Lögberg - 07.11.1929, Blaðsíða 1

42 ARGANGUR !|
WINNIPEG, MAN., FIMTUDAGINN 7. NÓVEMBER 1929
NÚMER 44
HELZTU HEIMSFRÉTTIR
HÖRMULEGT SLYS.
UNGRARN FERST í ELDSVOÐA
Á miðvikudagskveldið í vikunni
sem leið, hinn 30. okt., brann spít-
alinn í Shoal Lake, Man., til kaldra
kola. Það hörmulegasta við slys
þetta var það, að í eldsvoðanum
fórst fárra daga gamalt ungbarn,
dóttir J. Ásgrímssonar, bónda að
Gerald, Sask. Alls voru á spítal-
anum níu fullorðnir sjúklingar og
þrjú börn, og bjðrguðust allir ö-
meiddir nema þetta barn. Er til
þess tekið, hve vel læknirinn,
hjúkrunarkonur og aðrir, sem við
spítalann unnu, ha'fi gengið fram
í því að bjarga öllu fólkinu, sem
þar var. Strax þegar eftir því
var tekið, að eitt af börnunum
hefði orðið eftir í byggingunni,
fóru þau Dr. Sigurgeir Bardal,
sspítalalæknir, og Miss M. Avison,
yfirhjúkrunarkona, enn inn í
bygginguna, til að reyna að bjarga
því, þrátt fyrir alvarlegar aðvar-
anir þeirra, sem viðstaddir voru.
Lögðu þau sig í mikla lífshættu
til að bjarga barninu, en sem því
miður hepnaðist ekki, því eldur-
inn var þá orðinn svo magnaður
og reykurinn mikill, að ekki var
nokkurt viðlit að komast þangað,
sem barnið var, og urðu þau því
frá að hverfa. Fanst þeim, er á
horfðu, sem þau væru úr helju
heimt, er þau komu aftur út úr
byggingunni, sem þá stóð í ljós-
am loga.
Spítlainn var bygður 1902, en
Lafði fyrir skö*mmu verið mikið
umbættur. Yar bæði byggingin
sjálf og húsmunir í eldsábyrgð.
Yarð litlu eða engu bjargað, að
því er frézt hefir, og varð fólkið,
^sem þarna vann, fyrir miklum
skaða, því það misti föt sín í
eldinum og annað, sem því til-
heyrði.
Eins og þegar er getið, var Dr.
Sigurgeir Bardal spítalalæknir
við Shoal Lake spítalann. Þar
vann einnig ein íslenzk hjúkrun-
arkona, Miss E. Sigurjónsson frá
Winnipeg. '
MERKUR ÖLDUNGUR LÁTINN
Látinn er í Fort William, Ont.,
Peter McKellar, einn af stofnend-
um þeirrar borgar, níutíu og eins
árs að aldri. Hafði hann um
langan aldur gefið sig við jarð-
fræðilegum rannsóknum, og varð
fyrstur manna til þess að finna
gull, silfur og koparnámur í hér-
uðum þeim, er að Fort William
liggja. Hann var heiðursmeðlim-
ur í mörgum vísindafélögum, svo
sem íNational Geological félag-
inu og National Geographic sam-
bandinu.
SÍMAKERFI MANITOBAFYLKIS
Það er búist við, að símakerfið
hafi $300,000 tekju afgang á fjár-
hagsárinu, sem endar 30. þ. m.,
og er það miklu meira heldur en
nokkru sinni fyr. Mestur tekju-
afgangur, sem kerfið hefir áður
haft, var 1927, $255,419.
SKIPSKAÐAR. ÞRJÁTÍU OG
ÞRÍR MENN DRUKNA
Tvö vöruflutningaskip rákust á
í niðaþoku á Michigan vatni í vik-
unni sem leið, og sökk annað
þeirra svo að segja samstundis.
Fórust þar 33 menn, en tveimur
var bjargað frá hinu skipinu, sem
laskaðist einnig.
NÝJAR BYGGINGAR í WINNIPEG
Á þeim tíu mánuðum, sem liðn-
ir eru af þessu ári, hafa bygging-
arleyfi, útgefin í Winnipeg, orð-
ið heldur fleiri heldur en á sama
tíma í fyrra. Hinn 31. október í
fyrra, voru byggingaleyfin 2,424,
en byggingarnar 2,6|25, og verð
þeirra samtals $10,131,500. Nú
um mánaðamótin voru bygginga-
leyfin 2,944, byggingarnar 2,634,
en verð þeirra ekki nema $10,101,-
950. Líklegt þykir þó, að um næstu
áramót verði byggingaleyfin orð-
in hærri, en þau urðu í fyrra, því
kunnugt er um ýmsar, sem enn á
að byggja í Winnipeg á þessu ári.
