Skuld - 24.05.1882, Blaðsíða 4
48
mis við þessar afleiðingar, sjest bezt af því, að
eitthvað 30 menn úr Möðruvallasókn og fáeinir
úr Grundarsókn skrifuðu biskupi haustið 1879,
eftir að mál var höfðað gegn Sigurgeiri, um
að fá að halda honum, og lýstu hátíðlega yfir
því, að þeir „væru ánægðir með hann“!!! I
löndum, þar sem það er ekki tízka að fara í
mál út úr hverju orði, mundu vandlætingasöm
blöð hafa leyft sjer að kalla slíkt: að bíta
höfuðið af allri sltömm. Sá blettur, sem þessir
menn hafa lagt á söfnuðina í þessum sóknum,
er svo stór, að það væri full ástæða til fyrir
þá, sem ekki voru með í þessu, að birta opin-
berlega á prenti nöfn þeirra sóknarmanna, sem
undir forstöðu herra £orstein3 Thorlacíusar
settu nöfn sín undir þetta skjal til biskupsins.
Ef einhver þar úr sókninni vill útvega oss á-
reiðanlega nafnaskrá þeirra, skal oss vera sönn
ánægja að prenta hana. — Oss hefir eigi gleymzt
enn, hve sárt það var, er vjer og aðrir reynd-
um á síðasta þingi, að halda fram rjetti safn-
aðarlima til að losna úr sóknarbandi, að fá þá
í nasirnar tilvitnun til safnaðanna í Möðru-
valla- og Grundar-sóknum, sem sönnun fyrir
því, hve tilfinningarlausir söfnuðir væru stund-
um um sóma sinn.
Eitt furðar oss að endingu. Vjer höfum
heyrt kvisað, að biskupinn hafi í vetur látið
prenta hirðisbrjef fullt vandlætingar og áminn-
inga til þeirra manna, sem hafa sagt sig úr
þjóðkyrkjunni hjer á landi og sem því eigi heyra
«hjörð» hans til lengur. En vjer höfum ekki
heyrt þess getið enn, að prentsmiðjurnar hafi
verið ónáðaðar meðprentun á neinu hirðisbrjefi
til þeirra, sem undirskrifuðu á Möðruvallafundi
skjalið um að mega halda Sigurgeiri Jakobs-
syni sem presti. Mundi peim ekki vera þörf á
hirðisbrjefi ? Vjer skjótum spurningunni svona
til herra biskupsins. Eða skyldi hann ætla að
takast á hendur kristniboðsferð til þeirra í
sumar? Ógn væri þá vænt að hann gjörði alt eina
ferðina og vísitjeraði um leið í þeim hluta lands-
ins einkum, þar sem ekki hefir biskup sjest í
þriðjung aldar.
Meira um „Kristmanns-málio“.
I.
Herra ritstjóri «Skuldar»!
1 blaði því af «Skuld» er út kom í dag
stendur grein með yfirskrift «Kristmannsmálið»
er þjer segið að sje «áreiðanleg» skýrsla um
það mál. Jeg sem er vel kunnugur því máli
get ekki viðurkent að þessi skýrsla sje rjett og
áreiðanleg og vil jeg taka fram að ein3 tvö at-
riði því til sönnunar:
1. í ofannefndri grein í Skuld stendur: að
í því áliti sem læknirinn hafi gefið sama daginn
og hann skoðaði lík Kristmanns hefði hann
skorinort tekið fram að dauði Kristmanns hefði
orsakast af áverkasem fannst yfir vinstra ang-
anu og sem leit út eins og hann hefði orsakast
af því að hvöss brún eða egg hefði komið við
höfuðið, en skýrsla læknisins hljóðar svo.
"Samkvæmt áskorun yðar frá í dag hefi
jeg obducerað lík Kristmanns Jónssonar. Dauða-
orsök hans hefir verið heilablóðfylli, sem að
öllum líkindinum hefir orðið við fall eða annan
áverka á höfuðið. Á líkinu sáust alls engin
’T>
merki ytri áverka að því einu undanteknu að
hingað og þangað um ardlitið var hörundiö
nuddað og fyrir ofan vinstra auga grunnui
skurður inn úr hörundinu og kring um sjálft
vinstra augað slímhimnan marin.
Reykjavík 10. ágúst 1881.
J. Jónassen,
Til Bæjarfógetans íReykjavík».
2., þar sem þjer segið í nefndri greiu yðar
að Amtið hafi skotið því til mín að óska eftir
setudómara, en að jeg hafi skorazt undan því
og haldið því fram að valdstjórnin ætti ekki að
hlutast frekar til um þetta málen gjört hafði verið,
þá er þetta ekki rjett hermt. Amtmaður ósk-
aði tiilögu minnar um það, hvort skipa skyldi
«setudómara» til að halda ítarlegri rannsókn og
lagði jeg ámóti því og tilgreindi ástæður fyrir
því, en jafuframt lagði jeg það til að ekki að
siuni yrði gert frekara við mál þetta.
Á þessu sem nú hefir verið talið getur al-
menningur sjeð hversu «áreiðanleg» greind
skýrsla í blaðinu «Skuld» muni vera í öðrurn
greinum.
Reykjavík 14. mai 1882.
E. Th. Jónassen.
H.
Af f>ví að vjer óskum aö alt í blaði voru sje
sem rjettast hermt og vildum gjarnan fá leiðrjett pað,
er skakt kynni að vera í skýrslunni um „Kristmanns-
málið‘‘, þá rituðum vjer 19. p. m. herra landritara Jóni
Jónssyni, er skipaður var rannsóknardómari í málinu og
hlaut pví að vera pví kunnugur, og háðum hann að
skýra oss frá, hvort mikið væri ranghermt í skýrslunni
og pá hvað.
