Dagskrá - 23.06.1897, Blaðsíða 3

3$i
sjeð uin, að enginn gæti sjeð inn í vagninn, og þannig
stóð hann uns vagnlestin var komin af stað. Fleygði
hann sjer þá niður á bekkinn í horninu, sem var lengst
í burtu frá mjer, Og kastaði loks yfirhöfninni af sjer.
Mjer brá mjög í brún, og varð æði smeik, er jeg
sá, að hann var klæddur líkt og kvennmaður að nokkru
leyti. Tók hann sekk undan bekknum er hann sat á,
og var sekkurinn líkur því, sem iðnaðarmenn geyma
í smíðatól sín. Fór maðurinn að klæða sig um í mestu
makindum.
Jeg horfði auðvitað á hann með mestu athygli. Var
hann lítill, grannvaxinn Og mjög fríður sýnum. Fór
hann úr treyjunni og vestinu, Og tók af sjer flibbann
og hálsklútinn, og sá jeg þá, að hann var með stórt ör
ofan frá vinstra eyranu, og náði það niður undir hök-
una. (Frh.).
Demantar í stáli.
Eins og kunnugt er kemur kol fyrir í þrem myud-
um; algeng kol, grafit og demant. Kol hefur í öllum
þessum myndum ýmsa fágæta eiginlegleika; það er eitt
aðalefni allra lifandi líkama, það bráðnar ekki og er
mjög erfitt að leysa upp. Hið einasta efni er menn
vita hæfilegt til þess að leysa kol upp er — járn.
Ætla menn að demantar hafi komið fram við efnaupp-
leysing er orðið hafi á fyrri tímabilum jarðmyndunarinn-
ar, við afar mikinn hita.
Menn hafa nú lengi vitað að ýmsar tegundir lopts-
steina — sem eru mjög járnríkir —hafa í sjer smádem-
anta. Og kom það Rosselprofessornokkrum svissneskum
til þess að ransaka hvort demantar fynndust ekki í al-
gengu steypijárni eða stáli. Rannsóknir þær er hann
hefur látið gjöra hafa nú leitt til þess að sönnun er
fengin fyrir því, að í öllu stáli er meira og minna af
ákaflega smáum demöntum — og er það ætlun upp-
götvarans að hægt muni að finna veg til þess að búa
til demanta úr stáli við rafurmagnshita.
Marglit biflía.
Nýútkomin er biflíuútgáfa ensk, þar sem táknað er
með ýmsum litum frá hverju handriti hver setning eða
orð stafi í hinni helgu bók.
Hún er prentuð með sjö litum, og táknar hver litur
sinn uppruna. Þannig táknar rautt hið svokallaða yngra
Judæiska handrit. skrifað um 670 f. Kr., blátt Ephraim-
itiska handritið, sem er fáum árum eldra. Rautt og
blátt saman og purpurarautt, táknar hina svökölluðu
spámannl. sögu í fyrstu bók Mosis (c. 640 f. Kr.). Það
sem prentað er á hvítt stafar frá skýrslum og frásögnum
presta (safnað c. 500 f. Kr. í Babylon) o. s. frv.
Á þennan hátt er sýnt glögglega að sagan um upp-
runa biflíunnar er ekki annað en skáldskapur. Þannig
t. a. m. að »Moses hafi skrifað hina fyrstu bók í einu
og guð lesið fyrir«. Þessi bók var í raun rjettri skrifuð
nær þúsund árum eptir dauða Moses.
(Sbr. Rewiew of Rewiews).
Dýrar barnaskólabækur.
Eitt einasta barn í Rvíkur-barnaskóla hefur nú um
undanfarin ár orðið að kaupa sjer kennslubækur einungis
í dönsku fyrir 8 — átta krónur — alls! Er þetta að
eins tekið til dæmis upp á hve hóflauslega nemendum
skólans er ofþyngt með kaupum á kennslubókum, einni
eptir aðra, og það ef til vill stundum mjög ónýtum »út-
gáfum«, eptir hina og þessa, sem að eins leggja slíkt
fyrir sig sjer til atvinnu, en ekki af því að þeir geti
gjört neina umbót á þeim bókum sem áður eru til.
Laugarnar og raflýsing Reykjavíkur.
Frá Lundúnum hefur frjettst að enskur rafurmagns-
fræðingur, sem mun hafa eitthvað þekkt Frímann B.
Andersson, og plögg hans frá bæjarstjórninni í Rvk. —
sje nú að hugsa um að gjöra bænum tilboð um að raf-
lýsa staðinn, Og kvað hann þykjast geta þetta fyrir
mikið minna verð heldur en ætlað var í reikningum
Anderssons.
Hann kvað ætla að nota hitann í Laugahvernum
til þess að framleiða rafmagnið, og er auðsætt að það
gæti orðið miklu ódýrara heldur en vatns »motor« inni
í Elliðaánum bæði vegna þess að leiðsla rafurmagnsins
til bæjarins yrði þá miki? styttri, og eins vegna hins
að útbúningur sá er með þarf til þess að komast hjá
því að frostið gjöri mönnnm »stryk í reikninginn« —
fellur alveg burt við laugarnar.
Á Sikiley og í Ameríku kváðu vera dæmi þess að
menn hreifi vjelar við hvera hita, og sýnist í sjálfu sjer
ekkert vera því til fyrirstöou að gjöra þetta hjer, sem
annarsstaðar. _________________
Sænsk korvetta »Freia«, æfingaskip (i4fallsk.
og 300 manns) kom hingað í dag frá Gautaborg. —A
að dvelja hjer átta daga alls. — Á skipinu eru 30 liðs-
foringjaefni. Skipið fer hjeðan til Þrándheims.
Um borð í »Freyju« er miðsumarhátíð haldin í
kvöld og glatt á hjalla.
Góður lúðraflokkur er á skipinu, og munu bæjar-
menn innan skamms fá kost á að heyra Svía spila á
Austurvelli.
Sænskt herskip hefur ekki sjest ýijer á höfninni
síðan Þjóðhátíðarsumarið.
Frá útlöndum er ekkert nýtt að frjetta með
»Freyju«. Hún fór frá Svíþjóð á Hvítasunnukvöld en
seinustu blöð er áður höfðu borist voru frá 4. þ. m.
Meðal minniháttarfrjetta má þó telja að Karl Svía-
prins er trúlofaður Ingibjörgu dóttur krónprinsins danska.