TILLAGA UM AFNÁM DAUÐA-
DÓMS FELD í BREZKA ÞINGINU
Þann 30. október síðastliðinn,
bar einn af þingmönnum verka-
mannaflokksins í brezka þinginu,
fram tillögu þess efnis, að dauða-
dóms ákvæðið í lögum Breta,
skyldi úr gildi numið. Tillagan
var feld svo að segja í einu
hljóði. Samþykt var síðar sama
dag, tillaga frá Sir Herbert Samu-
el, liberal, um að þlngið lýsti yf-
ir, að það væri því hlynt, að þing-
nefnd yrði sett í málið.
FYRSTA SNJÓKOMA Á HAUSTINU
Á fimtudaginn í vikunni sem
leið, féll heilmikill snjór í Win-
nipeg og grendinni, nálega fimm
þumlungar. Bleytu kafald allan
daginn og æði hvast á norðan.
Fyrst snjór, sem fallið hefir á
þessum slóðum í haust. Gerði veð-
ur þetta töluverðan skaða, braut
fjölda símastaura í Manitoba og
staura, sem halda uppi rafleiðslu-
vírum. Urðu af þessu allmikil
óþægindi og sambandsslit í bráð-
ina, á ýmsum stöðum í fylkinu, og
er enn naumast búið að bæta all-
ar þessar skemdir.
FRÚ CURIE
Vfsindakonan heimsfræga, frú
Curie, sú er hlutdeild átti í
því, með manni sínum, að
uppgötva radium, er stödd í
Washington um þessar mundir,
sem gestur Hoovers forseta og
frúar hans. Afhenti forsetinn
henni eitt gram af radium, sem
heiðursgjöf, til þess hún gæti
frekar haldið áfram rannsóknum
sínum í þarfir læknisvísindanna.
Gjöfin er metin á fimtíu þúsond-
ir dala.
DR, TODD LÁTINN
Á þriðjudagsmorguninn í síð-
ustu viku, hinn 29. október, and-
aðist Dr. John O. Todd, á Almenna
spítalanum hér í borginni, á 64.
aldursári. 1 fjörutíu ár stundaði
hann lækningar í Winnipeg og' var
ávalt vinsæll og mikils metinn
læknir. Á fyrri árum sóttu Is-
lendingar mikið til hans og munu
margir þeirra ávalt hafa borið
hlýjan hug til hans síðan.
HON J. A. ROBB VEIKUR
Hann liggur enn veikur í Tor-
onto og eftir þvi, sem ráða má af
síðustu fréttum, er hann lítið eða
ekki í afturbata. Lungnabólga er
það, sem að honum gengur. Ekki
er hann samt þungt haldinn, að
því er fréttirnar segja, en þar sem
Mr. Robb er nú orðinn sjötugur
maður, þykir nokkurt tvísýni á
batanum.
MILJÓNAMÆRINGUR LÁTINN
Látinn er í Sydneyborg í Ástr-
alíu, F. S. S. Falkner, miljóna-
mæringur, kunnur víða um heim
fyrir vísindalega starfsemi á sviði
landbúnaðarins. Þótti hann eiga
fáa sína líka hvað sauðfjárrækt
viðkom.
FYLKISÞINGINU í QUEBEC
STEFNT TIL FUNDA
Samkvæmt opinberri tilkynn-
ingu frá Taschereau forsætisráð-
gjafa Quebec fylkis, kemur fylk-
isþingið þar saman þann 7. janú-
ar næstkomandi.
$1,600,000 FYRIR BŒNDURNA í
MANITOBA OG SASKATCHEWAN
Hveitisamlagið hefir nú borgað
bændum í Manitoba og Saskatche-
wan síðustu borgunina fyrir all-
ar korntegundir þeirra árið sem
leið, nema hveiti. Var þessi síð-
asta borgun, sem hér segir: 6%
cent. fyrir hafra, 2 cents fyrir
bygg, 24% cent. fyrir hör og 7%
cent. fyrir rúg. Hafa þá bænd-
urnir fengið alls fyrir þessar
korntegundir: 61 cent fyrir hafra,
69% cent. fyrir bygg, $2.20% fyr-
ir hör og 98%cent. fyrir rúg,
beztu tegundar.