Svar hans hljóðarsvo:
III.
Útaf brjefi yðar, herra ritstjóri, frá í dag
vil jeg tjá yður að jeg hefi nákvæmlega yfir-
farið á ný skýrsluna um Kristmanns-málið í
151 a, blaði «Skuldar», og hefi jeg ekki fundið
neitt ranghermt í henni. — Hvað athugasemd-
irnar við skýrsluna snertir, vísa jeg til leiðrjett-
ingar þeirrar, sem jeg er búinu að láta yður í
tje og prentuð er áður í «Skuld».
Reykjavík 19. maí 1882.
Virðinr/arfyllst,
Jón Jónsson.
Til ritstjóra «Skuldar».
Dómnr í kistnbrota-málinu.
22. þ. m. kvað inn kgl. kommissaríus,
landritari Jón Jónsson upp í málum þessum
svo látandi dóm :
f>ví dæmist rjett a5 vera :
Inum ákærðu, Dorbjörgu Sveinsdóttur yfir-
setukonu í Reykjavík, Árna Jónssyni bónda á
Breiðholti, Bergsteini Jónssyni söðlasmið og
Marteini Jónssyni sjómanni, skal refsað: J>or-
björgu með 40 kr. sekt eða 12 daga einföldu
fangelsi, Árna með 20 kr. sekt eða 6 daga ein-
földu fangelsi, Marteini með 10 kr. sekt eða 3
daga einföldu fangelsi og Bergsteini með 5 kr.
sekt eða 2 daga einföldu fangelsi. Enn fremur
skulu þau greiða hvort um sig varðhaldskostn-
að sinn og eitt fyrir öll og öll fyrir eitt allan
annan af þessu máli löglega leiðandi kostnað,
þar á meðal málaflutningslaun handa inum
skipaða sóknara og verjanda, yfirrjettar-mála-
Hutningsmönnum Páli Melsteð og forsteini
Jónssyni inum fyrnefnda 50 kr., en inum
síðarnefnda 40 kr. Loksins ber þeim að bæta
eiganda veiðivjela þeirra, er brotnar voru nótt-
ina milli 5 og 6. júlí 1880, H. Th. A. Thom-
sen kaupmanni í Reykjavík, veiðigögn öll og
spillvirki, sem skynsamir menn meta.
Inir ákærðu Magnús Ólafsson vinnumaður
á Vatnsenda, Gísli J>orbjörnsson vinnumaður á
Elliðavatni, J>orsteinn J>orsteinsson vinnumaður
sama staðar, Björn Símonarson gullsmiður,
Ólafur Sveinsson gullsmiður, Valdimar Ásmundar
son barnakennari, Grímur Ólafsson bóndi á
Hólmi, Kristinn Magnússon bóndi í Engey,
Brynjólfur Bjarnason bóndi sama staðar, Ólafur
Guðmundsson bóndi í Mýrarhúsum, Brynjólfur
Magnússon bóndi í Nýjabæ, Pálmi Pálmason í
Bollagarðakoti, J>órður Jónsson bóndi í Ráða-
gerði, Hörður Jónsson bóndi í Skildinganesi,
Erlendur Guðmundsson bóndi sama staðar,
Pjetur Guðmundsson bóndi í Hrólfskála, Jón
Einarsson bóndi í Skildinganesi, Pjetur Guð-
mundsson sama staðar, Ólafur Ingimundarson
bóndi í Bygggarði, Jón Guðmundsson bóndi á
Bakka, Hjörtur f>orkelsson bóndi í Melshúsum,
Einar Hjartarson bóndi í Bollagörðum, Sigurður
Einarsson bóndi í Pálsbæ, Guðmundur |>orsteins-
son bóndi í Gesthúsum, Páll Guðmundsson
bóndi í Kesi, porsteinn f>orsteinsson bóndi í
Nýlendu, Árni Árnason bóndi í Skildinganesi,
Ólafur Ólafsson bóndi á Vatnsenda, Sæmundur
Sæmundsson bóndi á Elliðavatni, skulu sýknir
vera af kæru rjettvísinnar.
Fjárútlát þau, sem ákveðin cru með þess-
um dómi skulu greidd innan 15 daga eftir lög-
birtingu hans, sæti ella aðför að lögum.
Hæstarjettardómur.
18. apríl hefir hœstirjettur staðfest dóm synó-
dalrjettarins í Reykjavík, er dœmdi
Sigurgeir Jakobsson, fyrrum prest á
Grund í Eyjafirði, frá kjól og kalli.
Embættis-skipun.
29. f. m. er cand. med. & chir. Jón Sigurð-
ur Karl Krist/án Sigurðsson John-
sen skipaður læknir í 12. læknis-
dæmi (pingeyjarsýslu o. s. frv.)
Brezkur k o n s ú 11.
3. þ. m. er Wm. G. Spence Palterson viður-
kendur sem brezkur konsúll á ís-
landi með aðsetursstað í Reykjavík.
Bretland ið mikla hefir áður engan
konsúl haft hjer á landi.
— «Arcturus» kom í morgun; enginn komst
í land í dag úr honum.
(^=" Næsta blað 31. p. mán..
Ritstjóri og ábyrgðarmaður:
J ó n Ó 1 a f s s o n, alþingismaður.
Prentuð hjá Einari pórðarsyni á hans kostnað.