruðmundsson með 29 atkvæð-
um. Jón Ólafsson með 27 atkvæðum.
Friðrik Stefánsson með 26 atkvæðum.
í nefndina til að rannsaka kærur um
kosningar voru kosnir: Benedikt Krist-
jánsson með 22 atkv., Sigurður Jóns-
son með 19 atkv. og Jón Ólafsson með
15 atkv.
Að þessu loknu settist hvor deildin
í sinn sal undir forustu hinna elztu
þingmanna i hvorri deild, Jóns Pjet-
urssonar í efri og Grríms Thomsens í
neðri; gengust þeir fyrir forsetakosn-
ing, og var Árni Thorsteinson kosinn
forseti efri deildar með 10 atkvæðum,
Varaforseti Jón Pjetursson með 7 atkv.
og skrifarar Jón Ólafsson með 6 atkv.
og Benedikt Krístjánsson með4atkv.
í neðri deild varð forseti Jón Sigurðs-
son með 22 atkv. Varaforseti í neðri
deild Þórarinn Böðvarsson ineð 17
atkv. og skrifarar Jón Þórarinsson með
19 atkv. og Páll Ólafsson með 15 atkv.
Að því búnu skýrði forseti neðri
deildar frá, að hannvissi til að stjórn-
in legði ekki stjórnarfrumvarpið fyrir
þingið. Benedikt Sveinsson afhenti
þá forseta brjef frá þessum þingm.
B. Sv., Sig. Jónssyni, Sig. Stefánssyni,
Þorv. Kjerúlf og Lárusi Halldórssyni
þar sem þeir skýrðu frá að þeir mundu
næsta dag leggja stjórnarskr.fr. fyrir
neðri deild. Fundi slitið kl. 41/2 e. h.
Grengu þingmenn síðan í boð til lands-
höfðingja.
29. júlí. Fundur í neðri d. kl. 12.
Útbýtt var stjórnarskrárfrumvarpinu,
og lagðar fram ýmsar málaleitanir og
ávörp til þingsins.
I dag byrjar 1. umr. um stjórnar-
skrárfrumv.
Brjef frá Lundúnum.
Eptir Jón Stefánsson.
—0—
11. Lundunir. Fundur. Morley.
Chamberlain. Bradlaugh.
„A mightj mass of brick ami smoke and shipping"
(fjarski af múrsteini, reyk og skipaferhum).
Byrons Don Juan.
Borgarnafnið er keltnesktog ])ýðir „vatnsborg“
(lin=vatn, din=borg). Jeg vil ekki faraneitt
út í sögu borgarinnar, en skal geta þcss, að
þegar Byron orti þessa línu í Don Juan, var
Belgravia, skrautlegasti hlutinn af Westend,
ekki annað en forarmýrar. Þjófar og bófar
hjengu i gálguin og sátu i gapastokkum tugum
saman og var það ein af aðalskemmtunum lýðs-
ins að glápa á það. Til borgarinnar koma nú
20,000 skip á ári að meðaltali. Út er flutt
fyrir 1800 miljónir króna. Manntal var síðast
tekið 1881. Það er ekki hægt að marka þess-
ari borg bás; hún vex saman við hvert þorpið
á fætur öðru. En ef maður reiknar henni allt
það svæði, sem lögreglulið hennar hefur um-
sjón yfir (Metropolitan Police District)', þá er
það 687 ferhyrningsmílur með 4,764,000 íbúa.
Beiknað hefur verið út að strönd Englands og
Skotlands er ekki nógu löng til að öll hús í
Londou geti staðið fram með henni hús við hús.
Það er engin furða, að þessi borg er þunga-
miðja, sem peningar heimsins leita að. Hún er
eins og hjarta, sem tekur við og sendir frá sjer
blóðinu um æðar heimsins; blóðið er verzlunin.
London á sjer aptur þungamiðju í City, og City
aptur þar sem Bank of England, Exchange og
Lombard Street eru. Mannferðin er lika svo
mikil um þau götuhornin, að í orði er að grafa
göng þar undir, svo fært verði uppi og niðri.
Það má segja að borgin hefur frikkað um all-
an helming á siðasta mannsaldri; bæjarstjórnin