Hoover forseti útnefnir fimm
erindsreka á Alþingishátíðina
Þar á meðal tvo Islendinga
Eftirgreinda fimm menn, hefir Bandaríkjastjórn skipað
til þess að fara með nmboð íyrir 'liönd jyjóðar sinnar á
Alþingishátíðinni 1930:
Senator Peter Norbeck, frá Suður Dakota.
Hon. O. B. Burtness, neðrimálstofu þingm., frá N. Dakota.
Mr. O. P. B. Jackobson, forseti járnbrautarráðsins í
Minnesota.
Hon. Sveinhjörn Johnson, prófessor við háskólann í
Ohicago.
Friðfik Fljózdal, forseti alþjóðar-sambands járnbraut-
arþjóna, í Detroit, Mich.
HON. SVEINBJÖRN JOHNSON,
prófessor í lögum viS háskólann í Chicago.
Flugmennirnir
[MacAlpine og félagar hans heilir
á húfi.
Sú mikla gleðifrétt barst út um
heiminn á mánudaginn, að þeir
MacAlpine og félagar hans væru
heilir á húfi við Cambridge Bay,
Victoria Island. Hefir Hudsons
Bay félagið þar verzlunarstöðv-
ar, en annars er þar ekkert hvítra
manna, en eitt af skipum félags-
ins, sem þar var statt, gat víð-
varpað þessum fréttum til Church-
ill og þaðan var þeim víðvarpað
til Ottawa og annara staða.
Skeytið, sem þessa frétt flutti, er
stutt og getur þess aðeins, að
mennimir séu lífs og heilir og að
þeir séu í iCambrige Bay, en sá
staður er langar leiðir norður í
íshafi, eins og menn vita. En þö
frétt þessi sé stutt, er hún engu
að síður talin áreiðanleg, og
skýrir hún frá því er mestu varð-
ar, að mennirnir séu heilir á húfi
og hvar þeir séu.
Eins og áður hefir verið skýrt
frá í Lögbergi, voru menn þessir
á rannsóknarferð norður í óbygð-
um. Síðan 8. september, eða nærri
heilan mánuð, hefir ekkert til
þeirra spurst, og hefir það vald-
ið, ekki aðeins þeirra eigin fólki,
heldur líka öllum öðrum, mikillor
áhyggju, enda má svo heita, að
stöðugri leit að þeim, hafi verið
haldið uppi nú vikum saman. Alls
voru átta menn í þessum leið-
angri, á tveimur loftförum. Eru
nöfn þeirra sem hér segir: C. D.
H. MacAlpine, foringi fararinnar,
Toronto, ,Ont.; C. A. Th.ompson,
Winnipeg; J. McMillan, Edmon-
ton; Robert F. Baker, St. Cathe-
rines, Ont.; A. D. Boadway, Win-
nipeg; Richard Pearce, Toronto;
Alex. Milne, Winnipeg og John
Goodwin, Hamilton. Ont. — Einn
þessara manna, Alex. Milne, er
giftur íslenzkri konu. Hún er
dóttir þeirra Mr. og Mrs. T. H.
Olafsson, 636 Victor St., Win-
nipeg.
tilraun GERÐ að RÆNA
SKÓáMIÐ
Klukkan hálf ellefu á laugar-
dagskveldið komu tveir menn inn
til George Manchulenko, skósmiðs
að 612 Logan Ave., með skamm-
byssur á lofti, og heimtuðu pen-
inga þá, sem hann kynni að hafa.
Höfðu þeir séð, að hann var að
telja peninga þar sem hann var í
sæti sínu. Skósmiðurinn var þarna
ekki einsamall, því inni hjá hon-
um var frændi hans, og í næsta
herbergi við skóbúðina var fóst-
urdóttir hans og enn annar mað-
ur. George vildi ekki láta af hendi
peninga sir.a, sem voru eitthvað
um fimtán dalir. Varð ræningj-
unum ráðafátt og hlupu út, án
þess að ná peningunum, en skutu
einum þremur skotum í fótleggi
skósmiðsins og særðu hann mik-
ið, og var hann fluttur á spítala.
Skömmu seinna voru tveir menn,
Joe Svanoff og Mitchell Kozlik,
teknir fastir og er haldið að þeir
hafi verið hér að verki. Báðir vel
kunnir lögreglunni.
HVEITIMAGN ÁSTRALÍU
Símað er 'frá Melbourne þann
31. fyrri mánaðar, að hveitiupp-
skeran í Ástralíu á ári því, sem
nú er að líða, hafi numið 100
miljónum mæla til móts við 160
miljónir mæla í fyrra.
FORSŒTISRÁÐHERRANUM
FAGNAÐ
Sambandsþingmennirnir, Mr. J.
T. Thorson, Mr. McDiarmid og Dr.
Howard, stóðu fyrir almennri
móttökuhátíð, sem haldin var til
virðingar King forsætisráðherra,
á Fort Garry Hotel á fimtudags-
kveldið í vikunni sem leið. Um
fimm hundruð manns voru við-
staddir.
ONTARIO FYLKII HELJAR-
GREIPUM ÍHALDSINS
Fylkiskosningarnalr í Ontario,
sem fram fóru þann 30. október
síðastliðinn, veittu íhaldsstjórn
þeirri, er Mr. Ferguson veitir for-
ystu, sterkari meiri hluta, en dæmi
eru til í sögu fylkisins. Nánari
upplýsingar um úrslit kosning-
anna, er að finna á ritstjórnar-
síðu þessa blaðs.
SéraHafsteinn Pétursson
látitin.
Hann andaðist í Kaupmanna-
höfn, fimtudaginn hinn 31. októ-
ber, og fór jarðarförin fram á
mánudaginn, hinn 4. þ. m. Barst
þessi dánarfregn Mr. A. C. John-
son konsúl, nú um helgina, frá
Kaupmannahöfn. Séra Hafsteinn
var um eitt skeið prestur í Argyle-
bygð og síðar í Winnipeg, og
mörguir^ Vestur-áslendingum síð-
an að góðu kunnur..
FRÁ ÍSLANDI
Rit Jónasar Hallgrímssonar.
ísafoldar prentsmiðja er að gefa
út öll rit Jónasar Hallgrímssonar,
bæði í bundnu máli og óbundnu,
bréf hans, blaðagreinir, ritgerðir
o. fl. Kemur fyrsta heftið á bóka-
markaðinn í dag, ljóðmæli, frum-
samin og þýdd. Hefir allmargt af
því aldrei sézt á prenti áður. Alls
verður ritsafnið í 3 eða 4 bindum,
en athugasemdir pg skýringar
verða með hverju hefti og koma
þau hefti út, þegar ritin eru full-
prentuð. Enn fremur fylgir æfi-
saga Jónasar. Matthías Þórðar-
son fornminjavörður sér um út-
gáfuna. — Munu allir landsmenn
fagna því, að eiga nú kost á að
eignast slíkan bókmentafjársjóð,
því að vinsældir Jónasar fara ekki
þverrandi með árunum. Hann
skipar alt af heiðurssæti á Braga-
bekk. — Útgáfan er hin vandað-
asta í alla staði og bókin ódýr eft-
ir stærð. —i Mgbl.
30 ára kennara-afmæli
í mánaðarbyrjun núna (okt.),
á frú Margrét Rasmus, forstöðu
kona Mállyeisngjaskólans, 30 ára
kennraafmæli. Það var í októ-
berbyrjun 1899, að hún réðst til
skólans, sem þá starfaði á Stóra-
Hrauni í Árnessýslu. Þar starf-
aði hún sem kenslukona, þar til
1908 að skólinn fluttist til Reykja-
víkur. Gerðist hún þá forstöðu-
kona skólans, og hefir gegnt því
starfi síðan.
Fæstum er kunnug starfsemi
Málleysingjaskólans, enda starfar
sá skóli með mjög ólíkum hætti
því, sem menn eiga að venjast. Er
frú Margrét kom að skólanum,
voru kensluað'ferðir ófullkomnar
og aðbúð skólans ill. Síðan hefir
margt líreyzt jtij ibatnaðar og
skólinn tekið miklum framfóxum.
Þær framfarir eru engum meir
að þakka en frú Margréti, er.da
hefir hún lengst af verið sú, sem
bezt skyn hefir borið á slíkt.
Tíðindamaður blaðsins heim-
sótti frú Margréti í Málleysingja-
skólanum í gær. Spurði hann m.
a. hvernig kenslu væri hagað í
skólanum.
— öll kensla mín er nú orðin
innifalin í því, að kenna börnun-
um að tala og skilja málið. Erfið-
leikinn við þetta er ótrúlegur, m.
a. af því, að þau heyra fæst neitt.
Það kostar mikla áreynslu, að fá
þau til að gefa frá sér rétt hljóð,
laga röddina og kenna þeiin að
mynda orð og setningar, eins og
skiljanlegt er, þar sem eyrað
hjálpar ekki til.
Frúin gerir nú boð fyrir ung-
lings pilt, 14 ára að aldri. Hann
er fæddur heyrnarlaus og hefir
ekkert talað, fyr en hann byrjaði
á að læra í skólanum. Hann hef-
ir hægt eftir það, sem hún segir
við hann og svarar þeim spurn-
ingum, sem hún leggur ryrlr
hann. Tíðindamaður blaðsins
leggur líka fyrir hann spurning-
ar, og svarar hann þeim greið-
lega, eftir því sem hann hefir
þekkingu til. Hann hefir verið
sex vetur í skólanum og er með
efnilegustu nemendum.
—Fæstir læra svona fljótt, bæt-
ir hún við. Hugmyndin um að
tala, er börnunum að öllu leyti ó-
kunn, þegar þau koma í skólann.
Þau skilja ekki hvers vegna af
þeim er heimtað að læra þetta og
áhugi fyrir náminu kemur venju-
lega ekki fyr en eftir tvö til þrjú
ár hjá þeim yngri.
— Hve lengi hafið þér kent tal
í skólanum?
—Síðan haustið 1922. Fyr hafði
eg ekki tækifæri til að kynna mér
nýjustu kensluaðferðir. Síðan
hefi eg kent með þessari aðferð
nær eingöngu, og hafa nokKrir
nemendur mínir gengið undir
fullnaðarpróf með varamáli.
Frú Margrét hefir allan sinn
kenslutíma getið sér hið bezta
orð, sem natin og umhyggjusöm
kenslukona. Hún hefir alla tíð
verið börnum þeim, sem hjá
henni hafa lært, sem hin bezta
móðir, jafnt eftir að þau hafa
lokið námi og meðan þau voru í
skólanum. Það er því full ástæða
til, að óska henni til hamingju
með langt og ötult starf í þágu
þeirra barna, sem rænd eru hæfi-
leikanum til að gera sig skiljan-
leg við aðra. — Mgbl.
Ur bœnum
Eins og auglýst er á öðrum stað
í blaðinu, verður samsæti haldið
í samkomusal Fyrstu lút. kirkju á
mánudagskveldið. Eru Islending-
ingar í Winnipeg sérstaklega á
það mintir, að lesa þessa auglýs-
ingu, og munu þeir þá fljótt sjá,
að þar verður gott að koma. En
geta má þess hér, að máltíðin, sem
þar er fram reidd; verður reglu-
legur miðdagsverður (Turkey
Dinner). Það sýnist vera sér-
staklega vel til fallið fyrir íslend-
inga í Winnipeg, yngri og eldri,
að hafa sameiginlega máltíð í
samkomusal Fyrstu lút. kirkju á
þakkarhátíðinni.
afc ........
MR. FRIÐRIK FLJÓZDAL,
forseti Alþjóðarsambands járn-
brautarþjóna, í Detroit, Mich.
Mr. J. S. Gillis, Brown, Man.,
kom til borgarinnar í síðustu
viku og synir hans tveir, Oscar og
Árni. Er sá síðarnefndi að byrja
nám við búnaðarskóla Manitoba-
fylkis.
Walker Leikhúsið.
Á Walker leikhúsinu verður alla
vikuna, sem byrjar á mánudaginn
hinn 11. .m., Colbourne’s leikfé-
lagið, og þar leika þeir Mr. Cól-
bourne, Barney Jones og fleiri á-
gætir leikarar í þremur af hinum
beztu leikjum eftir Bernard Shaw.
Fer þar hvorttveggja saman, ágæt-
ir leikir og ágætir leikarar.
Gordon McLeod, sem Winnipeg-
búar kannast við síðan í fyrra,
verður á Walker leikhúsinu mánu-
daginn hinn 18. þ.m. og alla þá
viku. Leikurinn, sem leikfélag
hans leikur hér, heitir “The Ring-
er” og þykir sérlega mikið til hans
koma.
Þakklætishátíðin í Vatnabygðum
10. nóvember.
Að Mozart kl. 11 árd.; Kanda-
har kl. 3 síðd. og í Wynyard kl. 7
að kveldinu. — Allar þessah guðs-
þjónustur verða á ensku. Hin síð-
astnefnda^ verður sairneiginleg
með “Unjited Church” söfnuðin-
um og í þeirri kirkju, en undir-
ritaður prédikar.
Mr. Walter Sveinbjörnsson og
Mrs. Burgess syngja við Mozart-
guðsþjónustuna, Mrs. Sigríður
Thorsteinsson og Mrs. Creelman
við þá í Wyayard, og einhver sér-
stakur söngur verður í Kandahar.
Fjölmennið, Islendingar. Þetta
er árleg hátíð þjóðarinnar, sem
vér nú tilheyrum. Allir borgarar
landsins ættu að safnast saman
og þakka guði fyrir hinar mörgu
og miklu velgjörðir, sem hann
hefir látið þeim í té. Hann er
gjafarinn allra góðra hluta.
Ver ekki fjarverandi, kæri vin-
ur! Vinsamlegast,
Carl J. Olson.
TILKYNNING
Fyrir hönd Cunard eimskipafé-
lagsins, leyfi eg mér að skýra ís-
lenzkum almenningi frá, að níu-
tíu íslendingar, búsettir í Winni-
peg, hafa trygt sér far til Islands
með skipinu Andania, er siglir
frá Montreal þann 6. júní 1930.
Auk þess eru enn margir, er hafa
tilkynt mér, að þeir ætli að tryggja
sér far, einhvern hinna næstu
daga. (
Sökum þess, hve dvöl mín í borg-
inni að sinni, fer að styttast, er
áríðandi, að fólk, sem heim ætlar,
finni mig sem fyrst að máli.
Fólk úti á landi, ætti enn frem-
ur að skrifa mér sem allra fyrst..
Thorstína Jackson Walters,
270 Main Street Winnipeg.
Talsími: 26 841.
Wonderland Leikhúsið.
Kvikmyndin, sem sýnd verður
á Wonderland leikhúsinu þrjá
fyrstu dagana af næstu viku, heit-
ir “His Captive Woman”. Aðal
efnið er það, að kona myrðir mann
og fer svo eitthvað suður í heim.
Lögreglumaður er sendur til að
sækja hana, en þá vill svo til, að
þau verða skotin hvort í öðru, en
hann skilar henni á lögreglustöðv-
arnar engu að síður. Aðal hlut-
verkin leika Dorothy Mackeil og
Milton Sills.
Viðurkenning til - 5$
Dr. B. J. Brandson
Langruth, 5. október 1929.
Vér, sem ritum nöfn vor hér
undir, höfum verið og erum mót-
fallin styrkbeiðni í sambandi við
heimför Vestur-íslendinga á þús-
und ára afmælishátíð Alþingis ís-
lands 1930.
Með því að oss virðist, að deil-
ur þær, sem átt hafa sér stað í
sambandi við það mál, séu nú á
því stigi, að leikslokin séu lýðum
ljós, þá finnum vér oss ljúft og
skylt, að þakka Dr. B. J. Brand-
son fyrir framkomu hans og
frammistöðu alla sem foringja
mótmælenda styrkbeiðninnar.
Hann var fyrsti maðurinn til að
hefja mótmælin og — að oss virð-
ist — skjóta varnarskildi fyrlr
heiður vorn, Vestur-íslendinga, í
hinu víðkunna heimferðarmáli.
Oss er mikil ánægja, að láta
opinberlega í ljós, að vér álítum
Dr. Brandson einn af vorum beztu
og ágætustu mönnum hér megin
hafs.
ívar Jónasson.
G. F. Thordarson. *
Mr. og Mrs. Halldórsson.
Mr. og Mrs. Gísli Jónsson.
Mr. og Mrs. V. Bjarnason.
Laugi Anderson.
Mr. og Mrs. I. Björnsson.
Mr. og Mrs. G. Thorleifsson.
Mr. og Mrs. Jón Thórdarson.
Mr. og Mrs. G. Guðmundsson
C . Goodman.
Mr. og Mrs. S. B. Olson.
S. Tómasson.
J. Valdimarsson.
Mr. og Mrs. H. Hannesson.
Mr. og Mrs. O. Egilson.
Mr. og Mrs. B. Ingimundsson.
Mr. og Mrs. Steini Jónasson.
Mrs. P. Jónasson.
G. Jónasson.
J. Jónasson.
Thid. Jónasson.
Mr. og Mrs. Th. Johnson.
Mrs. B. S. Thompson.
A. Thompson.
S. Hjaltdal.
Steve Johnson.
Victor Johnson.
Mr. og Mrs. G. Arnason.
Einar Isfeld.